Xabier Lete
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Xabier Lete | ||
|---|---|---|
Xabier Lete en 2008, mientres un recital d'as suyas poesías.
| ||
| Información personal | ||
| Nombre | Xabier Lete Bergaretxe | |
| Embotada | {{{Alias}}} | |
| Naixió | 5 d'abril de 1944, Oiartzun, Guipuzcua País Basco
| |
| Murió | 4 d'aviento de 2010 Sant Sabastián, Guipuzcua País Basco
| |
| Información musical | ||
| Orichen | {{{Orichen}}} | |
| Estilo | Canción d'autor | |
| Ocupancia | {{{Ocupancia}}} | |
| Instrumentos | Voz y guitarra | |
| Tiempo | 1965 - 2010 | |
| Discograficas | ||
| Relacionau con | {{{Artistas_relacionaus}}} | |
| Pachina web | ||
Xabier Lete Bergaretxe (5 d'abril de 1944, Oiartzun - 4 d'aviento de 2010, Sant Sabastián) estió un escritor, poeta y cantautor basco.
Prencipió a escribir muit choven, y os suyos articlos estioron habituals en a revista Zeruko Argia. Estió un d'os prencipals components d'a Nueva Canción Basca (Euskal Kantagintza Berria): en 1965, chunto con Mikel Laboa, Benito Lertxundi, Joxean Artze, Jose Angel Irigarai y Lourdes Iriondo, establioron o grupo Ez Dok Amairu. Fendo remeranza d'aquella epoca, Lete recenta o siguient:
("O treballo d'o cantaire, yera, mas que mas, un treballo de recuperación. Chunto con a recuperación d'un modo tradicional de cantar —también replegando antigas cancions—, yera a recuperación d'a luenga y a conciencia d'o país. A canción, d'una traza u d'atro se vincla a la luita. Exactament, con l'aspra luita de supervivencia que manteneba un país.")
En el anyo 1972, o grupo Ez Dok Amairu desapareixe; Lete, chunto con la que por ixas envueltas yera a suya muller Lourdes Iriondo, continó con a composición de cancions.
En 1968 Lete publica o suyo primer poemario y o 27 d'octubre de 2009 o suyo zaguer libro de poesía, titulato Egunsentiaren esku izoztuak ("As chelatas mans de l'amaneixer"), con o cual obtenió o Premio Euskadi de Literatura. En 2005 recibió un duro golpe; a suya muller Lourdes Iriondo moriba dimpués d'una malautía. En abril de 2009, lo nombroron socio (jakituna) de Jakiunde, a Sociedat d'as Ciencias, Artes y Letras, y en 2010 ye nombrato euskaltzain ("academico") d'honor de Euskaltzaindia ("Academia d'a Luenga Basca"). Muere o 4 d'aviento d'iste mesmo anyo, dimpués d'una luenga malautía y dimpués de permaneixer dos dias graument ingresato en o hespital.
Vinclos externos
[editar | modificar o codigo]
Se veigan as imáchens de Commons sobre Xabier Lete.
Datos: Q3091084- Multimedia: Xabier Lete / Q3091084