Polemica d'a sciencia espanyola

De Biquipedia
Ir a la navegación Ir a la búsqueda

A polemica d'a sciencia espanyola ye o nombre que recibe a polemica intelectual que se produció en Espanya dende l'anyo 1876, en o comienzo d'a Restauración, a la calor d'o escandalo que suposó a privación d'as suyas catedras a os profesors (a mayor parte d'ells republicanos u identificaus con o sexenio democratico recient acabau) que se negaban a o churamento obligatorio de no amostrar doctrinas contrarias a la catolica, por entender-lo contrario a la libertat de catedra (1875). Intervinioron entre atros, por o costau modernizador intelectuals proximos a o krausismo y a la recientment creyada Institución Libre d'Amostranza, como Gumersindo de Azcárate, que proposaba que a Inquisición, en haber afogau por completo a libertat, yera la causa que entre tres sieglos Espanya hese dau a espalda a o desplegue prodichioso d'a filosofía y as sciencias modernas,[1] o reaccionario, Gumersindo Laverde[2] y Marcelino Menéndez y Pelayo (La ciencia española, versión definitiva de 1887[3]), que exhibiban una ampla nomina d'autors ta contrimostrar que o mantenimiento d'a pureza d'a fe catolica no heba impediu o desembolique d'una sciencia autoctona.

Ha estau estudiada, entre atros, por José Ortega y Gasset (que cita a obra de Menéndez Pelayo d'a siguient traza: Antes de su libro entrevíase ya que en España no había habido ciencia; luego de publicado se vio paladinamente que jamás la había habido)[4] y Pedro Laín Entralgo, que la consideró una d'as fitas fundamentals d'o debat mas cheneral sobre o Estar d'Espanya en a suya obra Espanya como problema.

Referencias[editar | editar código]

  1. Anuario del Centro Virtual Cervantes
  2. Gustavo Bueno Sánchez: Gumersindo Laverde y la Historia de la Filosofía Española, en El Basilisco, 2ª época, nº 5, 1990, páginas 49-85
  3. El texto en centro virtual Cervantes.
  4. Anuario CVC, op. cit.

Vinclos externos[editar | editar código]