Plantilla:Articlo destacato de Navarra
O monesterio de Leire, monesterio de Leyre, monesterio de Sant Salvador de Leire u monesterio de Sant Salvador de Leyre ye un monesterio situato en a sierra de Leire u sierra de Leyre (tamién clamata sierra d'Errando) en l'actual termín monecipal de Yesa, en Navarra.
Ye situato en un plano d'ixa sierra, con anvistas á o entibo de Yesa, sobre o río Aragón, dencima de l'antigo Camín de Sant Chaime Aragonés.
Citato en o sieglo IX, as partis más antigas d'o edificio actualment existent son d'os sieglos X á XII, d'estilo romanico.
O monesterio lo han cedito actualment á os flaires d'a Orden de Sant Benedet, que estioron á más á más os suyos fundadors, antis d'a plegata á o monesterio d'os flaires de Cistels, que tenioron o monesterio bells sieglos.