Esporte

O fútbol ye un d'os esportes más populars d'o mundo.

O esporte ye una actividat fisica en que se siguen un conchunto de regles u de costumbres, y que se fa a ormino con un afán competitivo. En cheneral, o termin fa referencia a actividatz an que a capacidat fisica d'o esportista determina de traza unica u prencipal o resultau (ganar u perder). Manimenos, tamién se fa servir ta referir-se a actividatz an que atras capacidatz externas como a calidat de l'equipamiento u l'agudeza mental, no ligatas dreitament a o fisico d'o esportista, son factors decisivos. Ixe ye o caso, por eixemplo, d'os esportes mentals u os esportes de motor. Os esportes son una entretenedera ta qui los practica y tamién ta qui los veye, u puedes estar un treballo ta vivir d'ixo (esporte profesional), como ye o caso d'os futbolers profesionals.

Anque os termins esporte y actividat fisica gosan trafucar-sen, a diferencia ye en que o primero implica un caracter competitivo que no cal en o segundo.

Clasificación d'os esportes

• Categoría principal: Esporte.

Os esportes pueden estar claseficatos de muitas formas. Bells d'os mes basicos destinguen os esportes individuals y os esportes d'equipe, seguntes os accesorios ta practicarlos (de pilota, de raqueta, de luita, de patins, etc.), un atra forma ye o sitio a on es practican (de nieu, d'interior, a l'aire libre, etc.)

Tamién pueden estar claseficatos seguntes a dedicación d'os practicants (profesionals o amaters), o d'os espectadors (esportes minoritaris i esportes de masas).

Bibliografía

• Franco, Antonio. Deporte y sociedad, Barcelona, 1973, Salvat Editores. ISBN 84-345-7436-5.

Veyer tamién

• Lista de chuegos y esportes tradicionals aragoneses.
• Esportes tradicionals aragoneses.
• Esportes d'hibierno.

Vinclos externos

• (es) Pachina web d'o Departament d'Educación, Cultura y Esporte d'Aragón.