Ir al contenido

Joaquín Palacín Eltoro

De Biquipedia
Joaquín Palacín Eltoro
Joaquín Palacín Eltoro

Actualment en o cargo
Dende o 20 de chunio de 2019
21 de chulio de 2011 – 28 de chulio de 2015
Actualment en o cargo
Dende o 8 de febrero de 2020
Precediu por José Luis Soro
Naiximiento 28 de chulio de 1961
Uesca (Aragón)
Partiu Chunta Aragonesista
Profesión Politico

Joaquín Palacín Eltoro (Uesca, 5 de chulio de 1974) ye un politico aragonés. Dende o 8 de febrero de 2020 ye president de Chunta Aragonesista y dende o 20 de chunio de 2019 ye deputau en as Corz d'Aragón por a circumscripción de Uesca y portavoz d'o grupo parlamentario de Chunta Aragonesista. Tamién fue concellero d'o Concello de Monzón entre 2007 y 2013, deputau en as Corz d'Aragón por a circumscripción de Uesca entre 2011 y 2015, y director cheneral d'Ordenación d'o Territorio d'o Gubierno d'Aragón entre 2015 y 2019.

Biografía

[editar | modificar o codigo]

Palacín cursó un Executive MBA y un Máster en Dirección Comercial y Marketing. Milita en Chunta Aragonesista dende 2003, a on ha estau vicesecretario cheneral d'Acción Politica y secretario territorial de l'Alto Aragón. Dica 2011 s'adedicó a la dirección d'empresas de consultoría y servicios medioambientals.[1] En as eleccions de mayo de 2007 fue eslechiu concellero por Chunta Aragonesista en o Concello de Monzón, a on estió president d'o Patronato d'Esportes y d'a Institución Ferial, revalidando l'acta dica 2013. En mayo de 2011 fue eslechiu deputau por Chunta Aragonesista en as Corz d'Aragón por a circumscripción de Uesca.

En chulio de 2015 fue nombrau director cheneral d'Ordenación d'o Territorio, dependient d'o Departamento de Vertebración d'o Territorio, Movilidat y Vivienda d'o Gubierno d'Aragón.[2] Entre atras cosas, empentó a Directriz de Politica Demografica[3] y contra a Despoblación y a Directriz especial d'o Camín de Sant Chaime.[4]

En as eleccions de mayo de 2019 tornó a obtener l'acta de deputau[5] por Chunta Aragonesista en as Corz d'Aragón por a circumscripción de Uesca, estando nombrado portavoz d'o grupo parlamentario.[6]

O 8 de febrero de 2020 fue eslechiu president de Chunta Aragonesista en a X Asambleya d'o partiu,[7] succedendo a José Luis Soro.

Referencias

[editar | modificar o codigo]
  1. ↑ (es) Joaquín Palacín nuevo Director General de Vertebración del Territorio. Cinca Medio Noticias
  2. ↑ (es) DECRETO 151/2015, de 21 de julio, del Gobierno de Aragón, por el que se nombra Director General de Ordenación del Territorio del Departamento de Vertebración del Territorio, Movilidad y Vivienda a don Joaquín Palacín Eltoro. BOA, 21 de chulio de 2015
  3. ↑ (es) DECRETO 165/2017, de 31 de octubre, del Gobierno de Aragón, por el que se aprueba la Directriz Especial de Ordenación Territorial de Política Demográfica y contra la Despoblación. BOA, 31 d'octubre de 2017
  4. ↑ (es) DECRETO 211/2018, de 3 de diciembre, del Gobierno de Aragón, por el que se aprueba la Directriz Especial de Ordenación Territorial del Camino de Santiago-Camino Francés a su paso por Aragón. BOA, 3 d'aviento de 2018
  5. ↑ (es) Ficha de Diputado
  6. ↑ (es) Joaquín Palacín será el portavoz de CHA en las Cortes de Aragón. Heraldo de Aragón, 5 de setiembre de 2019
  7. ↑ (es) Palacín se convierte en el nuevo presidente de Chunta con un 60% de apoyos. Heraldo de Aragón, 8 de febrero de 2020

Vinclos externos

[editar | modificar o codigo]

Predecesor:
José Luis Soro 		President de Chunta Aragonesista
8 de febrero de 2020 - Actualidat 		Succesor:
En o cargo


Obteniu de "https://an.wikipedia.org/w/index.php?title=Joaquín_Palacín_Eltoro&oldid=2214845"