Tractato de París (1898)

De Biquipedia
Ir ta: navego, busca
Iste articlo ye sobre o Tractato de París de 1898 entre Espanya y Estatos Unitos que remata a Guerra Hispano-estatounitense; t'atros usos, se veiga Tractato de París.
John Hay, Secretario d'Estato d'Estatos Unitos, sinya a ratificación d'o Tractato de París.

O tractato de París ye un tractato internacional sinyato o 10 d'aviento de 1898 en a ciudat francesa de París por representants d'o reino d'Espanya y d'a republica d'os Estatos Unitos, y por o qualo remataba o estato de guerra entre ixos dos estatos, a dita Guerra Hispano-estatounitense.[1]

En o tractato, Espanya reconoixeba a suya redota de raso en a guerra, y acceptaba a independencia de Cuba, amás de ceder a los Estatos Unitos as suyas antigas posesions colonials en Filipinas, Guam y Puerto Rico, rematando asinas con istos zaguers repuis o dito Imperio espanyol.[1] Antiparte, Estatos Unitos amaneixeba como una nueva gran potencia, prencipiaba a suya expansión por l'Ocián Pacifico (que en zaguerías levó a la guerra con Chapón) y establía o suyo control en a mar Caribe, que en zaguerías significó o prencipio d'o intervencionismo estatounitense en America latina.

Una destacata conseqüencia d'o tractato estió a humiliación que suponeba ta o Exercito espanyol, a qui heba redotato de raso o Exercito estatounitense en todas as batallas, y que s'adedicó a demandar a intervención en Marruecos ta sustituyir con ixe país as colonias perditas y prebar de recuperar-ie prestichio, y a on se establioron os alazetz d'o grupo melitar que remató en 1936 por organizar un golpe d'estato contra o Gubierno d'a Segunda Republica espanyola y que segnificó o prencipio d'a Guerra civil espanyola. O tractato y a humiliación subsiguient tamién reforzó o sentimiento d'o nacionalismo espanyol que dende ixe inte s'eixerceba sobre as atras nacionalidatz d'a peninsula iberica.

Vinclos externos[editar | editar código]

Referencias[editar | editar código]