Sully Prudhomme

René Armand François Prudhomme, conoxito como Sully Prudhomme, naxito de París o 16 de marzo de 1839 y muerto en Châtenay-Malabry (Altos d'o Sena) o 6 de setiembre de 1907, estió un poeta franzés, o primer premiato con o Premio Nobel de Literatura en 1901.

Estió miembro de l'Academia Franzesa, en a cadiera 24, dende 1881 dica a suya muerte.

Primeras añadas

Fillo d'un comerziant, Prudhomme estudeyó en o Lycée Bonaparte (güé Lycée Condorcet) de París, encara que bels problemas en os güellos li fazioron albandonar os suyos estudeyos.

Treballó d'obrero en Le Creusot en as fabricas Schneider, antis de treballar en un notario.

A consagrazión

O suyo primer libro de poemas, Stances et Poèmes, li cuaca á l'escritor Charles Augustin Sainte-Beuve, e ixo ye l'inizio d'a suya carrera como poeta.

En 1881 fue esleyito miembro de l'Academia Franzesa, encara que dende 1888 tornó t'a suya obra filosofica.

O 10 d'abiento de 1901 rezebió o Premio Nobel de Literatura en 1901, o primero conzedito. Con o importe d'o premio, creyó un Premio literario.

En o Caso Dreyfuss, Prudhomme estió uno d'os primers dreyfussards.

Dende a Guerra Franco-prusiana de 1870, tenió problemas de salut, y en as suyas zagueras añadas bibiba retirato en Châtenay-Malabry (Altos de Sena) treballando en a suya obra filosofica. I morió, o 6 de setiembre de 1907.

Obras

Poesía

• 1865: Stances et Poèmes.
• 1866: Les Épreuves.
• 1869: Les Solitudes.
• 1872: Les Destins.
• 1874: La France.
• 1875: Les Vaines tendresses.
• 1876: Le Zénith, poema.
• 1878: La Justice Testo en linia.
• 1865-1888: Poésie.
• 1886: Le Prisme, poésies diverses.
• 1888: Le Bonheur.
• 1908: Épaves.

Filosofía

• La Vraie Religion selon Pascal: recherche de l'ordonnance purement logique de ses Pensées relatives à la religion: suivie d'une analyse du Discours sur les passions de l'amour, Paris, F. Alcan, Bibliothèque de philosophie contemporaine, 1905 Testo en linia.

Articlos

• «Sur l'origine de la vie terrestre» en Revue de Métaphysique et de Morale, t. 1, 1893, p. 324-345

Enrastres esternos

• (en) Pachina de l'Instituto Nobel, Premio Nobel de Literatura de 1901.
• (fr) Pachina de l'Académie Française, Sully Prudhomme.
• (fr) Poesies.net: Sully Prudhomme.

{{{títol}}} 1901