Blanca I de Navarra
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Blanca I de Navarra | |
|---|---|
| Reina de Navarra | |
| 28 de chinero de 1425 – 1 d'abril de 1441 | |
| Predecesor | Carlos III o Noble |
| Succesor | Chuan II d'Aragón Carlos de Viana |
| 26 d'aviento de 1402 – 25 de chulio de 1409 | |
| Predecesor | Antonia del Balzo |
| Succesor | Margalida de Prades |
| Naixencia | 6 de chulio de 1387 |
| Muerte | 1 d'abril de 1441 Santa María la Real de Nieva, Castiella |
| Consort | Martín I de Sicilia Chuan II d'Aragón |
| Pai | Carlos III de Navarra |
| Mai | Alionor de Trastamara |
Blanca I de Navarra estió una reina de Navarra, naixita en bel lugar d'o reino de Castiella o 6 de chulio de 1387 y muerta en Santa María la Real de Nieva (hue provincia de Segovia) l'1 d'abril de 1441.
Estió reina de Navarra dede 1425 dica la suya muerte en 1441.
Orichens familiars[editar | modificar o codigo]
Blanca I de Navarra yera filla de Carlos III de Navarra y Alionor de Castiella, filla d'Henrique II de Castiella y Chuana Manuel.
Antis de plegar d'a cadiera reyal[editar | modificar o codigo]
Seguntes a politica exterior d'o suyo pai, ta fer a paz con o reino d'Aragón, en 1402 Blanca casó con Martín I de Sicilia o Choven, rei de Sicilia, fillo y hereu de Martín I d'Aragón. O matrimonio estió, por poders, en a seu de Catania (Catania, Sicilia) o 21 de mayo de 1402. Cuan en 1409 morió o suyo marito, Blanca se convertió en a suya espondalera y rechió o reino de Sicilia dica 1415, cuan se'n tornó ta Navarra, dimpués d'a muerte d'a suya chirmana Chuana d'Ebreus, que yera dica a suya muerte a heredera d'o reino de Navarra.
O 28 d'octubre de 1416, en Olit, o suyo pai la nombró heredera d'o reino.
En 1420, Blanca fació un segundo matrimonio, con o suyo primo segundo l'infant Chuan d'Aragón, que por iste matrimonio se convertió en rei de Navarra con o nombre de Chuan II. Chuan yera chirmán d'o rei Alifonso V d'Aragón y fillo de Ferrando, y se convertió en rei d'Aragón a la muerte d'o suyo chirmán en 1458. O matrimonio se fació per poders o 6 de noviembre de 1419 en Olit y o 10 de chunio de 1420 en persona en a seu de Pamplona (Pamplona).
[editar | modificar o codigo]
Como o suyo esposo, encara que parti d'a nobleza navarra no l'aceptaba, se proclamó rei de Navarra, estió Chuan II d'Aragón qui mandaba en o reino, que quedó sozmeso a la politica que dictaban os intreses de Chuan y, dimpués, a la politica d'a Corona d'Aragón. Asinas, por a intervención de Chuan II en o reino de Castiella en 1428-1429, Navarra perdió bellos territorios mugants con Castiella.
Succesión[editar | modificar o codigo]
Dimpués d'a suya muerte en 1441 o suyo marito s'apoderó d'o reino de Navarra contra os dreitos d'os suyos fillos.
Matrimonios y fillos[editar | modificar o codigo]
D'o suyo primer matrimonio con Martín I de Sicilia o Choven, fillo de Martín I d'Aragón, en tenió a:
D'o suyo segundo matrimonio con Chuan II d'Aragón, en tenió a:
- Carlos de Viana (1421-1461).
- Blanca d'Aragón (1424-1464), casata en 1440 con Henrique IV de Castiella.
- Alionor I de Navarra (1424-1479), casata con Gastón IV de Foix, conte de Foix.
| Predecesor: Carlos III o Noble |
Rei de Navarra 1425 - 1441 |
Succesor: Chuan II d'Aragón |