1984 (revista)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

1984 fue o títol de dos revistas, una estausunidense y atra espanyola, especializatas en tematicas de ciencia-ficción y fantasía ta adultos que en primerias compartian parti d'o conteniu. A versión espanyola fue parti de l'anomenau boom d'o comic adulto en Espanya.

Versión americana

En a versión americana o primer numero se publicó en o mes de chunio de 1978, yera editata por Warren Publishing y en l'anyo 1980 fació un cambio de nombre ta dir-se 1994.

Versión espanyola

A versión espanyola fue editada por Toutain Editor en Barcelona dende noviembre de 1978 dica l'anyo 1992. En primeras teneba un preu de 75 pesetas y 60 pachinas d'as que ueito yeran en color, no teneba publicidat externa, nomás de publicacions d'a mesma editorial. En l'anyo 1984 ta evitar un anacronismo con o nombre pasó a dir-se Zona 84, enamplando-la dica 100 pachinas con mas proporción en color d'as que se facioron 96 numeros dica a suya desaparición en l'anyo 1992.

Autors

Cal destacar la calidat que teneba a revista a on colabororon debuixants y guionistas de nivel mundial y que teneban una gran libertat creativa en a publicación. En primeras yeran cuasi toz difuera de Espanya pero rapedament aconsiguió aplegar autors espanyols y mas que mas catalans, entre os que puet destacar-sen Howard Chaykin, Horacio Altuna, Richard Corben, Juan Giménez, Josep Maria Beá, Jordi Bernet i Cussó, Fernando Fernández, Alfonso Font, José González, Carlos Giménez, Esteban Maroto, Miguelanxo Prado, Luis Bermejo y José Ortiz entre d'atros.

Vinclos externos

• (es) Ficha 1984.
• (es) Ficha Zona 84.

• Datos: Q971533