Index de Pres a o Consumo

De Biquipedia
(Reendrezau dende Endiz de Pres a o Consumo)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Endiz de Pres a o Consumo u EPC ye un endiz que fa una valoración d'os pres d'un conchunto de productos (conoixiu como "cesta") determinau sobre a base d'a encuesta contina de presupuestos familiars (tamién clamada Encuesta de gastos d'os fogaches), que una cantidat de consumidors merca de forma contina, y a variación con respecto d'o pre de cadagún, respecto d'una contrimuestra anterior. Mide os cambeos en o nivel de pres d'un conchunto de biens y servicios de consumo mercaus por as familias. Se tracta d'un porcentache que puede ser positivo, indicando alavez un incremento d'os pres, u negativo, que reflecta una caita d'os mesmos.

Os países que han ingresau en a Unión Europea han perdiu en parte a flexibilidat de disenyar os propios endices suyos, ya que cal que lo faigan d'acuerdo a normas feitas por o Banco Central Europeu. Un endiz feito seguindo istas normas se calcula en Espanya dende l'anyo 1997 y se diz EPCH u EPC Harmonizau (en castellano IPCA u IPC Armonizado)

O EPC tien muitos emplegos, por eixemplo a puyada de os chornals en os convenios colectivos, a puyada u revalorización de as pensions de chubilaus que cobran a retreta u de parellas que cobran pensions d'alimentos u compensatorias, actualización de deudas chudicials, deflactor de cuentas nacionals y mas que mas ye un indicador d'a inflación.

EPC y inflación[editar | modificar o codigo]

O EPC indica a inflación que ha patiu o país. Os datos d'EPC y d'inflación d'as zagueras anyadas en Espanya son os siguients:

   Inflación 1995 = 4,2%
   Inflación 1996 = 3,2%
   Inflación 1997 = 2,0%
   Inflación 1998 = 1,4%
   Inflación 1999 = 2,9%
   Inflación 2000 = 4,0%
   Inflación 2001 = 2,7%
   Inflación 2002 = 4,0%
   Inflación 2003 = 2,6%
   Inflación 2004 = 3,2%
   Inflación 2005 = 3,7%
   Inflación 2006 = 2,7%
   Inflación 2007 = 4,2%
   Inflación 2008 = 1,4%
   Inflación 2009 = 0,8%
   Inflación 2010 = 3,0%
   Inflación 2011 = 2,4%
   Inflación 2012 = 2,9%

Vinclos externos[editar | modificar o codigo]