Veyer o codigo fuent de «Francia»

{{Grafía EFA}}
{{Articlo 1000|+30}}
{{Ficha de país 
| nombre = Republica Francesa
| nombre_oficial = République Française
| nombre_común = Francia
| imachen_bandera = Flag of France (1794–1815, 1830–1958).svg
| imachen_escudo = Armoiries république française.svg
| imachen_escudo_grandaria = 80px
| simbolos =
| imachen_mapa = EU-France.svg
| lema_nacional = [[Liberté, Égalité, Fraternité]]<br />([[Idioma francés|Francés]]: «Libertat, Igualdat, Fraternidat»)''</small>
| himno_nacional = ''[[La Marseillaise]]''
| capital = [[París]]
| capital_población = 2.148.000([[2020]]) 
| capital_cor_fmt = 
| capital_cor = 52_31_N_13_24_E_ 52°31′ N 13°24′ E
| ciudat_prencipal = [[París]]
| idiomas_oficials = [[Idioma francés|Francés]]<sup>1</sup>
| gubierno = [[Republica semipresidencialista]]
| enfiladors_titols = [[President de Francia|President]]<br />[[Primer ministro de Francia|Primer ministro]] 
| enfiladors_nombres = [[Emmanuel Macron]]<br />[[Michel Barnier]]
| establimiento= [[Fiesta nacional]]
| establimiento_fitas = 
| establimiento_calendatas = [[14 de chulio]]<br />[[Presa d'a Bastilla]]
| superficie = 674.843 <sup>2</sup>
| superficie_posición = 47
| superficie_augua = 0,26% <sup>3</sup>
| mugas = 
| costas = 
| población = 67.407.200 (2021)<sup>2</sup>
| población_posición = 22
| población_densidat = 110
| PIB = 2.234.608.690.000 EUR€
| PIB_anyada = 2019
| PIB_posición = 7
| PIB_per_capita = 34.432,63
| moneda = [[Euro]] ([[ISO 4217|€ EUR]])<sup>4</sup>
| chentilicio = [[Franceses|Francés/a]]{{DORTO}}
| horario = [[CET]] ([[Tiempo Coordinato Universal|UTC]]+1)<sup>5</sup>
| horario_estiu = [[CET]] ([[Tiempo Coordinato Universal|UTC]]+2)<sup>5</sup>
| cctld = .fr
| codigo_telefonico = 33
| prefixo_radiofonico = FAA-FZZ, HWA-HYZ, THA-THZ, TKA-TKZ, TMA-TMZ, TOA-TQZ, TVA-TXZ
| codigo_ISO = 	250 / FRA / FR
| miembro_de = [[UE]], [[ONU]], [[OTAN]]
| notas = <sup>1</sup> Se charran cuantas luengas rechionals.<br /><sup>2</sup> Territorio total d'a Republica Francesa, incluyindo-ie los departamentos y territorios d'ultramar, pero excluyindo lo territorio francés de [[Tierra Adelia]] en l'[[Antarctida]] a on a sobiranía ye en suspenso debito a lo [[Tractau Antarctico]] de [[1959]].<br /><sup>3</sup> Datos d'o Rechistro Catastral francés, que excluye ibóns, basals y cheleras mayors a 1 km² asinas como los [[estuario]]s d'os ríos.<br /><sup>4</sup> Toda la Republica Francesa menos os territorios d'ultramar en l'Oceano Pacifico, a on s'emplega o [[franco CFP]]<br /><sup>5</sup>Francia metropolitana (Europa).
}}

'''Francia''' u '''Franza''' (en [[idioma francés|francés]] '''France''' {{IPA|[fʁɑ̃s]}}), oficialment a '''Republica Francesa''' (en [[idioma francés|francés]] '''République française''', {{IPA|[ʁepyblik fʁɑ̃sɛz]}}) ye un [[estau]] constituito por una [[metropoli]] y por territorios d'[[Ultramar]]. Francia ye o estau mas gran d'a [[Unión Europea]]; ye situato en a [[Europa]] occidental y muga a l'ueste con l'[[Oceano Atlantico]]; a lo norte con a [[canal d'a Manga]], o [[paso de Calais]] –que a desepara d'o [[Reino Uniu]]– y a [[mar d'o Norte]]; a l'este con [[Belchica]], [[Luxemburgo]], [[Alemanya]], [[Suiza]] y [[Italia]]; y a lo sud con [[Andorra]], [[Espanya]], [[Mónegue]] y a mar [[Mediterrania]]. A Francia metropolitana ye formata, amás, por a isla de [[Corcega]], en a Mediterrania, situata a lo norte d'a isla italiana de [[Cerdenya]]. Tamién incluye islas y territorios d'ultramar, repartitos arredol d'o mundo''.

A suya [[Población humana|población]] ye de 64.898.000 d'habitants, en una [[superficie]] de 674.843 [[km²]] y una [[densidat de población]] de 110 hab/km². Politicament, o país ye una [[republica]] [[Presidencialismo|presidencialista]] con [[Capital (politica)|capital]] en a ciudat de [[París]]. L'actual [[Lista de presidents de Francia|president]] ye [[Emmanuel Macron]] y o [[Lista de primers ministros de Francia|primer ministro]] ye [[Jean Castex]]. O país celebra a suya [[Fiesta nacional]] o día [[14 de chulio]], aniversario d'a [[presa d'a Bastilla]] en [[1789]], mientres a [[Revolución francesa]].

Francia, entre toz os estaus europeus, ye o mas antigo en a suya constitución como tal, orichinalment un [[dominio reyal]] centrato en a Isla de Francia, y [[París]] en yera a capital. Actualment, Francia ye miembro d'o [[Consello d'Europa]]; ye un d'os países fundadors d'a Unión Europea, d'a [[eurozona]] y d'o [[espacio Schengen]]. Ye un d'os cinco miembros permanents d'o [[Consello de Seguridat d'as Nacions Unitas]]. Fa parti tamién d'a [[Unión Latina]], d'a [[Organización ta la Cooperación y o Desembolique Economico]] (OCDE), d'a [[Francofonía]] y d'o [[Grupo d'os ueito]] (G8). Militarment, Francia ye miembro d'a [[Organización d'o Tractau de l'Atlantico Norte]] (OTAN) -se'n heba retirato en [[1966]] y tornó parcialment en [[2002]]. A suya [[moneda]] ye o [[euro]], que substituyó a l'antigo [[franco francés]].

L'[[idioma francés]] ye o solo [[idioma oficial]] d'o país, encara que se i charran luengas propias en muitas rechions. Asinas, en l'antiga [[Occitania]], que hue fa parte en a suya mayor parte de Francia, se i charra l'[[idioma occitán]], y tamién se i charran o [[Idioma basco|basco]] (en [[Iparralde]], o País Basco francés), o [[Idioma bretón|bretón]] (en [[Bretanya]]), l'[[Idioma alemán|alemán]] (en [[Alsacia]]), l'[[idioma francoprovenzal]] (en [[Arpitania]]), o [[idioma catalán|catalán]] ([[Pireneus Orientals]]) y l'[[idioma corso]] (en [[Corcega]]), amás d'una minoría de [[Idioma italiano|luenga italiana]] en [[Niza]].

== Etimolochía ==
A palabra ''Francia'' tiene o suyo orichen en o [[latín]], estando ''Francia'' en ixa luenga a palabra que s'emplegaba ta nombrar o territorio ocupato por una d'as [[tribus chermanicas]], os [[francos]], que ocuporon a marguin oriental d'o [[río Rin]] mientres l'[[Imperio Romano]], servindo a sobén como [[mercenario]]s con l'[[Exercito romano]] antis de trescruzar o río y asentar-se en a suya marguin occidental como uno d'os pueblos federatos de l'Imperio. Os francos yeran en realidat una confederación de pueblos diferents, unitos contra os suyos enemigos comuns, os [[alamans]], y bi ha cuantas teorías sobre l'orichen d'o suyo nombre.

Ta beluns, o suyo nombre deriva d'a palabra d'o [[protochermanico]] ''frankon'', que significa [[lanza]] u [[chabalina]]. Ta d'atros, o suyo orichen ye ''frank'' como ''libre'', con o mesmo sentito que tien hue a palabra ''franco'' en [[Idioma aragonés|aragonés]], en estar os francos uno d'os pueblos libres federatos con os romanos. Ye verdat que os francos teneban contactos con os romanos ya en os sieglos [[Sieglo III|III]]-[[Sieglo IV|IV]], encara que cal decir que ixos contactos estioron a sobén nomás as primeras [[invasions chermanicas]]. Antiparte, ye fácil que o sentito de ''franco'' como ''libre'' tenga o suyo orichen en a [[Edat Meya]], en estar os francos medievals (habitants d'o [[Reino Franco]], o primer nombre de l'actual Francia, incluyindo os [[Occitania|occitans]]) a mayor parte d'os nuevos habitadors en as repoblacions de territorios conquiestos en o proceso d'a [[Reconquiesta]], habitadors que teneban as suyas [[franquicia]]s y libertaz.

Mientres a [[dinastía carolinchia]], en os sieglos [[Sieglo VIII|VIII]]-[[Sieglo XI|XI]], o territorio ocupato por os francos yera clamato ''Franchonolant'' (''Frenkenland''), mientres que o territorio habitato por os galorromanos yera clamato ''Uualholant'' (''Welschland'', con a mesma radiz que [[Galas]] en as [[luengas chermanicas]]).

Dende [[1204]], apareixe o nombre de ''Francia'' ta referir-se a l'actual Francia, designando o territorio sobre o cual exerciba a suya sobiranía o [[Lista de reis de Francia|rei]] de Francia.

== Organización politico-administrativa ==
{{Articlo principal|Organización politico-administrativa de Francia}}
As principals divisions administrativas francesas son as [[Lista de rechions francesas|rechions]], un total de 26 (d'as cuals 22 son metropolitanas que pertocan a la Francia continental). O siguient tipo de división administrativa ye o [[Departamentos de Francia|departamento]], un total de 100 (d'os cuals 4 son d'ultramar). A siguient división administrativa ye o [[Districtos de Francia|districto]] (u ''arrondissement'' en francés), bi'n ha 342. Os districtos se subdividen en 4.035 [[Cantons de Francia|cantons]] por motivos administrativos y electorals. A la fin, tamién os districtos se dividen en 36.682 municipios u ''[[comunas de Francia|comunas]]''.

As rechions, os departamentos y os municipios son conoixitos como "colectividaz territorials" (''collectivités territoriales''), lo que quiere decir que os residents pueden esleyir os miembros d'una asamblea local y un chefe executivo, mientres que os districtos y os cantons son nomás divisions administratibas y/u electorals sin d'autonomía. Dica l'anyo [[1940]] os districtos tamién yeran colectividaz territorials con una asamblea local (o consello de districto), pero fuoron eliminatas mientres o rechimen de [[Francia de Vichèi|Vichèi]], y abolitas en a [[Cuatrena Republica Francesa|Cuatrena Republica]] en [[1946]].

Tres comunas u municipios importants –[[París]], [[León del Roine]] y [[Marsiella]]– se dividen en ''arrondissements'' u districtos municipals ta la suya administración territorial, que amás tienen bel grau d'autonomía financiera y administrativa. O departamento de París nomás ye formato por una sola comuna u municipio, y as cinco rechions d'ultramar –[[Guadalupe (Francia)|Guadalupe]], [[Martinica]], [[Guayana Francesa]], [[Mayotte]] y a [[Reunión|Isla d'a Reunión]]– son constituitas nomás por un departamento. A rechión de [[Corcega]], que ye formata por dos departamentos, tien un estatuto especial de colectividat territorial una mica diferent d'as atras rechions metropolitanas (en ye considerata una, encara que no ye una rechión continental). Totas as rechions, continentals u d'ultramar, son partis integrants d'a Unión Europea.

Dende a promulgación d'as [[leis Defferre]] de [[1982]] y [[1983]], y as [[leis Raffarin]] de [[2003]] y [[2004]], Francia s'ha constituito como un estau descentralizato. A reforma constitucional de febrero de 2003 diz que a organización d'a Republica ye descentralizata.

[[Imachen:France map FR.png|thumb|right|280px|Mayors ciudaz de Francia]]

{| border="1" cellpadding="2" width="300" cellspacing="0" style="margin: 0 0 1em 1em; background: #f9f9f9; border: 1px #aaaaaa solid; border-collapse: collapse; font-size: 95%;"
! Ciudaz de mas de 200.000 (2012) !! Mayors arias metropolitanas (2012)
|- align="center"
| [[París]], 2.240.000 || [[París]], 12.340.000
|- align="center"
| [[Marsiella]], 850.000 || [[León del Roine]], 2.215.000
|- align="center"
| [[León del Roine]], 500.000 || [[Marsella]], 1.730.000
|- align="center"
|[[Tolosa]], 450.000 || [[Tolosa]], 1.275.000
|- align="center"
|[[Niza]], 345.000 || [[Lille]], 1.160.000
|- align="center"
|[[Naoned]], 290.000 || [[Bordeus]], 1.150.000
|- align="center"
|[[Estrasburgo]], 275.000 || [[Niza]], 1.000.000
|- align="center"
|[[Montpeller]], 270.000 || [[Naoned]], 900.000 
|- align="center"
|[[Bordeus]], 240.000 || [[Estrasburgo]], 770.000
|- align="center"
|[[Lille]], 230.000 || [[Roazhon]], 690.000
|- align="center"
|[[Roazhon]], 210.000 || [[Grenoble]], 680.000 
|}

=== Se veiga tamién ===
* [[Arias metropolitanas en a UE]]

== Cheografía ==
{{articlo principal|Cheografía de Francia}}

Francia poseye una ampla variedat de paisaches dende as planas costeras en o [[norte]] y l'[[ueste]] d'o país, a las cadenas montanyosas en o [[sud]] (os [[Pireneus]]) y o sudeste (os [[Alpes]]), d'os cuals istos zaguers contienen a lo punto mas alto de tota [[Europa]], o [[Mont Blanc]] a 4.808 [[metro]]s d'[[altaria]].

[[Imachen:Satellite image of France in August 2002.jpg|thumb|left|Francia vista dende un satelite.]]
Mientres que o territorio principal de Francia (a ''metropoli'') se troba en Europa occidental, o estau francés tamién lo constituyen territorios de: 
* [[America d'o Norte]]: a ''colectividat territorial'' de [[Saint-Pierre et Miquelon]]
* O [[Caribe]]: os departamentos de [[Guadalupe (Francia)|Guadeloupe]] y a [[Martinica]] y as ''colectividaz territorials'' de [[Saint-Barthélemy]] y [[Saint-Martin]].
* [[America d'o Sud]]: o departamento d'a [[Guayana Francesa]]
* L'[[oceano Indico]] occidental: o departamento d'a [[Reunión]] y a ''colectividat departamental'' de [[Mayotte]]
* L'[[oceano Pacifico]]: a ''colectividat territorial'' de [[Wallis y Futuna]], o ''país d'ultramar'' d'a [[Polinesia Francesa]] y a ''colectividat sui generis'' de [[Nueva Caledonya]]
* L'[[Antarctida]] (encara que as reclamacions sobre territorio antarctico no son reconoixitas por muitos países) y l'oceano Indico meridional: as [[Territorios Australs Franceses|Tierras Australs y Antarcticas Francesas]] (TAAF)

=== Hidrografía ===
Os ríos mas importans de Francia son, en a versant atlantica: [[río Garona|Garona]], [[río Loira|Loira]] y [[río Sena|Sena]]. En a versant mediterrania o [[Roine]], con o suyo afluent o [[río Saona|Saona]]. Tamién tien parti d'as compleganzas d'os ríos [[río Rin|Rin]], [[río Mosela|Mosela]] y [[río Escalda|Escalda]].

== Historia ==
{{Articlo principal|Historia de Francia}}
'''Francia''' ye un [[estau]] que con muitos cambios politicos ha tenito una continuidat dende l'[[Alta Edat Meya]] influindo muito en a evolución economica, tecnolochica y cultural d'[[Europa Occidental]].

=== O dominio [[francos|franco]] ===
[[Imachen:Steuben - Bataille de Poitiers.png|thumb|left|[[Batalla de Tours]]]]
{{Articlo principal||Merovinchios|Carolinchios}}
{{Articlo principal|Imperio Carolinchio}}
En l'anyo [[486]] [[Clodoveu I]], o rei [[francos|Franco]] de [[Tournai]], venció a lo romano [[Siagrio]] en [[Soissons]] y estendilló o suyo reino dica o río [[río Loira|Loira]]. En l'anyo [[496]] venció a los [[alamans]] en [[Tolbiac]], se convirtió a lo catolicismo y prenió [[baptismo]] chunto con muitos guerrers en [[Rems]] de mans de [[Sant Remichio]]. Por ixo dimpués os reis de Francia serán [[coronación|coronau]]s en Rems. Clodoveu atacó a [[Alarico II]] rei d'os [[reino visigodo de Tolosa|visigodos]] en l'anyo [[507]] y lo venció en a [[batalla de Vouillé]], cerca de [[Piteus]]. Clodoveu morió en l'anyo [[511]] y o suyo reino fue dividiu entre os suyos cuatre fillos. Clotario lo reunificó, pero a la suya muerte en l'anyo [[561]] tornó a ser dividiu en cuatre partidas, que se convertioron en rechions diferenciadas por a suya composición etnica, gubierno y historia: [[Austrasia]], [[Neustria]], [[Reino de Borgonya|Borgonya]] y [[Aquitania]], a zaguera controlada por o patriciau galo-romano local y a menos chermanizada, de traza que baixo os [[merovinchios]] o territorio d'os [[francos]] se divide en tres reinos: [[Neustria]], [[Austrasia]] y [[Reino de Borgonya|Borgonya]].

A historia d'os francos en os sieglos [[Sieglo VI|VI]] y [[Sieglo VII|VII]] ye marcada por a rivalidat entre Neustria y Austrasia, y os [[mayordombres de palacio]] van prenendo o poder, de traza que a rivalidat entre mayordombres (que representan l'aristocracia terratenient y militar) marca a politica mes que a rivalidat entre reis. Baixo o reinau de [[Dagoberto]] ([[629]]-[[639]]) Neustria ye o reino franco mes important. En o [[sieglo VIII]] predomina Austrasia, dirichida por os [[mayordombre]]s de palacio [[Pepín de Heristal]], [[Carlos Martel]] y [[Pepín lo Petit]], que deposa a lo zaguer rei merovinchio y funda a [[dinastía Carolinchia]]. [[Carlos Magno]] ye nombrau emperador en l'anyo [[800]]. Con Carlos Magno l'[[Imperio Carolinchio]] plega a la suya maxima extensión. En l'anyo 843 por o [[tractau de Verdún]] l'imperio queda dividiu, y se creya o [[Reino de Francia Occidental]] con centro politico en Neustria, y que tendrá una existencia independient d'o resto de l'Imperio.
[[Imachen:Sacre de Charlemagne.jpg|thumb|A coronación de [[Carlos Magno]].]]
Dende o [[sieglo IX]] os contes se converten en cargos hereditarios y se converten tamién en principes territorials, o mesmo esdevién con os duques. A fins d'o sieglo IX desapareix o bilingüismo romanz-francico, y os francos s'integran culturalment a los galo-romanos.

En [[Francia Occidental]] os reis son esleitos por os grans y no son necesariament d'a dinastía carolinchia. A familia d'os [[robertins]] s'imposa china chana, y dende [[Hugo Capeto]], rei en l'anyo [[987]], os robertins conservarán a corona a títol hereditario con o nombre de [[dinatía Capeta]] u d'os Capetos. D'esta traza o reino de Francia Occidental se converte en o [[Reino de Francia]]. O cambio de dinastía lo contan asinas en o "[[Liber Regum]]":

{{Cita|Murie est rei Lodois, e non lexo fillo nenguno. Los [[franceses]] leuantaron rei ad [[Ugon]] el duc, qui fo fillo de [[Ugon el grant duc]]. '''Qui sestallo la generación de Charles'''. [E]st rei Ugon que leuantoron ouo fillo al rei Roberth.}}

=== O reino de Francia ===
O reino de Francia teneba a lo rei en o cabalto d'a hierarquía feudal, y tien o [[refirme]] d'a ilesia como rei coronau por ella. En a practica no tien autoridat reyal que en as propias posesions, que en o sieglo XI yeran [[París]], [[Orliens]] y as suyas comarcas. As posesions d'o rei yeran o [[dominio reyal]]. En o resto d'o territorio os duques y contes teneban independencia de feito.

A lo principio os [[condau]]s correspondeban en cheneral a [[diocesi]], pero as mugan van evolucionando por matrimonios, herencios, compras y guerras locals. O rei tamién va estendillando china chana o dominio reyal.

Os contes de [[condau de Piteus|Piteus]] prenen o títol de duques d'[[Ducau d'Aquitania|Aquitania]] a zaguers d'o [[sieglo X]] y sozmeten o Ducau de [[Ducau de Gascunya|Gascunya]] a mitat d'o [[sieglo XI]].

En o sieglo XI bi ha dos luengas propias d'as elites d'o reino de Francia y que tamién son literarias: o [[idioma normando|normando]] d'os duques de Normandía y reis de Francia y l'[[idioma occitán|occitán]] en o sud.

==== As mugas ====
A muga oriental fue creyada por o [[tractau de Verdún]], manimenos o [[Sacro Imperio Romano Chermanico]] tiene cada vegada menos control en o [[Reino de Borgonya]], y en l'anyo [[1167]] o conte de [[Condau de Forez|Forez]], que yera en guerra contra os lioneses, cambia o suyo churamiento de fidelidat dende o Emperador chermanico a lo rei Capeto, encomenzando un proceso d'expansión d'o reino de Francia en territorio d'o [[Sacro Imperio Romano Chermanico]].

==== O sieglo XII ====
O [[dominio reyal]] forma un conchunto contino dende [[Selis]] dica [[Burch (Francia)|Burch]]. O [[condau de Flandres]] tien ciudaz ricas por a [[industria textil]] ([[Gant (Flandres)|Gant]], [[Bruxas]] y [[Ypres]]) y tien mes vinclos con [[Anglaterra]] (que li vende a lana), y con territorios a l'este d'o [[río Escalda]].

O [[condau de Campanya]] se converte en o [[sieglo XII]] en o principal dominio d'a [[casa de Blois]] (o [[condau de Blois]] sigue en mans d'a branca menor). As ferias de Campanya ([[Lagny]], [[Provins]], [[Troyes]], [[Bar-sur-Aube]]) serán importants fuents d'ingresos d'os contes.

Dende principios d'o sieglo XI miembros d'a dinastía d'os [[Capetos]] son duques de [[Borgonya]].

En l'anyo [[1066]] [[Guillén de Normandía]] conquere o reino d'[[Anglaterra]]. O [[Ducau de Normandía]] pasa en l'anyo [[1144]] a lo conte d'Anchú, [[Godofred de Plantagenet]]. Os duques d'Anchú tamién dominan en [[Maine]] y [[Turena]] dende a primera metat d'o sieglo XI.

O condau de Bretanya pasa a estar baixo sobiranía d'o Ducau de Normandía en [[1113]]. O [[Ducau d'Aquitania]] tien dos capitals: [[Piteus]] y [[Burdeus]].

En o sud os [[Condau de Tolosa|contes de Tolosa]] tienen a sobiranía dende [[Quercy]], [[Rouerne]], [[Gothia]] y a cuenca meya d'o [[río Roine]], ([[Marquesau de Provenza]]). Os contes de [[Condau de Barcelona|Barcelona]] tienen o [[condau de Provenza]] y tienen influencia sobre os vasallos d'o conte de Tolosa.

En o "[[Liber Regum]]" comentan bella cosa d'a chenealochía d'os reis d'ixas envueltas.
{{Cita|[E]l rei [[Henrique I de Francia|Henrrich]] ouo fillo al rei [[Felipe I de Francia|Philip]]. [E]l rei Philip ouo fillo a [[Loís VI de Francia|Lodois]]. [E]st rei Lodois ouo V fillos de la filla de sire Albert, que aduxo doltras los monç. [E]l uno ouo nomne [[Felipe de Francia y Saboya|Philip]]. [E]l otro ouo nomne [[Loís VII de Francia|Lodois]]. [E]l tercero, [[Henrique de Francia y Saboya|Henrrich]]. [E]l cuarto, [[Roberto I de Dreux|Roberth]]. [E]l quinto, [[Felipe de Francia (arciagno de París)|Philip]] otrosi. [[Felipe de Francia y Saboya|[P]hilip el maior]], qui era ia rei coronado, morie por occasion en [Fol. 36 v.] uida de so padre. Regno [[Loís VII|Lodois]], so ermano; coronólo l apostoli [[Inocencio II|Innocencio]] en la cibdad de [[Rems]]. [E]st rei [[Loís VII|Lodois]] ouo fillo al rei [[Felipe II de Francia|Philip]], qui agora es rei de França.}}

==== Capetos contra Plantachenez ====
Henrique de Plantachenet, conte d'[[Anchú]] y duque de [[Ducau de Normandía|Normandía]] se casa en [[1152]] con [[Alionor d'Aquitania]], heredera d'o [[Ducau d'Aquitania]]. Dos anyadas dimpués ye coronau rei d'Anglaterra con o nombre d'[[Henrique II d'Anglaterra]], y ye bisnieto por parte de mai de [[Guillén o conqueridor]]. Henrique se troba gobernando en cinco estaus: [[Anglaterra]], [[Normandía]], [[Anchú]], [[Aquitania]] y [[Bretanya]].

Pa os Plantachenet Anglaterra yera un dominio periferico. Os Plantachenet yeran de luenga y cultura [[normandos|normanda]] (u francesa), tienen muito vinclo con Anchú y s'oposan a lo rei de Francia como grans sinyors feudals. Bi ha una guerra intermitent en as marguins de [[Isla de Francia]], Normandía, [[Turena]], [[Poitou]] y [[Lemosín]]. Dimpués de prener posesión d'[[Auvernia]] a fins d'o [[sieglo XII]], [[Felipe-Augusto de Francia]] fa confiscar en [[1202]] totas as tierras francesas de [[Chuan d'Anglaterra]]. En os anyos vinients [[Normandía]], Anchú y Turena son adhibidas a lo [[Domino Reyal]]. Felipe-Augusto posa como gobernador de Bretanya a un primo suyo y lo rei d'Anglaterra no conserva en Francia que [[Gascunya]] y o centro d'Aquitania, (rechión de [[Bordeus]]).

=== Flandres entre os sieglos XII y XIII ===
Por matrimonios y herencios o [[dominio reyal]] s'estendilla dica a [[Picardía]]. A fins d'o [[sieglo XII]] [[Felipe-Augusto de Francia]] adhibe [[Artois]] (metat sudoccidental d'o condau de Flandres) a los suyos territorios, y cuan prebaba d'imposar a suya autoridat mes a lo norte as ciudaz [[flamencos|flamencas]] fan liga con o rei d'Anglaterra, y os Ducaus y condaus vecins ([[Condau de Brabant|Brabant]], [[Condau d'Holanda|Holanda]], [[Ducau de Limburgo|Limburgo]] y [[Ducau de Lorena|Lorena]]) fan una coalición chunto con l'emperador chermanico [[Otón IV]]. Manimenos en [[1214]] [[Frederico-Augusto de Francia]] desfa la coalición en a [[batalla de Bouvines]] y [[Flandres]] y pasa a estar en a [[subchección (poder)|subchección]] suya por un cuasi un sieglo.

=== Cruzada contra os albichenses ===
En o [[sieglo XIII]] bi ha muitos [[albichenses]] cerrinos en [[Tolosa]], [[Albi]], [[Agen]], [[Pamiers]], [[Carcasona]], [[Besers]] y las suyas redoladas. En [[1207]] o [[Papa]] excomulga a lo conte de Tolosa [[Remón VI de Tolosa]] sospeitoso de simpatizar con os [[cataros]], y a l'anyo vinient fa clamar a la cruzada contra ellos. [[Felipe-Augusto de Francia]] no se i suma, pero si que lo fan muitos [[normandos]] y franceses d'o norte. En [[1209]] [[Besers]] ye saqueyau y fan una [[mortalera (delito)|mortalera]] con a suya población. [[Simón de Montfort]] s'estableix como mayestre y acosa a los cataros con a pretensión de recibir o [[condau de Tolosa]]. En [[1211]] consigue atra excomunión de Remón VI. A población occitana tien una reacción fura contra a población d'o norte de Francia. [[Pero II d'Aragón]] defiende a lo conte de Tolosa, pero en [[1213]] Pero II y o conte son vencius en a [[batalla de Muriel]]. [[Simón de Montfort]] ye asasinau en [[1218]] y o rei de Francia [[Loís VIII de Francia]] ye qui aproveita a ocasión: en [[1226]] invade a rechión y tres anyadas dimpués o conte de Tolosa acepta casar a la suya filla con o [[chermano]] de [[Loís IX de Francia]], [[Alifonso de Piteus]]. En [[1271]] o [[Lenguadoc]] s'adhibe en o [[dominio reyal]] de pa cutio.

=== O reino de Francia en tiempos de Loís IX y Felipe o Fermoso ===
[[Felipe o Fermoso]] prebaba de reforzar o poder d'o reino a l'igual que o suyo predecesor [[Loís IX de Francia]]. O condau de [[condau de Campanya|Campanya]] y [[Bria]] ye adhibito a lo [[dominio reyal]] en [[1328]]. O reino s'estendilla a costa d'o [[Sacro Imperio Romano Chermanico]] en a redolada de [[León d'el Roine]] entre [[1288]] y [[1312]], en [[1301]] [[Barrois Mouvent]], en [[1305]] [[Vivarais]], y en [[1316]] [[Valentinois]].

En l'interior d'o Reino de Francia bi ha cuatre grans estaus vasallos: [[Ducau de Borgonya|Borgonya]], [[Ducau de Bretanya|Bretanya]], [[Condau de Flandres|Flandres]] y [[Guyena]] (o nombre d'[[Aquitania]] en francés, oficial dende o [[sieglo XIII]]). [[Borgonya]] y [[Bretanya]] son en mans d'os [[capetos]] locals.

A cuestión d'Aquitania ye enreligada porque en parte ye en poder d'os reis d'Anglaterra. En [[1259]] [[Loís IX de Francia|Loís IX]] firma un tractau con [[Henrique II d'Anglaterra]] en o que mugan o [[Ducau de Guyena]] en [[paga]]s por o vasallache de Loís.

Dende fins d'o [[sieglo XII]] os [[flamencos]] se troban en rebelión de contino, y vencerán a la caballería francesa en [[1320]] en [[Courtrai]].

=== Influencia francesa en tiempos de Loís IX ===
Encara que i haiga problemas pa mantener o control d'o reino de Francia, os capetos tienen influencia fuera d'as suyas mugas. En [[1246]] [[Carlos I d'Anchú]] se converte en conte de [[Condau de Provenza|Provenza]] por matrimonio, en vente anyadas mes tarde conquere o [[reino de Sicilia]]. Dende [[1295]] un capeto se converte en o conte de [[condau de Borgonya|Borgonya]].

As coronas de Francia y [[Reino de Navarra|Navarra]] se troban en unión personal entre [[1285]] y [[1328]].

O [[Delfinau]], que fue fundado por os contes d'Albón en o [[sieglo XI]], se posa baixo a protección d'o rei de Francia. O delfín Humberto li vende a lo rei as suyas posesions en [[1349]].

Os papas adquirioron o condau de [[Venaissin]] en [[1274]] y comproron [[Avinyón]] a lo conte de Provenza en [[1347]]. Os papas residen en Avinyón dende [[1309]] dica [[1377]].

=== A guerra d'as Cient Anyadas y o reinau de Loís XI ===
[[Imachen:Battle of crecy froissart.jpg|thumb|200px|[[Batalla de Crécy]] ([[1346]]).]]
{{Articlo principal|Guerra d'as Cient Anyadas}}
A muerte de [[Carlos IV de Francia]] en [[1328]] sin hereus barons fa acabar con él a linia dreita d'a dinastía d'os Capetos. A [[lei salica]] fa que i haiga un problema succesorio en Francia pero no en [[Reino de Navarra|Navarra]], on hereda a suya sobrina [[Chuana II de Navarra|Chuana II]].

Os reis d'Anglaterra reivindicaban a corona de Francia. O [[exercito anglés]] iba ganando a guerra a lo principio gracias a los [[Arco (arma)|arquers]], que permitioron exitos en as batallas de [[Batalla de Crécy|Crécy]] ([[1346]]) y [[Batalla d'Azincourt|Azincourt]] ([[1415]]). Os angleses no pueden controlar por muito tiempo os territorios conquiestos por no tener [[refirme]] local, (a diferencia d'os [[Plantachenet]] d'o sieglo XII yeran vistos como forans). A sola rechión de Francia on bi ha un [[refirme]] cutiano a los angleses ye en [[Guyena]].

Os franceses yeran desorientaus y en estau de guerra civil ([[armanyacs]] contra [[borgonyons]]), pero a hostilidat contra os angleses iba augmentando y [[Chuana d'Arco]] se en aproveita.

==== A primera fase d'a guerra ====
[[Imachen:Henry II of England.jpg|left|thumb|150px|[[Henrique II d'Anglaterra]].]]
Os [[capeto]]s dreitos s'estinguen en [[1328]], y se planteya un problema de sucesión. Os grans de Francia adrezan mes a suya atención por [[Felipe VI de Francia|Felipe de Valois]] por estar francés que por atros candidatos posibles como [[Eduardo III d'Anglaterra]], [[nieto]] de Felipe o Fermoso.

Eduardo pareix aceptar-lo pero dimpués reivindica a corona y ataca. Os suyos exitos militars son importants:
Destrucción d'a flota francesa en a [[batalla de L'Écluse]], en Flandres en [[1340]], a victoria en a [[batalla de Crécy]] en [[1346]] y de [[Piteus]] en [[1356]], on o rei de Francia Chuan o Bueno ye feito presionero. En [[1360]] por o [[tractau de Brétigny]] una Guyena asaber-lo d'examplada (muito mes gran que a comarca de [[Bordeus]], plegando dica Piteus y [[Cevennes]]), ye atribuita a lo rei d'Anlaterra en pagas por renunciar a la corona francesa. Manimenos [[Carlos V de Francia]] tien de [[conestable]] a lo bretón [[Bertrand Du Guesclin]] y pronto reconquere os territorios perdius. Enta [[1375]] os angleses no dominan que [[Calais]], [[Ponthieu]] y as rechions de [[Bordeus]] y [[Bayona]].

==== A segunda fase d'a guerra ====
[[Imachen:Jeanne d' Arc (Eugene Thirion).jpg|140px|thumb|[[Chuana d'Arco]] (ólio d'[[Eugéne Thirion]]).]]
S'estableix un equilibrio fráchil. A prencipios d'o [[sieglo XV]] bi ha dos clans franceses opuestos. Os [[armanyacs]] que son fuertes en o centro y sud y os [[borgonyons (partiu)|borgonyons]]. [[Chuan o Bueno]] cede a un fillo suyo dito [[Felipe l'Atreviu]] o [[Ducau de Borgonya]], que fa una politica prou independient y convence a [[Carlos VI l'Ababol]] desherede a lo delfín [[Carlos VII de Francia|Carlos]] en proveito d'[[Henrique V d'Anglaterra]]. Henrique V, qui en [[1415]] ya heba venciu a la [[caballería]] francesa, tien una enchaquia pa reviscolar a guerra.

En 1429 [[Chuana d'Arco]] libera [[Orliens]], que yera asitiada por os angleses y fa coronar a [[Carlos VII de Francia]] en [[Rems]], y dende ixe inte os angleses reblan y retaculan, en [[1453]] no conservan que [[Calais]] y a guerra remata.

Os [[lista de duques de Borgonya|duques]] de [[Ducau de Borgonya|Borgonya]] han aproveitau pa asegurar-se a suya posición en una ampla zona entre o [[Sacro Imperio Romano Chermanico|Sacro Imperio]] y o [[reino de Francia]], y poseyen o [[Ducau de Borgonya]], [[Flandres]], [[Artois]], [[Picardía]]. O [[Ducau de Nevers]] ye en mans d'una branca menor d'a familia y o [[Ducau de Bretanya]] gana independencia. En o tot o [[sieglo XIV]] o [[Biarn]] se libera d'a sobiranía anglesa y francesa.

=== O reinau de Loís XI ===
En o reinau de [[Loís XI de Francia]] se produce una luita contra [[Carlos o Temerario]], duque de Borgonya. A la muerte de Carlos o Temerario o rei s'anexiona a lo dominio reyal o [[Ducau de Borgonya]], [[Artois]] y [[Picardía]]. Manimenos a sucesión d'a casa de Borgonya pasa a los [[Casa d'Habsburgo|Habsburgo]] por o matrimonio d'a filla de Carlos o temerario con [[Maximilián d'Austria]] en [[1477]]. O [[Ducau de Nevers]] se converte en un feudo fiel a lo rei. Flandres encara s'escapa de l'autoridat d'o rei.

Loís XI consiguió que o rei d'Aragón li entregase en prenda o [[Rosellón]] y [[Cerdanya]] en pagas por l'aduya cuentra una revuelta en Catalunya.

Loís XI presionó sobre a [[casa d'Anchú]] pa que adhibisen o suyo herencio territorial ([[Anchú]] y [[Maine]]) a lo dominio reyal. Tamién consigue que o rei [[Renato de Napols]] y conte de Provenza legue indreitament o suyo [[condau de Provenza]] a lo rei de Francia dimpués que [[Alfonso V lo Magnanimo]] lo destrone, de traza que en [[1481]] se proclama a unión d'o condau de Provenza a Francia.

=== L'antigo rechimen en Francia ===
En l'interior de Francia contina a consolidación d'o [[dominio reyal]] por meyo d'a incorporación d'[[infantau]]s y atros feudos, terminando principalment entre o sieglo [[Sieglo XVI|XVI]] y [[Sieglo XVII|XVII]].

A oposición a los Habsburgo dominó a politica exterior de Francia dica mitat d'o [[sieglo XVIII]], y ye un herencio d'a Edat Meya: os Habsburgo yeran herederos d'a [[casa de Borgonya]] y tamién d'a [[casa de Trastamara]] y por tanto d'a [[casa d'Aragón]], que yera oposada a los Anchú en o [[reino de Nápols]] y o [[reino de Sicilia]].

=== O problema d'as mugas ===
[[Carlos VIII de Francia]] quiere fer valer os suyos dreitos por o [[reino de Nápols]], procedents d'a [[casa d'Anchú]]. Pa tener as mans libres torna [[Artois]] y [[Franco Condau]] a los Habsburgo en [[1493]] y Rosellón y Cerdanya a la [[Corona d'Aragón]]. Carlos VIII fracasa en Italia, a l'igual que Loís XII. Manimenos [[Francisco I de Francia]] vence en a [[batalla de Marignano]] en [[1515]], pa dimpués enfrentar-se a [[Carlos V d'Alemanya|Carlos V]]. En [[1529]] por o [[tractau de Cambrai]] Flandres y Artois s'unen a l'Imperio y ye o unico caso d'expansión de l'imperio a l'ueste d'a linia fixada en l'anyo 843 por o [[Tractau de Verdún]]. Manimenos a guerra esclata de nuevo y en [[1555]]-[[1556]] Carlos V lega os Países Baixos y o Franco Condau a [[Felipe II d'Espanya|Felipe II]].

Cuan os Habsburgo teneban as arcas vuidas firman en [[1559]] o [[tractau de Cateau-Cambrésis]] y Francia conserva os Tres Bispaus (ocupaus en [[1552]]), Calais (conquiesto a los angleses en [[1558]]) pero pierde Italia, on no conserva que o [[Marquesau de Saluzzo]], que estió vasallo d'o delfinau.

En [[1601]] [[Henrique IV de Francia|Henrique IV]] reconoix as pretensions d'o duque de [[Ducau de Saboya|Saboya]] sobre Saluzzo y en [[paga]]s, en obtien [[Bresse]], [[Bugey]] y [[Gex]].

=== O Ducau de Bretanya ===
En a [[Anyos 1480|decada de 1480]] o [[Ducau de Bretanya|duque de Bretanya]] preba de casar a la suya filla y heredera, [[Ana de Bretanya|Ana]], con [[Maximilián d'Austria]], viduo de [[María de Borgonya]] en [[1482]]. Esto fa que os franceses interviengan. A la fin Ana se casa con o rei de Francia [[Carlos VIII de Francia|Carlos VIII]] en [[1491]], y dimpués con o suyo sucesor [[Loís XII de Francia]]. Manimenos o Ducau no ye unito a la corona. Amés Loís XII casa a la suya filla [[Claudia de Francia]] con Francisco d'Engolesme, o futuro [[Francisco I de Francia]]. Baixo o suyo reinau, en [[1532]] os estaus de Bretanya, aplegaus en [[Vannes]], demandan a unión perpetua y en pagas se reconoixen os dreitos y privilechios d'o Ducau.

=== Atros feudos y infantaus ===
[[Loís XII de Francia|Loís XII]] y [[Francico I de Francia|Francisco I]] aportan a la corona os infantaus que controlaban ([[Ducau d'Orliens]], condaus de [[Condau de Blois|Blois]] y [[Condau de Valois|Valois]] y [[Condao d'Engolesme|Engolesme]]). A etapa vinient afecta a lo dominio d'o duque de Borbón (con títol de [[conestable]]). Formau por [[feu]]s y infantaus o territorio d'o conestable prene una gran extensión en o [[sieglo XV]] con o [[Bourbonais]], Mancha, [[Auvernia]], [[Forez]], [[Beajoulais]], etc.. En [[1521]] Francisco I reclama a restitución d'os infantaus. Como o conestable ye refuchiau cerca de [[Carlos V d'Alemanya|Carlos V]] o conchunto d'o suyo dominio, recuperau u confiscau, pasa a mans d'a corona en as anyadas vinients.

Cuan [[Henrique IV de Francia]] puya plega a la [[cadiera reyal]] accede tamién por herencio a un amplo dominio. As posesions en l'interior d'o reino s'unen a la corona en [[1607]]. [[Biarn]] y a [[Baixa Navarra]], que yeran estaus sobirans d'Henrique IV s'anexionan en [[1620]], y ya no quedarán que poquez feudos.

=== A monarquía absoluta ===
[[Henrique IV de Francia|Henrique IV]] ye asasinau en [[1610]] y esto enfebleix a monarquía. Ye o cardenal [[Richelieu]], ministro de [[Loís XIII de Francia|Loís XIII]] dende [[1624]] dica [[1642]], qui restableix y refuerza l'autoridat d'o Estau.

Dende [[1643]] o cardenal [[Mazzarino]] contina esta politica, a pesar d'a resistencia d'os notables y os grans d'o reino (a Fronda). En [[1661]] o cardenal muere y [[Loís XIV de Francia|Loís XIV]] decide exercer solo o poder, seguindo a mesma dirección.

==== Espansión en o sieglo XVII ====
A expansión territorial, ligada a la luita contra os Habsburgo d'Espanya y Austria, ye por razons estratechicas: ocupar posicions que permitan intervenir en [[Alemanya]] u [[Italia]] y impedir que os Habsburgo ocupen posicions que lis permitan d'intervenir en Francia. En [[1648]] os [[tractaus de Westfalia]] posan fin a la [[guerra d'as trenta anyadas]]. Francia obtien a reconoixencia d'a suya sobiranía en tres bispaus ocupaus dende [[1552]] y bel territorio d'[[Alsacia]]. D'esta traza tien ya cabos de puent en l'Imperio. O [[tractau d'os Pireneus]] de [[1659]] posa fin a la guerra contra Espanya, que li cede [[Rosellón]], a [[Cerdanya norte]], [[Artois]] (de fueras de [[Saint-Omer]]), y parte d'o [[Flandres maritimo]], [[Hainaut]] y [[Luxemburgo]].

As guerras contra os [[Habsburgo]], [[Países Baixos]] y o [[reino d'Anglaterra]] ocupan unas 30 anyadas o reinau de [[Loís IX de Francia|Loís IX]] ([[1661]]-[[1715]]). O resultau ye l'anexión de part d'os [[Países Baixos espanyols|Países Baixos]] enantes espanyols, d'o [[Franco Condau]] ([[1678]]) y d'o resto d'[[Alsacia]], con [[Estrasburgo]].

==== Expansión en o sieglo XVIII ====
[[Imachen:Acta Eruditorum - III mappe Francia, 1703 – BEIC 13363829.jpg|thumb|''Francia'', 1703]]
O expansionismo s'enfebleix. Os [[Borbons]] gobiernan en Espanya y os [[Países Baixos]] pasan a [[Austria]], con o que cambia o contexto diplomatico. Francia plega a fer liga con Austria contra [[reino de Prusia|Prusia]] y Anglaterra en [[1756]]. A expansión se fa mes amoniquet, y [[Estanislau Leszczynski]], antigo rei de Polonia, se converte en duque de [[Ducau de Lorena|Lorena]] vitalicio en cuentas de Francisco, o [[mariu]] de [[María Tresa d'Austria]], que recibe o [[Gran Ducau de Toscana]] en compensación. Cuan muere Estanislau o [[Ducau de Lorena]] s'adhibe a lo reino, y en [[1768]] a [[Republica de Chenova]] cede [[Corcega]] a Francia.

En [[1789]] o territorio francés ye como l'actual, pero sin [[Saboya]], [[Niza]], [[Avinyón]] y o condau [[Venaissin]], [[prencipau de Montbéliard]] y ciudat de [[Mülhausen]].

En o [[sieglo XVIII]] Francia conoix una centralización administrativa, bi ha fidelidat a la monarquía y a [[Idioma francés|luenga francesa]] se cheneraliza en as elites socials.

As divisions administrativas son "gubiernos", territorios baixo o control d'un gran sinyor que tien una función militar u de mantenimiento de l'orden, y ''generalités'', baixo un intendent con una función de chestionar a fiscalidat, as [[obras publicas]] y a [[policía]] en nombre d'o rei. Os gubiernos augmentan os suyos poders en as [[guerras de relichión de Francia|guerras de relichión]] u d'a Fronda y a monarquía despulla d'o suyo poder a los sinyors.

Os Parlamentos y Corz sobiranas son instancias chudicials que executan una función politica important a la fin de l'[[antigo rechimen]]. Bi ha distinción entre "países d'estaus" en os que una asamblea vota y distribuye os impuestos y "países d'eleccions" en os que os achents d'o rei actuan dreitament.

=== A Revolución ===
[[Imachen:Eugène Delacroix - La liberté guidant le peuple.jpg|thumb|200px|''A Libertat guiando a o pueblo'', obra d'[[Eugène Delacroix]].]]
{{Articlo principal|Revolución Francesa}}
A [[Revolución Francesa]] esclata en [[1789]] y fa que caiga a monarquía 3 anyadas mes tarde. Os [[privilechio]]s son abolius a nueit d'o [[4 d'agosto]]. O [[26 d'agosto]] son declaraus os [[dreitos de l'hombre y d'o ciudadán]]. A [[sobiranía]] d'a [[nación]] substituye a la sobiranía d'o rei. A [[centralización]] de l'antigo rechimen arredol d'a figura d'a monarquía en a capital contina en a Revolución francesa con o rechimen [[chacobita]]. Contina a expansión territorial pero ya no será tan decisiva como en a Edat Meya y en l'Antigo rechimen. Bi ha un cambio administrativo y en 1789 l'Asamblea Constituyent fa una división de Francia en [[Departamentos de Francia|departamentos]], que entrará en vigor en febrero de [[1790]]. A mida d'os departamentos se fa d'una traza que permita a los habitants plegar a la capital en un día. A población local eslei a los miembros d'as asambleas departamentals, que pueden d'esta traza canalizar as reivindicacions locals. Os departamentos esminglanan as [[Provincias historicas de Francia|provincias historicas]] prou grans pero resucitan bella entidat antiga: [[Périgord]], ([[Dordonya]]) [[Quercy]] ([[Lot]]) y [[Rouerge]] ([[Aveyron]]). En [[1800]] [[Napoleón Bonaparte]] posa a un [[prefecto]] en cadagún d'os departamentos. Os prefectos yeran mes poderosos que os intendents d'enantes de 1789.
[[Imachen:Jean Auguste Dominique Ingres 016.jpg|thumb|left|150px|[[Napoleón Bonaparte]], primer cónsul.]]
Dimpués d'a revolución en Francia se reivindicaban unas mugas “naturals” pa chustificar una expansión territorial: os monts [[Pireneus]] a o sud, os [[Alpes]] y o [[río Rin|Rin]] a l'este. Se concibe a [[Idioma francés|luenga francesa]] como ferramienta pa unificar a nación francesa (en cuenta d'un criterio de pertenencia a la nación u de definición d'a nación francesa). Se concibe que as atras luengas son elementos de l'antigo rechimen u vehiclos d'o separatismo.

[[Avinyón]] y o [[Condau Venaissin]] son anexionaus en [[1791]]. En [[1792]] ye anexionada [[Saboya]], en [[1793]] o [[prencipau de Mónegue]], o [[condau de Niza]], o [[bispato de Basilea]] y enclaus de [[Saarwerden]], [[Salm]] y [[Montbéliard]] tamién son anexionaus.

En 1792 Francia declara a guerra a la [[casa d'Habsburgo]], con qui fan liga [[Reino de Prusia|Prusia]], [[Reino Uniu]], [[Espanya]] y [[Países Baixos]]. Dimpués de bella derrota l'exercito d'a republica francesa s'imposa en [[1794]] dezaga d'a muga nord-este. A l'atro anyo s'anexionan os [[Países Baixos austriacos]] y o [[bispato de Lidje]], y a l'inte se dividen en departamentos. En [[1799]] esdevién o mesmo en a marguin ezquierda d'o [[río Rin]]. [[Mülhausen]] y a [[Republica de Chinevra]] s'incorporan a Francia ixe mesmo anyo.

En o periodo napoleonico o [[Primer Imperio Francés|Imperio Francés]] ye muito mes gran que no pas a Francia que se reivindicaba con unas mugas naturals. Dende [[1810]] s'estendilla dende [[Roma]] dica [[Hamburgo]]. O [[Tractau de París (1815)|Tractau de París]] d'o [[20 de noviembre]] de [[1815]] que remata as [[guerras napoleonicas]] torna a Francia as mugas de 1789 d'alto u baixo, no conservando que pocos enclaves anexionaus en a Revolución Francesa.

=== A Restauración, a Segunda Republica y o Segundo Imperio ===
[[Imachen:Franz Xaver Winterhalter Napoleon III.jpg|thumb|150px|[[Napoleón III]].]]
Dimpués d'a derrota de Napoleón se restaura a monarquía. A expansión europea s'atura y as prebatinas d'anexión topetan con a oposición d'atros estaus. En [[1824]] muere [[Loís XVIII de Francia|Loís XVIII]], y ye succediu por [[Carlos X de Francia|Carlos X]], que ye ultramonarquico. En chulio de [[1830]] bi ha una revolución que lo derroca y sienta en a [[cadiera reyal]] a lo duque d'Orliens [[Loís-Felipe d'Orléans]]. Se creya una monarquía costitucional que ye sostenida por a burguesía.

Loís-Felipe abdica en a revolución de febrero de [[1848]], cuan ye proclamada a [[Segunda Republica Francesa]]. En aviento de [[1848]] [[Loís Napoleón Bonaparte]], fillo de Loís, un [[chermano]] de Napoleón, ye esleito president. Tres anyadas dimpués, un [[golpe d'estau]] y un [[plebiscito]] concentran o poder en [[Loís Napoleón Bonaparte]], que restableix l'imperio en [[1852]] y prene o títol de [[Napoleón III]]. En [[1860]] o rei de Cerdenya y Piemont cede [[Saboya]] y [[Niza]] a Francia en pagas por l'aduya en a politica d'[[unificación italiana]]. En [[1866]]-[[1867]] prebó d'aproveitar o conflicto entre Austria y [[reino de Prusia|Prusia]] pa ocupar [[Belchica]] y [[Luxemburgo]], pero [[Otto von Bismarck|Bismarck]] lo impedirá. As tropas alemanas rodeyan [[París]], o gubierno se refuchia en [[Burdeus]]. L'imperio se desfa cuan os prusianos fan presionero a Napoleón III en a [[batalla de Sedán]]. En setiembre de [[1870]] se proclama de nuevo a republica (a [[Tercera Republica Francesa]]), consolidada a fins d'a [[decada de 1870]]. A III republica durará dica a [[segunda guerra mundial]]. En chinero de [[1871]] se firma un armisticio con Alemanya, y por o [[tractau de Francfort]] d'o [[10 de mayo]] de [[1871]] Francia cede a Alemanya [[Alsacia]] (de fueras de [[Belfort]]), y una part de [[Lorena (Francia)|Lorena]], con a ciudat de [[Mez]].

=== A primera guerra mundial ===
[[Imachen:French 87th Regiment Cote 34 Verdun 1916.jpg|thumb|180px|Soldaus franceses en a [[batalla de Verdún]].]]
{{Articlo principal|Primera Guerra Mundial}}
As tropas francesas resisten a las tropas alemanas en a [[batalla d'o Marne]] en setiembre de [[1914]] y o conflicto durará 5 anyadas. Dimpués d'a rendición d'Alemanya as rechions chermanicas d'[[Alsacia]] y [[Lorena (Francia)|Lorena]] tornan a Francia sin consultar-lo a la población local, en gran part chermanofona. Francia reclama os districtos de [[Sarre-louis]] y [[Sarrebruck]], seguntes presuntos dreitos historicos. Encara que [[Estaus Unius]] s'oposa a esta reivindicación, se plega a un alcuerdo sobre a creyación d'un [[territorio d'o Sarre]] sozmeso a un estatuto especial.

=== A Segunda Guerra Mundial ===
{{Articlo principal||||Segunda Guerra Mundial|Francia de Vichèi|Francia Libre}}
[[Imachen:Bundesarchiv Bild 183-H28708, Paris, Eiffelturm, Besuch Adolf Hitler.jpg|left|thumb|Adolf Hitler en [[París]] o [[30 de chulio]] de [[1940]].]]
O [[10 de mayo]] encomienza a [[batalla de Francia]], una campanya militar que remata o [[22 de chunio]] de [[1940]] en a que a ''[[Wehrmacht]]'' d'o [[Tercer Reich]] invadió os [[Países Baixos]], [[Belchica]], [[Luxemburgo]] y Francia. Os franceses no son capaces de defender-sen bien en a guerra contra [[Tercer Reich|Alemanya]]. Encara que i heba una linia defensiva en a muga con Alemanya (a [[linia Maginot]]) y que feban servir voluntarios [[Segunda Republica Espanyola|republicanos espanyols]] en a primera linia de combate, os alemans entran por o nord-este, (muga de Francia con [[Belchica]]). Francia firma un [[armisticio]] con Alemanya o [[22 de chunio]] de [[1940]] y queda dividida en dos zonas: una zona ocupada dreitament por Alemanya en a metat norte y a costa Atlantica y un [[estau titere]] en o centro y sudeste dito [[Francia de Vichèi]] y con capital en [[Vichèi]] y dirichiu por o mariscal [[Philippe Pétain]]. [[Alsacia]] y [[Lorena (Francia)|Lorena]], rechions historicament chermanicas, tornan a Alemanya, y [[Niza]] y [[Saboya]] son anexionadas por Italia.

En chulio a Cambra de deputaus y o Senau chuntos en una Asamblea Nacional da poders plens a Pétain, que se compromete a colaborar con Alemanya. En chunio de 1940 o cheneral [[Charles De Gaulle]] funda o movimiento d'os [[Francia Libre|franceses libres]] en [[Londres]] con a intención de continar a guerra, manimenos son poca chent.

En chunio de [[1944]] os [[Aliaus (Segunda Guerra Mundial)|Aliaus]] desembarcan en [[Normandía]] ([[batalla de Normandía]]) y en agosto de [[1944]] liberan París. Se restableix un rechimen democratico baixo a dirección de [[Charles De Gaulle]], que dimite en [[1946]].

=== Francia en a postguerra y en a CEE ===
[[Imachen:EP Strasbourg hemicycle l-gal.jpg|200px|thumb|Seu d'o [[Parlamento Europeu]] en [[Estrasburgo]].]]
Francia consigue exercer un papel en a politica internacional en a postguerra, y participa en a ocupación d'Alemanya. En [[1946]] se creya una nueva constitución y se funda a [[Cuatrena Republica Francesa]].

Se produce una recuperación economica. Francia s'asocia con atros países d'Europa Occidental pa formar a [[CEE]]. As colonias luitan por a suya independencia. Os franceses son derrotaus en [[Indochina]] y la pierden, l'[[Imperio Colonial Francés]] encomienza a desfer-se. Os alcherians se rebelan en [[1954]] y Francia considera [[Alcheria]] una colonia como as atras por tener muita población francesa (os [[piez negros]]). En 1958 De Gaulle ye president y se prepara una nueva constitución, que s'aprueba en referendum en setiembre, naixendo a [[Quinta Republica Francesa]]. En [[1962]] Francia accepta a independencia d'[[Alcheria]] por os [[Alcuerdos d'Evian]], y a mayoría d'os piez negros tornan ta Francia, sendo establius en a costa mediterrania, contribuindo a l'afrancesamiento d'[[Occitania]], de [[Catalunya Norte]] y de [[Corcega]].

==Referencias==
{{listaref}}

== Bibliografía ==
* [[Jean Sellier]].: ''Atlas de los pueblos de Europa Occidental''. Editorial Paidós.

== Vinclos externos ==
* [https://web.archive.org/web/20050507065630/http://www.todofrancia.com/internacional.asp todo''Francia''.com]
* [https://web.archive.org/web/20090429025638/http://www.premier-ministre.gouv.fr/es/ Web d'o primer ministro]
* [http://www.france.diplomatie.fr/france/es/histoire/ Historia de Francia]
* [https://web.archive.org/web/20061018235436/http://www.traveldir.org/france/ Turismo de Francia]

{{Europa}}

{{Control d'autoridaz}}

[[Categoría:Francia|*]]