Cuarzarenita

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

As cuarzarenitas son piedras panals en as que o cuarz representa o 95 % d'os clastos y as arenas composicionalment més maturas. Por un regular son formatas por gran bien redondeyaus y bien clasificaus, por o que a suya matureza textural ye tamién muito alta. Os cementos son sobre tot recreiximientos de cuarz, pero tamién son comuns os cementos de calcita, por un regular cementos poiquilotopicos.

I predominan os clastos de cuarz monocristalins, pus os policristalins u ondulants gosan estar menos estables y tienden a desapareixer. Os minerals pesaus mes comuns que bi ha son os mes resistents, rutilo, zircón, turmalina y ilmenita.

En muitos casos as cuarzarenitas son o resultau de grans periodos de repetidas accions d'os achents sobre os sedimentos, por o que os grans que no son de cuarz han estato destruitos por l'abrasión. O clima tamién chuega un paper important pa o desarrollo d'estos sedimentos. Un clima calido y humido puet servir pa explicar o sedimento que ha formau esta roca, siempre con o refirme de releus poco contrastaus y transportes lentos. Manimenos muitos grans de cuarz pueden estar de segundo cilo, derivaus de sedimentos que ya existiban enantes, o que se confirma si se veye grans con recreiximientos erosionaus.

Un ambient tectonico a on se forma este deposito sedimentario ye o de cratons estables y marguins pasivos.

• Datos: Q25619798