Veyer o codigo fuent de «Plaza d'os Herois de Budapest»

{{Grafía EFA}}
{{Ficha de carrera
| escudo = [[Imachen:Coa Hungary Town Budapest big.svg|60px]]
| ziudat=[[Budapest]]
| districto= 
| foto= Imachen:Heroes Square Budapest 2010 01.jpg
| nombre=Plaza d'os Herois
| bico=
| prenzipia= 
| remata= 
| forma=Semicerclo
| carreras= [[Avenita Andrássy]]
| longaria=
| amplaria=
| establita=
| denominación=
| nombre antigo=
| mapa = [[Imachen:Andrassy Avenue (Budapest).png|200px]]
}}
A '''Plaza d'os Herois''' (en [[idioma hongaro|hongaro]] ''"Hősök tere"'') ye una d'as [[plaza]]s prencipals d'a ciudat de [[Budapest]] en [[Hongría]] y tien unas importants connotacions historicas y politicas. O ''Memorial d'o Milenio'', un gran complexo d'estatuas, estió rematato en 1900, o mesmo anyo que se le dió a la plaza o nombre d'os "Herois" ta conmemorar o milenio d'historia d'o país. Se troba situata a o final de l'[[Avenita Andrássy]] (chunto a la que fa parti d'o [[Patrimonio d'a Humanidat]]), y chunto a o [[Parque d'a Ciudat de Budapest|Parque d'a Ciudat]].

==A plaza==
[[Image:Budapest metro Heroes square.jpg|thumb|left|300px|O [[Metro de Budapest]] ye o segundo sistema de metro mas antigo d'o mundo. En a imachen se veye o final d'un túnel baixo a Plaza d'os Herois en 1896]]

A plaza d'os Herois ye rodiata por dos importants edificios, o [[Museu d'Artes Politas de Budapest|Museu d'Artes Politas]] a la ezquierda u o [[Kunsthalle Budapest|Palacio de l'Arte]] a la dreita. En l'atro canto d'a plaza se troban dos edificios situatos ya en l'[[Avenita Andrássy]] — uno ye un edificio residencial y l'atro ye a [[Embaixada de Serbia en Budapest|embaixada de Serbia]] (antiga [[embaixada]] de [[Yugoslavia]], a on o politico comunista y primer ministro [[Imre Nagy]] se refuchió mientres as revueltas de 1956).

En a parti central d'a plaza d'os Herois se troba un d'os molimentos mas conoixitos de Budapest, o ''Memorial d'o Milenio'' (tamién conoixito como ''Molimento d'o Milenio'' u ''Molimento Milenario'') a on se representan estatuas d'os líders d'as siet tribus que fundoron Hongría en o [[sieglo IX]] y d'atras feguras importants en a historia d'o país. A construcción d'o memorial prencipió cuan se yera celebrando o milenario d'a fundación d'Hongría (en 1896), pero no remató dica 1900 y estió alavez cuan se dió nombre a la plaza.

Cuan se construyó o molimento, Hongría feba parti de l'[[Imperio Austrohongaro]] y por ixo os zaguers cinco huecos ta estatuas situatos en a parti ezquierda fuoron reservatos ta miembros d'os [[Casa d'Habsburgo|Habsburgo]], a dinastia reinant. D'ezquierda ta dreita istos yeran: [[Ferrando I d'o Sacro Imperio Romano Chermanico]] (relieve: Esfensa d'o castiello d'Eger); [[Leopoldo I d'o Sacro Imperio Romano Chermanico|Leopoldo I]] (relieve: [[Euchenio de Saboya]] redotando a os turcos en Zenta), [[Carlos VI d'o Sacro Imperio Romano Chermanico|Carlos III]], [[María Tresa]] (relieve: O lema d'o rechimen hongaro "vitam et sanguinem") y [[Francico Chusé d'Austria|Francisco Chusé]] (relieve: Francisco Chusé coronato por Gyula Andrássy). O molimento fue danyato en a [[Segunda Guerra Mundial]] reconstruyito, estando substituyidas as [[estatua]]s d'os Habsburgo por as actuals.

O 16 de chunio de 1989 una moltitut de 250.000 personas se reunió en a plaza arredol d'a sepoltura de [[Imre Nagy]], que fue amortato en chunio de 1958.

Tamién existe una gara d'o metro en a linea amariella M1 (Millennium Underground) d'o [[Metro de Budapest]].

Bi ha atras tres plazas en a ciudat de Budapest que se dicen tamién ''Hősök tere'', en [[Soroksár]], [[Békásmegyer]] y [[Rákosliget]].

Baixo un cenotafio y aintro d'una cadena de bronce decorativa bi ha una placa de broze que marco o puesto a on se trobaba un [[pozo artesiano]] que fue drenato totalment en 1878 por Vilmos Zsigmondy. Iste pozo soministraba augua a o [[balneario Széchenyi]] que se troba chusto dezaga d'o molimento y a os Banyos Dagály <ref>[https://wayback.archive-it.org/all/20081214185450/http://www.spasbudapest.com/furdo.php?idx=3 Dagály Baths. www.spasbudapest.com]</ref> en a carrera ''Népfürdő''. O pozo teneba una fondaria de 971 metros y produciba 831 litros d'augua calient por menuto a una temperatura de 74º.

Existe una replica d'a plaza d'os Herois feita a un 90% d'a suya grandaria orichinal en o ''[[Shanghai Global Paradise]]'' en [[Xangai]], [[China]]. Dende que s'ubrió en [[1996]], se ha ito degradando y muitas d'as suyas estatuas s'han quitato.<ref>Se veiga [http://www.gluckman.com/WildWestChina.html articlo sobre o puesto] y [http://index.hu/kultur/eletmod/hos/ fotos en un articlo hongaro].</ref>

== Referencias ==
{{listaref}}

{{Control d'autoridaz}}

[[Categoría:Plazas de Budapest|Herois]]
[[Categoría:Patrimonio d'a Humanidat en Hongría]]