Ducato d'Aliaga y Castellot

De Biquipedia
(Reendrezato dende Ducato d'Aliaga)
Ir a la navegación Ir a la búsqueda
Corona ducal.
Escudo de la Casa d'Íxar.

Lo Ducato d'Aliaga y Castellot, dimpués simplificato como Ducato d'Aliaga ye un títol nobiliario espanyol, creyato lo 10 d'octubre de 1487 por Ferrando II d'Aragón a favor de Chuan II Ferrández d'Íxar y Cabrera, por elevación a ducato de lo condato d'Aliaga, que li heba concedito lo 31 d'aviento de 1461, su padre lo rei Chuan II d'Aragón.

Este condato d'Aliaga, chunto con la distinción de Castellot, li fue concedito a Chuan Ferrández d'Íxar y Cabrera, por lo rei Chuan II d'Aragón, en compensación y senyal de perdón, ya que heba combatito contra ell, posando-se de part de Carlos de Viana, en la guerra que este prencipe sostenió contra su padre.

En lo suyo orichen la denominación oficial yera "Ducato d'Aliaga y Castellot", pero tiempo mes tarde se simplificó en "Ducato d'Aliaga".

Chuan II Ferrández d'Íxar y Cabrera yera fillo de Chuan I Ferrández d'Íxar y Centelles, VI senyor de la baronia d'Íxar y I senyor de Lecera (esta distinción fue adquieta por compra), y de la segunda muller d'este, Timbor de Cabrera, filla de Bernat de Cabrera I Conte de Mòdica, XXIV Vizconte de Cabrera, XXVI Vizconte de Bas i II Vizconte d'Osona.

La suya denominación fa referencia a lo municipio d'Aliaga, en la província de Teruel

Lo ducato d'Aliaga, lo han levato por quatre-cientos anyos conchuntament los mesmos titulars que lo Ducato d'Íxar y lo Ducato de Lecera dica que se separoron a partir de lo dotzeno duque, José Rafael de Silva y Fernández de Híjar.

Duques d'Aliaga[editar | editar código]

Creyación por Ferrando "Lo Catolico"

Titular Periodo
I Chuan II Ferrández d'Íxar y Cabrera 1487-1493
II Loís Ferrández d'Íxar y Beaumont 1493-1517
III Juan Francisco Fernández de Híjar 1517-1614
IV Isabel Margarita Fernández de Híjar y Castro-Pinós 1620-1642
V Jaime Francisco Sarmiento de Silva 1642-1700
VI Juana Petronila de Silva y Aragón 1700-1710
VII Isidro Francisco Fernández de Córdoba y Portugal Silva 1710-1745
VIII Joaquín Diego de Silva y Moncada 1745- 1758
IX Pedro de Alcántara Fernández de Córdoba y Abarca de Bolea 1758-1797
X Agustín Pedro de Silva y Palafox 1797-1817
XI Francisca Javiera de Silva y Fitz-James Stuart 1817- 1818
XII José Rafael de Silva y Fernández de Híjar 1818-1863
XIII Andrés Avelino de Siva y Fernández de Córdoba 1863 - 1885
XIV Alfonso de Silva y Campbell 1885-
XV Alfonso de Silva y Fernández de Córdoba
XVI María del Rosario de Silva y Gurtubay ? -1934
XVII María del Rosario Cayetana Fitz-James Stuart y Silva 1934 -1954
XVIII Alfonso Martínez de Irujo y Fitz-James Stuart 1954-2015
XIX Luis Martínez de Irujo y Hohenlohe-Langenburg 2015-actual titular

Referencias[editar | editar código]

  • Elenco de Grandezas y Títols Nobiliarios Espanyols. Instituto "Salazar i Castro", C.S.I.C.

Vinclos externos[editar | editar código]