Wikipedia:Politicas/Politica sobre imáchens en Biquipedia

De Biquipedia
Ir a la navegación Ir a la búsqueda

Propuesta de politica[editar código]

Ista ye a politica oficial de Wikipedia en aragonés sobre l'uso d'imáchens. Para cuenta que ista politica no ye una politica global que s'aplique en totas as Wikipedias, sino que ye una politica d'aplicación nomás en a Wikipedia en aragonés. Si quiers puyar imachens u archivos en atra versión de Wikipedia por fabvor consulta as normas d'uso d'imáchens d'ixa Wikipedia.

Totas as imáchens de Biquipedia tiene que encluyir una etiqueta con a suya licencia y orichen, si no estarán borratas por un administrador. Se veiga Wikipedia:Etiquetas de licencias.

Imáchens con licencias libres[editar código]

As imáchens con licencias libres s'han de puyar a Commons ya que astí se pueden emplegar en a resta de prochectos de Wikimedia. As imáchens con licencias libres en Biquipedia probablement se tresladarán a Commons.

S'encluyen en ista categoría:

  • Imáchens en o dominio publico.
  • Imáchens con licencias GNU.
  • Imáchens con licencias Creative Commons.

Imáchens con licencias no libres[editar código]

Imáchens con dreitos d'autor, pero autorizatas[editar código]

Son imáchens que tienen dreitos d'autor, pero que han estato autorizatas ta l'uso en a Biquipedia con bellas restriccions. Tienen as siguients caracteristicas:

  • Nomás se pueden emplegar en a Biquipedia.
  • Se pueden emplegar nomás con as restriccions imposatas por o suyo autor, citando siempre a iste.

Logos[editar código]

S'admiten logos de companyías, equipes esportivos u organizacions ta ilustrar nomás l'articlo d'ixa companyía, equipe esportivo u organización.

Fair use[editar código]

Debito a las leis existents en os Estatos Unitos, como los servidors de Biquipedia se troban situatos en iste país, s'admiten imáchens no libres de baixa resolución considerando o suyo uso como fair use con as siguients condicions:

  • ta ilustrar l'obchecto en custión,
  • considerando que no existe ni puet estar creyata una imachen libre equivalent que pueda representar adeqüadament a mesma información,
  • en a Biquipedia en aragonés, que se troba en servidors d'os Estatos Unitos d'America perteneixients a la organización sin d'animo de lucro Fundación Wikimedia.

En ista clasificación s'encluyen capturas de pantalla, pósters de cintas, portaladas d'albums de musica, de revistas, comics, chuegos y imáchens promocionals de personaches relevants asinas como imáchens d'uso no comercial. Totas istas imáchens tiene que cumplir que:

  • Sían versions d'as imáchens orichinals a baixa resolución.
  • Deben encluyir en a suya etiqueta de licencia l'articlo a on que se ban a emplegar

Borrador de politica[editar código]

A mia opinión ye que en a Biquipedia s'han d'almitir iste tipo d'imachens fair use porque en parti en as wikis chicotas como a nuestra una imachen puet dar muita balor á un articlo...no sé por exemplo...en os articlos de equipes esportibos a imachen d'o escudo d'o equipo. Yo creigo que podemos seguir as mesmas politicas que tienen en a wiki anglesa (en:Wikipedia:Non-free content) --Willtron (?) LinkFA-star Aragon.svg 13:05 8 chul 2009 (UTC)

Basicament soy d'alcuerdo. Á más, un tema ta charrar ye que tengo muitas imachens de lugars y molimentos que no puyaré pas á Commons, pero que poderba zeder o suyo uso nomás á la Biquipedia en aragonés, en fair use, en conserbando ta yo o copyright. Tamién cal tener en cuenta as caratulas de discos y peliculas, que o tema d'o zine ye un tema á enamplar en a Biquipedia en aragonés, y muitas imachens en fair use que se troban en atras wikipedias, mesmo en l'anglesa, d'actors, politicos, escritors, etc. Antiparte, a politica sobre molimentos ye muit restritiba en Commons, en aplicar bellas lais nazionals seguntes as cualas no ye azeutable puyar imachens de molimentos en a bia publica, encara que l'autor d'a fotografía zeda os suyos dreitos, e prebaler os dreitos de l'arquiteuto. --Manuel Trujillo Berges 17:17 8 chul 2009 (UTC)
Yo isto no lo beigo tan platero, por os temas legals. Somos charrando d'una fegura legal que esiste en o dreito estatounidense (fair use) que no quier dezir que cualsiquier cosa se pueda meter. Ha de cumplir bellas condizions, pero yo no conoixco tan bien o dreito d'os EEUU como ta estar seguro de que iste uso no podría estar denunziable. Y si se planteyase una demanda en un trebunal d'os EE.UU.? Y si se planteyase en Aragón? Cualsiquier dezisión creigo que abría d'estar conforme a o dreito d'os EE.UU (en do son os serbidors) y os dreitos aragonés y español. Por eixemplo, si en Commons no i puyan bels molimentos porque a lechislazión de quemesió qué país, nusatros sí que podríanos puyar-los en a biqui siempre que no biole as leis aplicables en Aragón y EE.UU. Pero o tema d'o fair use cheneral sí que me fa más miedo, y caldría chustificar o uso de todas as imáchens que puyásenos conforme a ixas leis. Qué han feito en atras wikis de luengas d'España, que tienen alto u baixo o mesmo rechimen churidico? --Juan Pablo 14:46 10 chul 2009 (UTC)
En a mayor parte d'as biquipedias de luengas d'España siguen o sistema de .es; sindembargo, cal remembrar que en a Viquipèdia en catalán puyan os escutos y banderas de monezpios catalans dreitament d'a pachina web d'a Generalitat, meyante o sistema d'o fair use. --Manuel Trujillo Berges 15:57 10 chul 2009 (UTC)
He leyiu en "meta" a normatiba de Wikimedia respectibe á isto, y si querésenos encluyir conteniu no libre, iste ha de cumplir unas condizions, y s'abría de aprebar una "politica de doctrina d'exzepzión (PDE)" ta casos chustificaus. Ye important leyer isto ta saber o que abríanos de fer. En cualsiquier caso, si dezidísenos emplegar conteniu no libre (u no totalment compatible con as lizenzias), sí que sería bueno demandar permisos a o propietario. Asinas, encara que en ca: fan serbir os escudos de "municat.cat", que no ye conteniu libre, pero pareix que tienen permiso expreso [1]. A pachina d'exzepzions de cawiki ye ísta. Ye intresant, pues caldría que en aprebásenos una (y no sé si también caldría informar á wikimedia) si queremos emplegar imachens no libres. Ixo sí, yo no innobaría guaire respecto a o que s'ha feito en atras wikis, ta mirar de pribar problemas legals (de no estar que o nuestro churista, Manuel, nos aconselle d'atra traza).--Juan Pablo 20:46 10 chul 2009 (UTC)
Sí, yo he leyito iste maitín una mica as politicas de ca:wiki. Sí que premiten por exemplo logotipos de marcas u equipes de fútbol ([2])... nusatros agora tamién los premitimos, encara que no tenemos escrita la politica sí que emos emplegato escudos de fútbol por exemplo, u logos de partitos politicos --Willtron (?) LinkFA-star Aragon.svg 20:56 10 chul 2009 (UTC)
Ye un tema luengo y difízil, pero lo prenzipal ye tener un alazez solido, y saber cuala cosa queremos fer. Se puet excluyir de raso contenito no libre, y nomás emplegar imachens puyatas á Commons (como en .es), u azetar o fair use, y estudeyar cómo y en cuala mesura, d'alcuerdo con a lais á on ye situato o serbidor, que son as lais d'o estato de Florida, si no m'equiboco. A soluzión más fázil ye o sistema de .es: nomás emplegar imachens de Commons, encara que o sistema fair use premite tener más y millors imachens. --Manuel Trujillo Berges 21:02 10 chul 2009 (UTC)

Votación[editar código]

A favor[editar código]

En contra[editar código]

Neutral[editar código]