Ocupación
A ocupación[1] ye un nombre con que se conoixe l'acción d'apropiar-se d'un edificio u puesto albandonato con a intención de fer-lo servir como vivienda o puesto de trobata, dando a iste feito un caracter publico y reivindicativo.
As personas que ocupan un edificio son clamatos ocupas[1].
A ocupación pa mirar vivienda
[editar | modificar o codigo]Bi ha diversas enchaquias por as que se gosa reyalizar una ocupación. En bels casos se tracta de familias, grupos de personas u individuos que miran un puesto a on poder vivir y no pueden u no quieren pagar un loguero ni una hipoteca. Ye un movimiento social que reivindica o dreito a una vivienda digna.
A ocupación como meyo d'autochestión
[editar | modificar o codigo]Bi ha numerosos casos d'ocupacions promovitas por chent que mira de creyar alternativas culturals y asociativas en os barrios en os que viven, a traviesas d'os clamatos centros socials ocupatos. A suya finalidat ye creyar espacios autochestinatos dende an poder creyar actividaz libres de presions economicas y politicas. S'organizan asambleyariament ta evitar a creyación de liders y gosan estar vinclatos ideolochicament a l'anarquismo u a bella tendencia d'a ezquierda revolucionaria.
Referencias
[editar | modificar o codigo]- ↑ 1,0 1,1 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
