Rioni de Roma

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Os rioni de Roma (en aragonés: rechions de Roma) son a división administrativa d'o centro historico de Roma. A palabra italiana rione (pl. rioni) procede d'o latín regio (pl. regiones); y mientres a Edat Meya a palabra latina evolucionó a reiones y remató en rione.

Antiga Roma

A primera subdivión urbana estió creyata en o sieglo VI a.C. por Servio Tulio. S'establioron 4 rechions dentro d'o Pomerium:

• Suburana (Celio).
• Esquilina (Esquilino).
• Collina (Quirinal y Viminal).
• Palatina (Palatino y Velia).

Quedaba fuera d'a división o pueyo d'o Capitolio, centro politico, religioso y militar; y l'Aventino, difuera d'o Pomerium.

Mientres o Prencipau de l'emperador Augusto se reyalizó una nueva subdivión d'a ciudat. Se creyaron 14 rechions, quedando difuera a redolada conoixita como Tevere tranne Transtiberim (hue Trastevere):

• Porta Capena
• Caelimontium
• Isis et Serapis
• Templum Pacis
• Esquiliae
• Alta Semita
• Via Lata
• Forum Romanum
• Circus Flaminius
• Palatium
• Circus Maximus
• Piscina Publica
• Aventinus
• Transtiberim

Con a caita de l'Imperio Romano d'Occident, encomienza a decadencia de Roma como centro politico-cultural y trafegó a suya subdivisión administrativa interna.

Rioni dende a Edat Meya

Amán d'o sieglo XII se reyalizó una nueva división d'a ciudat en 12 redoladas diferéns a as antigas divisions romanas anque se mantuvo o suyo nombre de regio en latín y rione en latín ramplón.

En o sieglo XIII o Trastevere s'incluió como uno mas d'os rioni e istos tornaron-se oficials; y finalment en o anyo 1596 o papa Sixto V adhibió un nuevo rione d'a redolada de Sant Pero, con o nombre de Borgo.

Con a invasión y ocupación d'a ciudat por as fuerzas napoleonicas en 1798 establito-se una nueva división d'a ciudat, creyando-se 12 rioni:

• Terme
• Suburra
• Quirinale
• Pincio
• Marte
• Bruto
• Pompeo
• Flaminio
• Pantheon
• Campidoglio
• Gianicolo
• Vaticano

Rioni dende a Unificación italiana

Con a unificación italiana a ciudat de Roma convirtio-se en a nueva capital d'o Reino d'Italia. Por ixo, a gran cantidat de inmigrants de tot o país arrivaron a la ciudat y con ello tuvo lugar una nueva organización administrativa.

En a decada d'os anyos 20 augmentó o numero de rioni dica os actuals 22. Cada uno d'istos tién un escudo, un numero romano y un nombre.

Escudo	Numero	Nombre	Población	Superficie	Densidat	Muninicipio	Plano
	R. I	Monti	12.570	1,6508 km²	8.711,53 hab./km²	Municipio I
	R. II	Trevi	3.279	0,5503 km²	5.958,57 hab./km²	Municipio I
	R. III	Colonna	2.703	0,2689 km²	10. 052,06 hab./km²	Municipio I
	R. IV	Campo Marzio	7.214	0,8817 km²	8.181,92 hab./km²	Municipio I
	R. V	Ponte	4.535	0,3189 km²	14.220,76 hab./km²	Municipio I
	R. VI	Parione	3.233	0,1938 km²	16.682,15 hab./km²	Municipio I
	R. VII	Regola	3.974	0,3189 km²	12.461,59 hab./km²	Municipio I
	R. VIII	Sant'Eustachio	2.450	0,1688 km²	14.514,22 hab./km²	Municipio I
	R. IX	Pigna	10.490	0,2063 km²	50.848,28 hab./km²	Municipio I
	R. X	Campitelli	693	0,5990 km²	1.156,93 hab./km²	Municipio I
	R. XI	Sant'Angelo	1.332	0,1376 km²	9.680,23 hab./km²	Municipio I
	R. XII	Ripa	2.919	0,8485 km²	3.440,19 hab./km²	Municipio I
	R. XIII	Trastevere	18.834	1,8008 km²	10.458,69 hab./km²	Municipio I
	R. XIV	Borgo	3.499	0,4877 km²	7.174,49 hab./km²	Municipio I
	R. XV	Esquilino	22.748	1,5807 km²	14.391,09 hab./km²	Municipio I
	R. XVI	Ludovisi	2.038	0,3251 km²	6.268,84 hab./km²	Municipio I
	R. XVII	Sallustiano	2.404	0,2614 km²	9.196,63 hab./km²	Municipio I
	R. XVIII	Castro Pretorio	6.499	1,0374 km²	6.264,7 hab./km²	Municipio I, Municipio II
	R. XIX	Celio	3.085	0,8254 km²	3.737,58 hab./km²	Municipio I
	R. XX	Testaccio	8.530	0,6628 km²	12.869,64 hab./km²	Municipio I
	R. XXI	San Saba	3.657	1,1068 km²	3.304,12 hab./km²	Municipio I
	R. XXII	Prati	17.427	1,2743 km²	13.675,74 hab./km²	Municipio I
		Total Rioni	143.811	15,465 km²	9410,87 hab./km²

Veyer tamién

• Rione
• Roma

• Datos: Q1229454
• Multimedia: Districts of Rome / Q1229454