Veyer o codigo fuent de «Idioma sueco»

{{Grafía EFA}}
{{Ficha de luenga 
|nombre=Sueco
|nombreautoctono=Svenska
|color = lawngreen
|etnia = [[Suecos]]
|mapa = [[Imachen:Svenska språkets utbredning.png|frameless|center|upright]]
|país=[[Suecia]] y [[Finlandia]]
|territorios=[[Europa]]
|fablants=9 millons
|rank=89
|familia=[[Luengas indoeuropeas|Indoeuropea]]<br />
&nbsp;[[Luengas chermanicas|Chermanica]]<br />
&nbsp;&nbsp;[[Luengas escandinavas|Escandinava]]<br />
&nbsp;&nbsp;&nbsp;Oriental<br />
&nbsp;&nbsp;&nbsp;&nbsp;'''Sueco'''
|oficial=[[Imachen:Flag of Sweden.svg|22px|border]] [[Suecia]] (''de facto'')<br />[[Imachen:Flag of Finland.svg|22px|border]] [[Finlandia]]<br />[[Imachen:Flag of the European Union.svg|22px|border]] [[Unión Europea]]
|regulau=[[Svenska språknämnden]] (en Suecia)<br />[[Svenska språkbyrån]] (en Finlandia)
|iso1=sv
|iso2=swe
|sil=swe}}

O '''sueco'''{{DORTO}} (''svenska'' {{audio|1=Sv-svenska.ogg}}) ye una [[luengas escandinavas|luenga escandinava]] parlada por mas de nueu millons de personas, prencipalment en [[Suecia]] y bellas rechions de [[Finlandia]], mas que mas en a costa y en as [[islas Åland]]. Ye, en buena mesura, [[intelichibilidat mutua|mutuament intelichible]] con o [[idioma noruego|noruego]], y bel poquet menos con o [[idioma danés|danés]]. De conchunta con as atras luengas escandinavas, o sueco promana d'o [[idioma norrén antigo|nordico antigo]], o luengache común d'os [[chermanico]]s que viviban en [[Escandinavia]] durant a [[vikingos|edat vikinga]].

O [[sueco stándard]] ye a luenga nacional que evoluciona dende os dialectos d'o sueco central en o [[sieglo XIX]] y que ya yera bien establida en prencipiar o [[sieglo XX]]. Encara que bi ha variedaz rechionals distintas que promanan d'os [[dialecto]]s rurals antigos, a luenga parlada y escrita ye, por un regular, uniforme y stándardizada. Bi ha bels dialectos que se deseparan prou d'o sueco stándard en a suya [[gramatica]] y [[vocabulario]] y no son siempre mutuament intelichibles con o sueco stándard. Istos dialectos se limitan a zonas rurals y los parla un numero chicot de chent con poca movilidat social. Encara que son bien documentaus y o suyo emplego se fomenta dende as autoridaz locals, istos dialectos han declinau entre o zaguer sieglo, pero no son encara menazaus d'estinción inminent.

L'orden stándard d'as frases ye [[Subchecto Verbo Obchecto]], encara que ixe orden se puet cambiar a ormino cuan se quiere fer enfasis en bellas palabras. A [[morfolochía (linguistica)|morfolochía]] d'o sueco ye parellana a la de l'[[idioma anglés|anglés]], ye decir, que no'n bi ha guaire [[flexión (linguistica)|flexión]]: dos [[chenero (gramatica)|cheneros]], garra [[caso gramatical|caso]] (encara que os analises mas antigos i sinyalan dos casos, o [[caso nominativo|nominativo]] y o [[caso chenitivo|chenitivo]], y una destinción entre [[singular]] y [[plural]] ([[numero gramatical]]). Os [[adchectivo]]s tienen una graduación similar a la de l'anglés, y tamién se flexionan seguntes o chenero, o numero y pendendo en si ye definiu u indefiniu. O [[efecto de definitut]] d'os substantivos se marca mas que mas por meyo de [[sufixo]]s (rematanzas), complementaus con [[articlo definito|articlos definius]] y [[articlo indefinito|indefinius]]. A [[prosodia]] presenta [[accento prosodico|accento]] igual como [[luenga tonal|tonos]]. A luenga tien una variedat [[vocal]]ica prou gran. Atra caracteristica d'o sueco, ye a presencia d'a [[consonant fricativa postalveolovelar xorda]], un [[fonema]] [[consonant]]ico que presenta prous variacions.

== Clasificación ==
O sueco ye una [[luenga indoeuropea]], perteneixient a la branca [[luengas escandinavas|escandinava]] d'as [[luengas chermanicas]]. En a clasificación clasica, fa parte d'as luengas escandinavas orientals, de conchunta con o [[idioma danés|danés]], y deseparando-lo d'as luengas escandinavas occidentals, como o [[feroés]], o [[islandés]] y o [[idioma noruego|noruego]]. Manimenos, bels analises mas recients dividen as luengas escandinavas en dos grupos: o escandinavo insular (feroés y islandés) y o escandinavo continental (danés, noruego y sueco), considerando a mutua intelichibilidat debida a la fuerte influencia d'as luengas escandinavas orientals (mas que mas o danés) en o noruego entre o zaguer milenio, asinas como a diverchencia d'o feroés y o islandés.

Seguntes muitos criterios d'intelichibilidat mutua, as luengas escandinavas continentals se podrían considerar dialectos d'un mesmo idioma escandinavo. Manimenos, y como resultau de cuantos sieglos de rivalidat, de vegadas prou intensa, entre [[Suecia]] y [[Dinamarca]] (encluyendo-ie una larga serie de guerras en os [[sieglo XVI|sieglos XVI]] y [[sieglo XVII|XVII]], y d'as ideyas [[nacionalismo|nacionalistas]] que amaneixioron ent'a fin d'o [[sieglo XIX]] y o prencipio d'o [[sieglo XX]], as tres luengas tienen [[ortografía]]s, [[diccionario]]s, [[gramatica]]s, y organismos reguladors diferents.  Asinas, dende una anviesta [[linguistica]], ye mas preciso describir o danés, o noruego y o sueco como un [[continuum dialectal]] d'a luenga escandinava, y beluns d'os dialectos, como os que se parlan en a huega entre Noruega y Suecia – mas que mas, os d'a parte de [[Bohuslän]], [[Dalsland]], [[Värmland]] occidental, [[Dalarna]] occidental, [[Härjedalen]] y [[Jämtland]] – son a meyo camín entre as luengas stándard nacionals.<ref>{{cite book | last = Crystal | first = David | coauthors = | title = The Penguin dictionary of language (2ª ed.) | url = http://worldcat.org/oclc/59441560 | year = 1999 | publisher = Penguin Books. | location = Londres}}</ref>

== Fonolochía ==
O sueco tien nueu vocals con variacions de largaria que fan decisiet [[fonema]]s vocalicos en amás gran parte de variedaz y dialectos (an que a vocal [e] curta y a vocal [ɛ] coinciden) y o sistema completo de deciueito fonemas en os que fan a destinción. Bi ha deciueito fonemas [[consonant]]icos, entre os que a [[consonant fricativa postalveolovelar xorda]], [ɧ] y a [r] presentan variacions considerables pendendo en o contexto social y dialectal. Unatra caracteristica d'o sueco ye a suya [[prosodia]] (entonación, accento, tono, etc.) muito variada, que a ormino ye una d'as diferencias mas notables entre os dialectos.

[[Imachen:Swedish monophthongs chart.svg|thumb|right|Os fonemas vocalicos en o sueco stándard central.]]

{|{{tablapolida}}
| 
! colspan="2" | [[Bilabials]]
! colspan="2" | [[Labiodentals]]
! colspan="3" | [[Consonant dental|Dentals]]
![[Consonant alveolar|Alveolars]]
! colspan="2" | [[Palatals]]
! colspan="2" | [[Consonant velar|Velars]]
![[Consonant glotal|Glotals]]
|- align=center
![[Oclusiva]]s
| {{IPA|p}}
| rowspan="2" | {{IPA|b}}
| colspan="2" |
| {{IPA|t}}
| rowspan="2" | {{IPA|d}}
|
| 
| colspan="2" |
| {{IPA|k}}
| rowspan="2" | {{IPA|g}}
|
|- align=center
![[Aproximant]]s
|
| 
| rowspan="2" | {{IPA|v}}
|
| {{IPA|l}}
| rowspan="3" | {{IPA|r}}
|
| rowspan="2" | {{IPA|j}}
|
| {{IPA|h}}
|- align=center
![[Fricativa]]s
| colspan="2" |
| {{IPA|f}}
| colspan="3" | {{IPA|s}}
| {{IPA|ɕ}}
| colspan="2" | {{IPA|ɧ}}
|
|- align=center
![[Consonant vibrant|Vibrants]]
| colspan="2" |
| colspan="2" |
| colspan="3" |
| colspan="2" |
| colspan="2" |
|
|- align=center
![[Consonant nasal|Nasals]]
| colspan="2" | {{IPA|m}}
| colspan="2" |
| colspan="3" | {{IPA|n}}
|
| colspan="2" |
| colspan="2" | {{IPA|ŋ}}
|
|}

== Vocabulario ==
O vocabulario d'o sueco ye mas que mas chermanico, heredau dreitament d'o protochermanico u a traviés d'ampres de l'alemán, o baixo alemán meyo y, en bella mida, l'angles. Bels eixemplos de palabras chermanicas en sueco son ''mus'' ([[rato]]), ''kung'' ([[rei]]) u ''gås'' ([[auco]]). Una part significativa d'o vocabulario relichioso y cientifico ye d'orichen [[latín|latino]] u [[griego antigo|griego]], a ormino a traviés d'o [[idioma francés|francés]] y, en zaguerías, de l'ángles.

En o [[sieglo XVIII]] buena cosa de palabras d'orichen francés s'encorpororon ta o sueco. Istas palabras se gosaban [[transcripción lingüistica|transcribir]] seguntes o sistema ortografico sueco, de trazas que a suya prenuncia resultase familiar a un parlador de francés. Istas palabras gosan tener un "accento francés", caracterizau por l'accento en a zaguera silaba. Por eixemplo, ''nivå'' ("niveau", livel) u ''fåtölj'' ("fauteuil", sillón, cadiera de brazos). Tamién bi ha habiu a-saber-los ampres d'atras luengas chermanicas, en primeras d'o baixo alemán meyo, que yera a [[luenga franca]] d'a [[Liga Hanseatica]], y dimpués de l'[[alemán stándard]]. Bellas palabras compuestas son traduccions d'os elementos que fan parte d'as palabras alemana orichinals (ye dicir, [[calco lingüistico|calcos lingüisticos]]), como ''bomull'' de l'alemán ''Baumwolle'' ([[cotón]]; literalment "lana d'árbol").<ref>{{sv}} Nationalencyklopedin, ''svenska: språkhistoria''</ref>

Como en muitas d'as luengas chermanicas, se pueden formar nuevas palabras por [[formación de palabras|composición]], como por eixemplo o [[substantivo]] ''nagellackborttagningsmedel'' (eliminador d'esmalte d'unglas) u verbos como ''smygfilma'' (filmar en secreto). Igual como en l'[[Idioma alemán|alemán]] u o [[Idioma neerlandés|neerlandés]], ye posibler fer d'ista traza palabras muito largas y poco practicas como ''produktionsstyrningssystemsprogramvaruuppdatering'' ("posada a o diya d'o programa d'o sistema controlador d'a producción"), pero por un regular no son tan complexas, a lo menos, en o sueco parlau y difuera de l'ambito tecnico. As palabras compuestas prenen o [[chenero gramatical|chenero]] d'o [[nuclio sintactico]], que en sueco ye siempre o zaguer [[morfema]]. Tamién se pueden creyar palabras nuevas por [[formación de palabras|derivación]] d'atras palabras ya existents, como a [[verbificación]] de [[substantivo]]s adibindo o [[sufixo]] de derivación ''-a'', como en  ''öl'' ([[cerveza]]) y ''öla'' (beber cerveza).

== Sistema d'escritura ==
L'[[alfabet sueco]] ye un [[alfabeto]] de 29 letras que fa servir l'[[alfabeto latino]] basico de 26 letras mas tres letras adicionals: '''[[Å (letra)|Å''' / '''å]]''', '''[[Ä|Ä''' / '''ä]]''', y '''[[Ö|Ö''' / ''ö]]'', encorporadas en tiempos modernos y que tienen o suyo orichen en o costumbre d'escribir a segunda letra d'''ao'', ''ae'' i ''oe'' dencima d'a primera. Encara que istas combinacions son versions historicament modificadas d'[[A]] y [[O]], y podrían considerar-se diacriticos, en sueco se gosan considerar como letras independients, y s'ordenan alfabeticament dezaga d'a '''Z'''. Antes d'a publicación d'a trecena edición d'a ''[[Svenska Akademiens Ordlista]]'' (Vocabulario de l'Academia Sueca) en [[abril]] de [[2006]], a '''w''' yera tractada como una simpla variant de '''v''' y se feba servir nomás en nombres (como "Wallenberg") u palabras estrancheras ("bowling"), pero yera ordenada y prenunciada com '''v'''. En sueco no se gosan fer servir guaire atros diacriticos; a vegadas s'emplega '''[[é]]''' ta indicar que a silaba tonica caye en a zaguer silaba, mas que mas si a tonicidat cambea os significaus (''ide'', "cado" – ''idé'', "ideya"); tamién se pueden fer servir en bellas palabras atros [[accento trancato|accentos trancaus]] y, rarament, se troba [[accento ubierto|accentos ubiertos]] en nombres y palabras estracheras. A letra '''[[à]]''' s'usa ta referir-se a o pré unitario.

A letra alemana '''[[ü]]''' se tracta como una variación de '''[[y]]''', y bellas vegadas se conserva en nombres estranchers. En estilo elaborau, se puet emplegar muito rarament a [[dieresi]] (por eixemplo: "Aïda"). As letras  '''ä''' y '''ö''' pueden estar o resultau d'una transformación [[fonetica]] dita ''omljud'', equivalent a l'[[umlaut]] de l'alemán, en que '''a''' u '''å''' s'ubren en '''ä''' en a conchugación (''natt'' – ''nätter'', ''tång'' – ''tänger''),  u l''''o''' s'ubre en '''ö''' (''bok'' - ''böcker''). De traza parellana, en bels adchectivos a '''u''' se puet tornar en '''y''' por ''omljud'' (''ung'' - ''yngre'') (en istos casos, nunca no s'escribe '''ü'''). Os parladors d'o sueco actual no gosan fer servir a convención alemana d'escribir ''ä'' y ''ö'' como ''ae'' y ''oe'' cuan no se pueden emplegar ixos carácters.  Encara que hue se pueden usar toz ixos carácters en o sistema nacional sueco de [[dominio de primer livel|dominios de primer livel]] y en atros dominios d'Internet, os webs suecos gosan tener os URL con '''a''' y '''o''', basando-se en o pareixiu visual.

En a [[ortografia]] sueca, os [[dos puntos]] tienen una función parellana a la que tienen en aragonés, pero tamién en tienen atras. Tamién se fan servir ta os numeros decimals, como en ''10:50 kronor'' que se leye ''tio kronor och femtio öre'' (10,50 [[corona sueca|SEK]]); ta abreviaduras como ''1:a'' ta decir ''första'' (primer) u ''S:t'' ta dicir ''sankt'' (sant); y tot tipo de sufixos que se pueden adhibir ta numeros, letras y [[abreviadura]]s, como ''53:an'' ta dicir ''femtiotrean'' (53eno), ''första a:t'' (a primera "a") u ''tv:n'' ta dicir ''televisionen'' (a [[televisión]]).<ref name="Skrivregler">{{cite book | last = Svenska språknämnden| first = | coauthors = | title = Svenska skrivregler | url = http://en.wikipedia.org/wiki/Special:BookSources/914704974X | year = 2000 | publisher = Liber | location = Estocolmo}}</ref>

== Gramatica ==
Os [[substantivo]]s y [[adchectivo]]s suecos se declinan en [[chenero gramatical|chenero]] y [[numero (gramatica)|numero]]. Os substantivos perteneixen a un de dos cheneros – o común, que ye fruito d'a fusión d'os cheneros masculino y femenino, y que se fan servir con l'articlo indeterminau ''en'' y o [[chenero neutro|neutro]], que requiere l'articlo indeterminau ''ett''.<ref name="Enciclopèdia">{{cite book| last = Nosell| first = Dan | coauthors = | title = Diccionari Català-Suec | url = | year = 1994 | publisher = Enciclopèdia Catalana | location = Barcelona}}</ref> – que tamién determinan a declinación d'os [[adchectivo]]s. Por eixemplo, a palabra ''fisk'' ([[peix]]) ye un substantivo común (''en fisk'') y puet tener as siguients formas:

{| {{tablapolida}}
|- 
!
! Singular 
! Plural
|-
! Forma indefinida
| ''fisk''
| ''fiskar''
|-
! Forma definida
| ''fisken''
| ''fiskarna''
|}

A forma definida singular d'un substantivo se creya adibindo un sufixo (''-en'', ''-n'', ''-et'' o ''-t''), pendendo en o suyo chenero y en si o substantivo remata u no en vocal. Os articlos definius ''den'', ''det'' i ''de'' se fan servir ta variar a definitut d'un substantivo. Pueden servir como [[pronombre]]s [[demostrativo]]s u [[determinant]]s cuan se los emplega con [[adverbio]]s como ''här'' (aquí) u ''där'' (allí) ta formar ''den/det här'' (tamién ''denna''/''detta'', "iste/ista"), ''de här'' (tamién ''desa''; "istos/istas"), ''den/det där'' ("aquel/aquella") u ''de där'' ("aquels/aquellas"). Por eixemplo, ''den där fisken'' significa "aquel peix" y se refiere a un peix especifico; ''den fisken'' ye menos definiu y significa "aquel peix" en un sentiu mas abstracto, como "o conchunto de peixes"; y ''fisken'' quiere dicir "o peix". En bels casos, a forma definida indica tamién posesión, como por eixemplo ''jag måste tvätta händerna'' ("he de labar as mías mans"/"m'he de labar as mans").

Os [[adchectivo]]s se declinan con dos flexions diferents: – definida y indefinida – y han de concordar con o substantivo que modifican en chenero y numero. As formas definida, neutra y plurars d'un adchectivo se forman adibindo o sufixo (''-t'' o ''-a'') a la forma común de l'adchectivo; por eixemplo, ''en grön stol'' (una silla verda), ''ett grönt hus'' (una casa verda), u ''gröna stolar'' (sillas verdas). A forma definida d'un adchectivo ye a mesma que a forma indefinida plural, como en ''den gröna stolen'' (a silla verda), ''det gröna huset'' (a casa verda) y ''de gröna stolarna'' (as sillas verdas). L'adchectivo irregular ''liten'' (petit) se declina d'una traza irregular:

{| {{tablapolida}}
|- 
! rowspan=2 | &nbsp;
|-
! Singular común
! Singular neutro
! Plural 
|-
! Forma indefinida
| ''liten''
| ''litet''
| ''små''
|-
! Forma definida
| ''lilla''
| ''lilla''
| ''små''
|}

Os [[pronombre]]s personals suecos fan destinción de chenero en a tercera persona d'o singular y presentan una forma nominativa, una de chenitiva y atra d'obchecto. As formas nominativa, chenitiva y d'obchecto d'o pronombre ''hon'' (ella) son:

:''hon'' - ''hennes'' - ''henne''

A posesión se puet espresar con a particla [[enclitico|enclitica]] ''-s'', que se claba a lo final d'un [[sintagma nominal]] (que puet estar complexo). En o luengache escrito, tanimientres, os libros d'estilo no gosan recomendar emplegar o enclitico en substantivos que no sían o nuclio d'o sintagma; manimenos, ixo ye normal en o luengache oral.

:''mannen''; "l'hombre"
:''mannens hatt''; "o gorro de l'hombre"
:''mannen i grå kavaj''; "l'hombre con un vestiu griso"
:''mannen i grå kavajs hatt''; "o gorro de l'hombre que leva un vestiu griso"

Os verbos se [[conchugación|conchugan]] seguntes o tiempo [[tiempo verbal|tiempo]]. Un grupo de verbos (os que rematan en ''-er'' en o present) tienen una forma [[imperativo|imperativa]] especial, encara que en buena cuasi toz os verbos ista forma ye a mesma que a d'o [[infinitivo]]. L'uso d'o [[participio]] absoluto y o participio activo como adchetivos se fa a ormino:

:Participio absoluto: ''en stekt fisk''; "un peix frito"
:Participio activo: ''en stinkande fisk''; "un peix que fa pudor"

Ta os tiempos compuestos, como o ''perfecto d'indicativo'' u atros tiempos perfectos, o sueco no emplega o participio absoluto (como lo fa l'[[idioma aragonés|aragonés]] y muitas atras luengas). O [[verbo auxiliar]] (''ha'', "haber"/"tener") se mete debant d'una forma especial, dita [[supín]], que nomás se fa servir ta esta fin (encara que en muitos verbos gosa estar igual que o participio absoluto):

:Participio absoluto: ''målad''; "pintau" - supí ''målat'', perfecto compuesto ''har målat''; "ha pintau"
:Participio absoluto: ''stekt'', "frito" - supine ''stekt'', perfecto compuesto ''har stekt''; "ha freyiu/frito"

Manimenos, o participio absoluto sirve ta formar a [[voz pasiva]] compuesta.

En una proposición u clausula subordinada, o verbo auxiliar ''ha'' ye opcional y no se gosa emplegar en a luenga escrita.

:''Jag ser att han (har) stekt fisken''; "Veigo que él (ha) freyiu o peix"

Encara que se puet usar con bel zarpau de verbos (como ''vore'' u ''månne''), o [[modo subchuntivo]] ye cada diya mas raro y no s'emplega guaire.

A falta de casos en sueco se compensa con una gran variedat de  [[preposición|preposicions]], similars a las de l'[[Idioma anglés|anglés]]. Igual como en l'[[alemán]] moderno, as preposicions gosaban determinar o caso en sueco, pero ixo nomás contina pasando en bellas expresions, como ''till sjöss'' (chenitibo) u ''man ur huse'' (dativo singular), encara que belunas d'ellas encara son pro comuns.

Estando o sueco una luenga chermanica, a [[sintaxi]] ye parellana a las de l'anglés y l'alemán. Igual como l'anglés, o sueco tien un orden basico d'as palabras [[Subchecto Verbo Obchecto]], pero igual como l'alemán o verbo ha d'estar en a [[Luenga V2|segunda posición]] en as clausulas prencipals (ye dicir, dimpués d'adverbios, sintagmas adverbials u [[proposición subordinada|proposicions subordinadas]] si ístas prencipian a frase. Os sintagmas preposicionals siguen un orden [[Puesto Maniera Tiempo]], como en anglés y de traza diferent de l'alemán. Os adchectivos van debant d'o substantivo que modifican.<ref name="Bolander">{{cite book | last = Bolander| first =Maria | coauthors = | title = Funktionell svensk grammatik | url = http://worldcat.org/oclc/67138445 | year = 2002 | publisher = Liber | location = Estocolm}}</ref>

== Eixemplo ==
'''Fragmento de ''Barfotabarn'' (1933), de [[Nils Ferlin]] (1898–1961):'''
{| border="0" width="100%" style="text-align: left;"
|-
!|Orichinal
!|Traducción
|-
|Du har tappat ditt ord och din papperslapp,
|Has perdiu a tuya palabra y a tuya nota de papel,
|-
|du barfotabarn i livet.
|tu, ninón descalzo en a vida.
|-
|Så sitter du åter på handlar'ns trapp
|T'asientas de nuevas en o porche d'o botiguero
|-
|och gråter så övergivet.
|y ploras, albandonau.
|-
|Vad var det för ord – var det långt eller kort,
|Cómo yera ixa palabra - yera larga u curta,
|-
|var det väl eller illa skrivet?
|yera bien u mal escrita?
|-
|Tänk efter nu – förr'n vi föser dig bort,
|Piensa-te-lo bien agora - antes que te faigamos fuera,
|-
|du barfotabarn i livet.
|tu, nino descalzo en a vida.
|}

== Bibliografía ==
=== Cursos de sueco ===
<div style="font-size:95%;">
* {{cite book
| last = Görannson
| first = U.
| title = På svenska! 1 Svenska som främmande språk–Lärobok
| year = 1997
| publisher =
| isbn = 91-7434-392-2
}}
* {{cite book
| last = Nyborg
| first = R.
| title = Svenska utifrån–Lärobok i svenska
| year = 2001
| publisher =
| isbn = 91-520-0673-5
}}
* {{cite book
| last = Görannson
| first = U.
| title = På svenska! 2 Svenska som främmande språk–Lärobok
| year= 2002
| publisher =
| isbn = 91-7434-462-5
}}
* {{cite book
| last = Assimil
| title = Le Suédois Sans Peine
| year = 2004
| publisher = Assimil
| id =
}}
</div>

=== Gramatica ===
<div style="font-size:95%;">
* {{cite book
| last = Byrman
| first = G.
| title = Svenska utifrån Schematic grammar–Swedish structures and everyday phrases
| year = 1998
| publisher =
| isbn = 91-520-0519-4
}}
</div>

== Referencias ==
<references />

== Vinclos externos ==
{{InterWiki|sv|sueco}}
* {{sv}} [http://www.si.se/ Svenska Institutet]
* {{sv}} [http://www.sprakradet.se/ Språkrådet]
* {{fi}} {{sv}} [http://www.kotus.fi Svenska språkbyrån]

=== Recursos on-line (cursos, diccionarios) ===
* {{en}} [https://web.archive.org/web/20000819024127/http://www.geocities.com/Athens/Acropolis/1290/ Curso de sueco] de Björn Engdahl
* {{en}} [https://web.archive.org/web/20080629230950/http://www.braswedish.com/ BraSwedish]: Suecia y l'aprendizache d'o sueco
* {{es}} [https://web.archive.org/web/20081013070403/http://www.freelang.net/espanol/diccionario/sueco.html Diccionario sueco-castellano-sueco]
* {{es}} [http://www.linguavox.net/diccionario/sueco.html Diccionarios de sueco]
* {{es}} [http://lexin2.nada.kth.se/sve-spa.html Diccionario sueco-castellano-sueco]

=== Atros ===
* {{sv}} [http://www.ling.lu.se/persons/JohanF/dialects/laryngograph.html Rechistros de son que amuestran as variacions foneticas entre dialectos]

{{Luengas oficials d'a UE}}
{{Familia chermanica}}

{{Control d'autoridaz}}

[[Categoría:Idioma sueco|*]]