Aduya:Cómo rechistrar-se

De Biquipedia

No cal rechistrar-se ta veyer y editar as pachinas d'a Biquipedia. Manimenos, en rechistrar-te obtienes bellas caracteristicas adicionals, y por un regular ye recomendable en toz os prochectos.

Rechistrando-se[editar | modificar o codigo]

Creyar una cuenta d'usuario significa que darás un nombre d'usuario (o tuyo nombre reyal u bel pseudonimo) y una parola de paso u contrasenya. Cal parar cuenta que o sistema no premite a creyación d'una cuenta d'usuario con un nombre d'usuario que actualment ye en uso. O proceso de creyación nomás cal fer-lo una vegada, ta «rechistrar-te», y as siguients vegadas que deseyes dentrar-ie, nomás habrás de dar o tuyo nombre d'usuario creyato y a tuya parola de paso.

Dende iste inte, as edicions que realices serán asignatas a lo tuyo nombre d'usuario. Si no yes rechistrato, as edicions s'asignarán a la tuya adreza IP.

Razons ta rechistrar-se como usuario[editar | modificar o codigo]

  • Os atros usuarios te podrán reconoixer por o tuyo nombre d'usuario cuan faigas cambeos en una pachina. Si no te rechistras, nomás a tuya adreza IP identificará as tuyas contrebucions. Manimenos l'adreza IP no deixa fer una identificación correcta: Si gosas connectar-te dende ordinadors en diferents ubicacions (casa, oficina, cafetería, etc.) tendrás diferents adrezas IPs en cada caso; mesmo en una mesma ubicación podrías tener diferents IPs pendendo en a connexión a Internet. Debito a ixo, un nombre d'usuario ye muito millor ta mantener una identidat en o prochecto.
  • Tendrás a tuya propia pachina d'usuario á on podrás escribir sobre tu (si quiers) ta que atros puedan conoixer-te una mica mas. Antiparte tendrás tamién una pachina de descusión que podrás usar ta comunicar-te con atros usuarios.
  • Tendrás a tuya lista de seguimiento.
  • Tendrás a tuya lista de contrebucions, á on podrás veyer totas as tuyas edicions dende l'inte en que t'haigas rechistrato.
  • Si proporcionas a tuya adreza electronica (e-mail), atros usuarios podrán contactar con tu á traviés de correu-e. Ista opción funciona de traza anonima, ye dicir os usuarios que contacten con tu á traviés de l'e-mail no tendrán acceso ta veyer a tuya adreza. No has de dar o tuyo correu electronico si no lo deseyas.
  • Podrás tresladar pachinas que tengan nombres incorrectos.
  • Podrás establir as tuyas Preferencias ta cambear cosas como:
    • O numero de pachinas amostratas en os zaguers cambeos.
    • As fuents, colors y disenyo d'a pachina, emplegando diferents skins.
  • Cuan haigas acumulato prou esperencia podrás participar en as decisions d'a Biquipedia, antimás de tener a posibilidat de estar esleyito almenistrador.

Como rechistrar-se[editar | modificar o codigo]

En primeras, asegura-te que o tuyo nabegador web accepta cookies. Bels navegadors pueden acceptar u refusar cookies de pachinas web especificas. Ta rechistrar-te abrás de confegurar o tuyo navegador web ta acceptar las de Biquipedia (dominio: 'an.wikipedia.org').

Ta rechistrar-te fas clic en o vinclo «Creyar una cuenta u dentrar-ie» situato en o cantón superior dreito d'a pachina. Si no t'has rechistrato antis, habrás de creyar un nuebo usuario fendo clic en Creyar una nueva cuenta.

Si quiers, tamién puez meter a tuya adreza electronica. D'ista traza atros usuarios podrán ninviar-te correus sin conoixer a tuya adreza.

Si fas clic en o cuadro «Quiero que se remere a mía parabra de paso entre sesions» no habrás de meter de nuebo a tuya clau cuan accedas de nuevas a la Biquipedia dende o mesmo ordinador.

E si se m'olbida la parabra de paso?[editar | modificar o codigo]

Si metes una adreza de correu cuan te rechistres por primera vegata u posteriorment en as tuyas preferencias, podrás demandar o ninvío d'una palabra de paso temporal a lo tuyo correu electronico, que te premitirá acceder nuevament a traviés d'a tuya cuenta d'usuario.

Problemas en rechistrar-se[editar | modificar o codigo]

Si has encetato a sesión, pero dimpués de veyer a pachina «Has enzetato a tuya sesión en Biquipedia como "...."» t'apareixe como si no heses iniciato sesión, ye muit probable que haiga problemas con as cookies en o tuyo navegador web. Si ya yes seguro que as cookies son premititas, asegura-te de no haber meso //an.wikipedia.org en a lista de pachinas no premesas ta cookies (ista caraucteristica ye disponible, a lo menos, en Mozilla Firefox versión 0.6 y superior y Microsoft Internet Explorer versión 6 y superior). Antimás asegura-te que a calendata d'o tuyo ordinador sía correcta; si no en ye, as cookies podrían circunducir antis d'o que deberían. Bels firewalls (tallafuegos) y programas de bloqueyo de publicidat tamién pueden interferir con as cookies que emplega Biquipedia ta mantener una sesión activa.

Creyar una cuenta agora