Luengas mon-khmer

Brancas lingüisticas d'a familia de luengas mon-khmer.

As luengas mon-khmer son una familia lingüistica autoctona d'o Sud-este d'Asia. Gosa a considerar-se un d'os dos camals primarios d'o filo austroasiatico, estando-ne l'altro lo d'as luengas munda, encara que bellas clasificacions recients s'han esbarrato d'ista dicotomía con nuevas clasificacions (Peiros, 1998; Diffloth, 2005).

D'entre toz es idiomas mon-khmer, en descollan dos: o vietnamita, oficial a Vietnam, a on que lo parlan uns 75 millons de personas; y lo khmer u cambochán, oficial a Cambocha, a on que ye parlato per uns 15 millons.

Cheograficament, os idiomas mon-khmer s'estallan en tres franchas:

Francha septentrional

• Idiomas khasi - Meghalaya, India
• Idiomas khmui - Norte de Laos
• Idiomas pakan-mang
• Idiomas palaung - muga birmano-chinesa y norte de Tailandia

Francha meridional

• Idiomas aslians - Malaisia peninsular
• Idiomas mon y nyah kur - Minorías de Birmania y Tailandia
• Idiomas nicobareses - Islas Nicobar

Francha oriental

• Idiomas bahnar - Esparditas per es monts de Vietnam, Cambocha y Laos
• Idiomas viet - Vietnam
• Idiomas katu - Nord-este de Tailandia y francha central de Laos y de Vietnam
• Idioma khmer - Cambocha y nord-este de Tailandia
• Idiomas pear - Sud de Cambocha

Vinclos externos

• (en) As luengas mon-khmer en SEAlang
• (en) Clasificación d'as luengas Mon-Khmer seguntes o Ethnologue.

• Datos: Q337657
• Multimedia: Mon-Khmer languages / Q337657