Indicador Publico de Renta d'Efectos Multiples

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L' Indicador Público de Renta de Efectos Múltiples u IPREM (en aragonés, Indicador Publico de Renta d'Efectos Multiples) ye un indice emplegau en Espanya como referencia ta conceder aduyas, becas, subvencions u o subsidio de desemplego, entre atros. Este indice naixió en l'anyada 2004 ta substituyir o Salario Minimo Interprofesional que en ixas envueltas s'emplegaba como referencia ta estas aduyas. Asinas, agora i hai dos referents: o SMI, emplegau como tope minimo ta chornals y salarios, y l'IPREM, que se fa servir como referent ta prestacions socials y becas. L'IPREM tien 12 pagas, a diferencia de o SMI que en tiene 14, lo cual separa encara mas os dos indicadors publicos con as consecuencias socials y economicas que ixo implica.

Asinas, l'IPREM ha iu creixendo a un ritmo menor que el SMI, aduyando a amanar o SMI espanyol a rans europeus pero per contra fendo que os topes y cuantidaz d'as aduyas a chent menos favorecida vaigan baixando, fendo asinas mas chicot o suyo poder adquisitivo.

Cualques implicacions de l'IPREM a os ciudadans son:

L'IPREM ye a base reguladora de o subsidio de desemplego, cuasi toz os subsidios tienen una cuantidat de 80% de l'IPREM.
L'IPREM ye o tope ta las cantidaz d'as prestación contributiva de desemplego en función de o numero de miembros d'a unidat familiar.
L'IPREM ye o tope de referencia ta os pagos d'o FOGASA.
L'IPREM ye o tope ta las indemnizacions per despido.
L'IPREM ye l'indicador te tener dreito a l'asistencia churidica gratuita.
L'IPREM ye o tope maximo ta cobrar o salario social en Aragón dito Ingreso Aragonés d'Inserción.
L'IPREM ye l'indicador t'acceder a viviendas de protección oficial.

Evolución de l'IPREM

L'IPREM se publica per cada anyo a traviés d'a Lei de Presupuestos Chenerals de l'Estau, de forma que cal emplegar como referencia a zaguer cuantidat publicada de forma oficial ta determinar si os ingresos d'una persona u unidat familiar superan un determinato numero de veces l'IPREM y seguntes estes datos saber si tiene dreito a bella prestación u aduya.

A evolución de l'IPREM ha estato la siguient:

Evolución anyal de l'IPREM
Anyo	2004	2005	2006	2007	2008	2009	2010	2011
IPREM mensual	460,50 €	469,80 €	479,10 €	499,20 €	516,90 €	527,24 €	532,51 €	532,51 €
IPREM anyal (12 pagas)	5.526,00 €	5.637,60 €	5.749,20 €	5.990,40 €	6.202,80 €	6.326,86 €	6.390,13 €	6.390,13 €

Datos: Q3571621