Gara

Ta atros usos se veiga gara (desambigación).

Gara de Zaragoza-Delicias

Una gara (de l'occitán gara) u estación (d'o latín statio) ye o punto d'acceso de viachers y marchandisas a o ferrocarril u l'autobús. A sobén incluyen instalacions adicionals pa a chestión d'as operacions ferroviarias u d'os autobuses y atros servicios tecnicos u comercials asinas como instalacions d'operacions ferroviarias, almagacens u tallers.

Encara que i hai garas mixtas, modernament se gosan deseparar as garas de pasachers d'as garas de marchandisas. Cuan apareixioron os contenedors, o tractamiento de paquez minguó ascape y se transferió a o transporte por cambión. Muitas garas de marchandisas desapareixioron y o tractamiento de contenedors se desplazó dende os centros urbans enta as zonas industrials.

Cuan se tracta de transporte de personas, se diferencia d'o simple baixadero en o que no i hai dengún atro servicio. Aintro d'una gara de ferrocarril i son as andanas por a on pasan os viachers y as vías por a on pasan os trens. En as garas d'autobuses i hai puestos a on aparcan os autobuses pa recullir a os pasachers.

Garas de ferrocarril

Gara Internacional de Canfranc

As garas ferroviarias u garas de ferrocarril son instalacions ferroviarias con vías a la que pueden plegar y dende as que se pueden salir trens. Se componen de cuantas vías, con desvíos entre ellas, y se protechen con sinyals de dentrada en os dos sentius. Amás son un punto d'acceso a o ferrocarril de pasachers y marchandisas, encara que no ye una condición indispensable pa estar una gara.

Suelen componerse de andenes junto a las vías y un edificio de viajeros con servicios como venta de billetes y sala de espera.

Configuración

A mayoría d'as garas son de dos tipos:

• Pasants: se sitúan en metat d'una linia. En ye un eixemplo a gara de Zaragoza-Delicias.
• Terminals: se sitúan a o final d'una linia. En ye un eixemplo a gara de Uesca.

Bellas garas tienen configuracions particulars, como as garas triangulars que se forman en a trobada de dos linias, u as garas con cruce a distinto livel.

Garas d'autobuses

Gara d'autobuses d'Andorra

As garas d'autobuses son instalacions en as que se turnan as salidas d'autobuses a diferents puestos, aparcando en andanas en as que baixan y puyan os pasachers. As garas d'autobús pueden estar de dos tipos: de transporte privau u de publico. Belunas d'istas terminals también incluyen atros servicios comerciales pa qui las fa servir: restaurants, cheladerías y botigas, entre atros.

Elementos

A estructura ye equipada con una placha para maniobras de buses y buses articulados y paradas que sirven pa guarenciar a dentrada y salida d'os usuarios d'os vehículs. Os autobuses han de meter-se amán d'os puestos, que consisten en una aria de estacionamiento pa o vehículo y una cera con marquesina. As garas d'autobús tamién pueden equipar-se con un edificio, en que se troban bels servicios como a taquilla, a sala d'espera, a tabierna, o kiosco y os escusaus.

Pa facilitar o intercambio con os diferentes meyos de transporte publico, as garas d'autobús pueden ubicar-se amán de garas de tren y aeropuertos, pero tamién amán de metros, paradas de taxis y atros sistemas de transporte urbán.

Etimolochía

A palabra gara ye un ampren d'o francés gare a traviés d'o gascón. No gosa emplegar-se en toz os dialectos de l'aragonés.

Se veiga tamién

• Baixadero.
• Parada de bus.

Vinclos externos

• Se veigan as imáchens de Commons sobre as garas.

• Datos: Q55488
• Multimedia: Train stations / Q55488