Metatarso

De Biquipedia
(Reendrezau dende Ueso metatarsián)
Ir a la navegación Ir a la búsqueda
O esqueleto d'o piet visto d'alto.

O metatarso ye la parte d'o piet composada d'os 5 uesos metatarsians, enumeratos d'a cara medial d'o piet dica os cantos. O primer ye més curto y duro que no os altros, o segundo ye mes largo, y asinas asinas...

Os metatarsians s'articulan per alto con as zucas y per baixo con as falanches d'o piet.

Os uesos metatarsians[editar | modificar o codigo]

Os metatarsians (u metatarsianos, d'o latín Ossa metatarsica) son cinco uesos largos que se gosan enumerar d'adintro enta fuera d'o piet, composaus d'un cuerpo central de tres caras, superior y laterals, y dos cabos, anterior y posterior, este zaguer con cinco caras d'as quals 3 en son articulars (en o caso d'os metatarsians 1er y 5eno, as caras articulars no i son que dos).

Se troban en o metatarso. Articulatos per os suyos cabos os uns con os altros e con os uesos d'a segunda fila d'o tarso; o primer metatarsiano con a primera zuca, o segundo con a segunda, o tercero con a tercera, y dimpués o quatreno y cinqueno metatarsians articulan enta lo cuboides. Totz ells s'articulan per o cabo anterior con as falanches.

Se veiga tamién[editar | modificar o codigo]