Veyer o codigo fuent de «Parla (lingüistica)»

{{Grafía EFA}}
A '''parla''', '''parlache''' u '''fabla''' ye l'aplicación concreta que fan os parlants d'una luenga.

Dende una perspectiva personal, a parla puet estar un acto individual que s'opone a la luenga, que ye social.

Cuan se describen as variants cheograficas d'una luenga se fa servir o termin ''parla'' pa describir as variants a diferents escalas: ''parla local'', ''parla comarcal'', ''parla rechional'', etc...Un conchunto de parlas, en especial as locals y comarcals forman lo que la chent entiende como "[[dialecto]]", (por eixemplo l'[[andaluz]]) pero no siempre una parla rechional ye entendita como un dialecto (por eixemplo o [[castellano d'Aragón]]).
 
En o caso d'o [[castellano d'Aragón]], que sería una parla rechional, bels lingüístas la denominan ''[[Castellano en Aragón|baturro]]'' n'i habendo dentro parlas locals como o [[chipranesco]], o [[caspolín]], etc...

En [[aragonés occidental]] ([[aragonés cheso|cheso]] y [[aragonés ansotano|ansotano]] por o menos) as parlas propias d'una val son conoixitas como "fablas" ("fabla chesa", "fabla ansotana"), por fer servir o verbo ''fablar''.

== Acepcions erronias de ''fabla'' ==
O termin ''fabla'', inicialment cheosinonimo de ''parla'' ye un termin que en a fins d'o sieglo XX se descontextualizó y se convertió en tot Aragón, especialment en as arias castellanizatas urbanas, en un [[eufemismo]] pa evitar mencionar a l'idioma [[idioma aragonés|aragonés]] con o [[chentilicio]] d'Aragón, d'una traza pareixita a lo que se desvinió con a dicotomía ''asturianu''-''bable''. Talment a clase intelectual aragonesa encomenzó a fer servir eufemismo ''fabla'' por temor a que a denominación historica d'aragonés se fese servir ferramienta politica d'un nacionalismo que veyeban perigloso si se feba comparable a lo d'atras rechions vecinas. Atra explicación complementaria puet estar a tendencia despectiva a lo estilo de ''patois'' u ''chapurriau'' por part de clases intelectuals [[aculturizatas]] que s'identifican con a luenga u cultura d'a metropoli d'a cultura dominant ([[París]], [[Madrit]], ecetra). Entre os neoparlants defensors de l'aragonés d'a decada de 1980 y 1990 tamién se descontextualizó o termin, fendo-lo sinonimo de ''[[luenga]]''. En textos d'estas decadas no yera infrecuent veyer escrito ''fabla castellana'' y composicions erronias pareixitas.

== Veyer tamién ==
* [[Luenga]].
* [[Dialecto]].
* [[Parla de transición]].

{{borrador}}

{{Control d'autoridaz}}

[[Categoría:Lingüistica]]