Garmo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Garmo Negro a la ezquierda chunto a o pico de ras Argualas (dreita)

Un garmo u repunta ye una penya, morronet u punta altera que ye penchada en a vesant d'un mont, por debaixo d'a cima prencipal. Por un regular ye arrodiau de penyas y garroz y gosa haber-ne dencima una planereta de tasca, tamién dita arguala, a sobén fiera y de prou mal acceso, emplegada ta paixentar o ganau menudo.

O garmo ciego ye aquel que no'n tien de dentrada ni de salida, por o que no ye guaire fácil i plegar ni salir-ne, ya que cal fer-lo ensogau. Cuan un animal dentra en un garmo u zona de dificil acceso, s'engarma y ta quitar-lo o pastor ha de desengarmar-lo.

Bibliografía

• (an) CASAUS PARRILLA, Chesús y MIGUEL BALLESTÍN, Pascual, Dizionario Aragonés de Terminos Cheograficos; Gara d'Edizions. Zaragoza, 2008. ISBN 978-84-8094-059-7