Escleto

Escleto d'una ballena azul

En biolochía, un escleto ye una carcasa richida que proporziona la protezión e a estrutura en muitos tipos d'animals, en particular os cordatos e os ecdisozoos. Os ecsoescletos son esternos, e son tipicos de muitos imbertebratos; contienen os texitos blandos e organs d'o cuerpo, e, ya que no crexen, á mida que l'animal lo fa pueden desprender-sen periodicament ta tornar á formar-sen. Os endoescletos son internos, e son tipicos de muitos bertebratos; gosan estar rodiatos por a piel e la musculatura, encara que á sobén encluyen aintro suyo los organs bitals. Os endoescletos son puntos de fixazión d'a musculatura; autuan como palanca ta o mobimiento, e, en muitos animals, contienen medula, a cuala produze zelulas sanguinias. Os escletos pueden estar mineralizatos u no: asinas, o escleto umans ye calzificato, mientres que los d'os tiburons son cartilachinosos, e pueden estar articulatos ta dar flecsibilidat e mobilidat, u bien richidos ta dar resistenzia estrutural.