Oblivion (cinta)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Oblivion
Ficha tecnica
Dirección	Joseph Kosinski
Producción	Joseph Kosinski Peter Chernin Dylan Clark Barry Levine Duncan Henderson
Guión	Joseph Kosinski Michael Arndt Karl Gajdusek
Musica	M83
Fotografía	Claudio Miranda
Montache	Richard Francis-Bruce
Actors	Tom Cruise Andrea Riseborough Olga Kurylenko Morgan Freeman Nikolaj Coster-Waldau
Datos y cifras
País(es)	Estaus Unius
Anyo	2013
Chenero	sciencia ficción
Durada	125 min.
Idioma(s)	Anglés
Companyías
Productora	Relativity Media Chernin Entertainment Monolith Pictures Radical Studios
Distribución	Universal Pictures
Presupuesto	120 millons de dólars

Oblivion ye una cinta estausunidense de cine de sciencia ficción de l'anyo 2013, dirichida por Joseph Kosinski y producida por Peter Chernin con guión de Karl Gajdusek y Michael deBruyn, protagonizada por Tom Cruise en o paper prencipal chunto a Olga Kurylenko, Andrea Riseborough, Morgan Freeman y Nikolaj Coster-Waldau en papers secundarios.

Oblivion, basau en a novela grafica inedita de Kosinski d'o mesmo nombre, rinde homenache a las cintas de sciencia ficción d' os anyos 1970.

Oblivion tien puesto en 2077, en una Tierra arranada por a guerra con extraterrestres que ha provocau que l' humanidat se treslade a Titán. A cinta sigue l' historia de Jack Harper, un tecnico que ha estau ninviau de tornada a la Tierra pa dar servicio a los drons emplegaus en a lucha contra os extraterrestres restantes (carnuzers). Dimpués de presenciar l' accident d' una nau espacial, d'o qual puede rescatar a un solenco sobrevivient, Harper ye capturado por os carnuzers y luita contra una nueva menaza alienichena en evolución.

Oblivion estió enguerada en IMAX por Universal Pictures o 19 d'abril de 2013, manimenos tenió o suyo estreno mundial en Buenos Aires o 26 de marzo de 2013. A cinta recibió criticas mixtas d' os criticos y replegó 286 millons de dólars en tot o mundo, con un presupuesto de producción de 120 millons de dólars.

Reparto

• Tom Cruise como Jack Harper''.
• Morgan Freeman como Malcolm Beech.
• Olga Kurylenko como Julia Rusakova Harper.
• Andrea Riseborough como Victoria "Vika" Olsen.
• Nikolaj Coster-Waldau como sarchento Sykes.
• Melissa Leo como Sally.
• Zoë Bell como Kara.

Argumento

Pa o 14 de marzo de 2077, Jack Harper y Victoria “ Vika ” Olsen se troban entre os poquetz humans que quedan en a Tierra. Sesenta anyadas antis, una raza de carnuzers alienichenas destruyó a Luna y invadió a Tierra; l'humanidat ganó a guerra, pero as armas nuclears y a perda d' a Luna deixoron a mayor parti d'a planeta inhabitable. Con Vika como o suyo oficial de comunicacions, Jack sirve como "Tech 49", reparando os drons de combate que cazan a los carnuzers restantes y protechen os cheneradors hydrorig que convierten l'augua de mar en enerchía de fusión. Endrezaus por a directora d' a misión Sally dende a bordo d' a estación espacial Tet que orbita a Tierra, luego partirán enta o nuevo fogar de l'humanidat en Titán. Encara que os suyos recuerdos han estau borraus, Jack tien suenios recurrents d' una vida antis d'a guerra con una muller desconoixida.

En explorar as ruinas d'a Biblioteca Publica de Nueva York, Jack escapa por una mica d' una emboscada de carnuzers. Dimpués de que se destruye un hidrorig, descubre que os carnuzers son usando l'antena de l'Empire State Building pa transmeter coordenadas a l'espacio exterior. Dimpués de desactivar o transmisor, visita a suya cabana secreta plena de recuerdos d'o pasau d'a Tierra. Un obchecto desconoixiu s'estampa en as coordenadas transmitidas; entre as restas, Jack troba a cinco humans en cameras d'estasi, incluida a muller d'os suyos suenios. Os drons matan a los humans que hibernan, pero Jack proteche a la muller y la leva ent'a suya base. Ell y Vika reviven a la muller y descubren que o suyo nombre ye Julia, en dar-se cuenta de que yera en estasi a bordo d' a suya nau Odyssey dende antis d' a guerra.

Jack y Julia tornan a lo puesto de l'accident y recuperan a gravadora de vuelo de l'Odyssey, pero son capturaus por carnuzers y llevados a lo Complexo Raven Rock Mountain. O suyo lider, Malcolm Beech, revela que os carnuzers son humans, disfrazaus pa remanir amagaus d'os drons. Unatro dron ataca, y Beech libera a Jack y Julia pa descubrir a verdat en a "redolada de radiación". Julia revela que ye a esposa de Jack, lo que dispierta os suyos recuerdos de proposar-le matrimonio en l'Empire State Building.

Vika ninvia una nau pa recuperar a Jack y Julia, pero ye esconortada en veyer-los reunius. Ella alerta a Sally, qui activa un dron que mata a Vika antis de que Julia lo destruiga. Jack y Julia escapan en a suya nau y destruyen a los drons que os encorren, pero se veyen obligaus a salir eyectaus sobre a redolada de radiación. Unatro tecnico, "Tech 52", qui se reveló como un clon de Jack, plega pa reparar os drons. Jack l'incapacita, pero Julia recibe un disparo, y Jack vola ent'a base d' o suyo clon en busca de furnimientos medicos, enganyando a un clon de Vika fendo-le creyer que ell ye a suya versión de Jack. Leva a Julia a la suya cabana, an se recupera y tornan a consumar o suyo matrimonio.

Tornan ent'a base de carnuzers, y Beech explica que o Tet ye una intelichencia artificial alienichena: decidiu a adquirir os recursos d' a Tierra y rematar con l' humanidat, destruyó a Luna y invadió a Tierra con un exercito de drons y os clons de Jack; A victoria de l'humanidat y l'escape a Titán ye una ficción de Tet. Jack reprograma un dron capturau pa sabotiar o Tet, pero mas drons atacan a base, deixando a Beech grieument feriu y o dron capturau danyau sin posibilidat de reparación.

Jack s'ofreix como voluntario pa levar a Julia a lo Tet, lo que le permite infiltrar-se en a estación espacial y esclatar as celulas de combustible nucleyar de l'Odyssey. En o camín, Jack descubre a verdat en a gravadora de vuelo de l'Odyssey: él yera o comandant d'una misión d' a NASA pa explorar Titán, con Vika como o suyo copiloto, Julia como miembro d' a tripulación y Sally como a suya directora de misión en a Tierra. Dimpués de que a suya nau Odyssey difuera esbarrada pa investigar o Tet, Jack abandonó o modulo d'hibernación, lo que permitió que Julia y a tripulación hibernant finalment tornasen ent'a Tierra, entre que que ell y Vika estioron capturaus y clonaus.

En o present, Jack ingresa a lo Tet, encontrando mils de clons d'ell y Vika en estasi. Enfrontinau por a prochección de Sally d'o Tet, Jack ubre a camera d'estasi pa revelar a Beech; Julia estió ninviada sana y salva a la cabana. Jack y Beech esclatan a suya bomba, sacrificando-se pa destruir o Tet. Tres anyos dimpués, Julia dio a luz una filla de Jack. Se troban con os miembros sobrevivients d'a resistencia, acompanyaus por Tech 52, que ha recuperau os verdaderos recuerdos de Jack.