Villa

Biescas, villa altoaragonesa

Una villa ye un nuclio de población de qualque entidat, por causas economicas (mercato, por eixemplo, u abundancia de comercios), sociopoliticas (capital d'una comarca u sozcomarca u, antigament, d'una senyoría), relichiosas (capital d'un bispato u d'un centro relichioso important), culturals, historicas...

Se tracta d'una población que ha recibito a lo largo d'a historia qualques reconoiximientos explicitos, como determinatos privilechios (por eixemplo, lo de celebrar ferias u mercatos) de l'autoridat reconoixita, pero que, por razons diversas, tampoco no li ha estata concedita la categoría superior, la de ciudat. En bells casos existen documentos antigos, más que más meyevals y d'a Edat Moderna, que la categorizan como villa; en atros casos ye o mesmo uso, derivato d'o costumbre popular, que l'ha considerata siempre como villa por a suya importancia adintro d'a suya redolada.