Os Chotos

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Os Chotos
Nombre {{{Nombre_de_naiximiento}}}
Embotada {{{Alias}}}
Naixió {{{Naiximiento}}}
Murió {{{Muerte}}}
Información musical
Orichen Embún (Chacetania, Aragón)
Estilo Folk reivindicativo.
Ocupancia {{{Ocupancia}}}
Instrumentos {{{Instrumento}}}
Tiempo 2000 - l'actualidat.
Discograficas Independientes
Relacionau con {{{Artistas_relacionaus}}}
Pachina web [1]
Miembros
Daniel Farrán
Dani Caracola
Kike Ubieto
Migulé Abadías
Santi Manresa
Diego Zaldívar

OS CHOTOS ye un grupo de folk aragonés, fundau l’anyo 2000, en o lugar d’Embún (Val d'Echo,  Uesca, Aragón).

Historia[editar | modificar o codigo]

OS CHOTOS naixen fa 20 anyos a partir d’o grupo de musicos que acompanyaba a Lo Palotiau d'Embún. Lo nombre d’o grupo dica l’anyo 2010 fue A Ronda d'os Chotos d'Embún.

Las suyas sinyas d’identidat han estau siempre la reivindicación debant d'os problemas socials e politicos de l’Alto Aragón (turismo desmesurau, treballo, urbanismo invasivo, corrupción…) e lo suyo posicionamiento en cuentra d’os pantanos así como lo suyo compromís con la lengua aragonesa.

Lo sentiu de l’humor e la ironía chunto con a utilización de l’aragonés en as suyas letras son un contino e una clara declaración d’intención. La gran carga social e poetica d'as suyas cancions las configuran como un arma que se posiciona en a linia d'a cultura d'a denuncia per medio d'a musica.

N'a suya musica, los instrumentos tradicionals (acordión diatonico, cuerdas, dulzaina, gaita, salterio...) son aplicaus a estilos tan diversos como lo tango, la rumba, lo pasodoble, la polka, lo ragtime, lo jazz, la ranchera, lo rock & roll u la jota.

Os Chotos han rondau per numbrosos lugars d’Aragón e han participau en festivals como Barnasasnts, Tradicionàrius, PIR, Aragón Tierra Abierta, Servitas Nuei, Festival Folk de Chiprana, Festival Castillo de Ainsa...

Components[editar | modificar o codigo]

  • Miguelé Abadías (gaita aragonesa, trompa d’a Ribagorza, dulzaina e chiflos). Ye miembro de Los Gaiteros de Graus e de Chundarata!
  • Daniel Farrán (cuerdas, baixo e percusión). Formau en percusión africana, jazz e solfeyo. Actualment participa como musico n’os espectaclos de Xarop de Canya, Companyia Dani Caracola, Paco Gómez, Dani Caracola & Barsiluna Agraw Project, Ministrers de l’Aixada e Batecs del Món. Ha formau part de prochectos musicals UMA, Orquestra Sant Celoni, lo espectaclo infantil Les Gotes de Colors, Caliuada, Graiatus, Folk Laietà u Sübitus…
  • Dani Caracola (baixo, cuerdas e voz). Cantautor e mayestro de musica, con mas de 20 anyos adedicau a la musica, ye implicau en varios prochectos, entre los cuals destacamos: Brigadas Intergeneracionales (que chira arredol d'a memoria historica), Dani Caracola & La Banda de Ida y Vuelta, en un espectaclo en o que se repasa la cultura musical a traviés d’o planeta.
  • Santi Manresa (jazz, percusión e voz). Estudió caixón flamenco con Juan Flores, congas con o Maestro King, e los perfecciona con Viçens Soler. Ha gravau discos con Gollum Friendse As-amb-la-i. Ye miembro d'a Always Drinking Marching Band e de La Familia RústiKa. Colabora con grupos de musica tradicional cubana como Alexis Echevarría e La Banda del Sr. Sandunga, con Tierras e con Chez Pacheco.
  • Kike Ubieto (Acordión diatonico, guitarra, dulzaina, harmonica e voz). Ha pasau por varias formacions de pop e rock e ha formau part de diferents orquestas de baile. Chunto con os musicos que acompanyaban a Lo Palotiau d'Embún funda A Ronda d'os Chotos Embún; ye miembro d’o grupo de folk Chundarata! e en solitario, prochecta a suya faceta de canción d’autor habendo editau un disco (Pan y Circo).
  • Diego Zaldívar (Compositor e pianista archentino). Obtién en 2003 lo premio Octubre a la musica ciudadana, que le permetió gravar un disco chunto a Litto Nebbia e altros referents d’o rock, folklore e tango archentinos. Estudió composición e piano n’o CEAMC, IUNA, Manuel de Falla e la EMPA (Buenos Aires). Como cantautor va editar tres discos con os suyos prochectos Plácido Carmesí, Zaldivar Enjambre e solista. Lo suyo treballo en bandas sonoras orquestals pa videochuegos lo va portar en 2013 a Montreal (Quebec, Canadá) aon residió e compuso la musica pa mes de 50 videochuegos. En Archentina, Espanya, Canadá e China ha colaborau con numbrosos artistas como instrumentista, compositor, adrezador, productor e escritor de cancions.

Discografía[editar | modificar o codigo]

  • L'Arco San Chuan (2002, con o nombre de A Ronda d'os Chotos d'Embún)
  • Taratita (2005, con o nombre de A Ronda d'os Chotos d'Embún)
  • Abril ye transparent (2010)
  • Biellos Tiempos (2016)
  • Cadenzias (2018)
  • Plantando fuerte (2023)

Participacions[editar | modificar o codigo]

  • A Ixena 2
  • El agua para las ranas. Canciones por la dignidad de la montaña
  • Allá donde vivía (Corridos y rancheras en el Pirineo)
  • A tus brazos otra vez (Corridos y rancheras en el Pirineo)
  • Compartiendo. Música aragonesa por Kami.
  • Canto a la Libertad. Un himno para un pueblo.
  • Brigada Intergeneracional para la recuperación de la Memoria Histórica (1).
  • Brigada Intergeneracional para la recuperación de la Memoria Histórica (2).
  • Flamas. Las millors canzions en aragonés. (Olga y los ministriles)

Se veiga tamién[editar | modificar o codigo]

Vinclos externos[editar | modificar o codigo]

Obteniu de "https://an.wikipedia.org/w/index.php?title=Os_Chotos&oldid=2104183"