Descusión usuario:83.52.21.12

Fa uns anyos acordemos los usuarios habituals de la biquipedia que los articlos de biquipedia sobre las parlas altoaragonesas s'han de fer millor en aragonés cheneral que en parlas concretas u dialectos concretos porque se puet explicar millor lo especifico d'estos dialectos, ye dicir se explica millor lo particular d'ixe dialecto mirando como se diz adintro de lo conchunto de l'aragonés: por eixemplo podemos dicir huembro se diz en benasqués muscllo a l'egual que en atra variedat X: d'esta traza a lo lector li queda mes claro que en cheneral en aragonés se diz huembro. Si decimos "lo benasqués ye la sola variedat que conserva lo numeral ueit" a lo lector, por un regular desconeixedor de los parlaches altoaragoneses veye claro que en cheneral en aragonés actual se diz "ocho" y que se puet conservar "ueit(o)", pero que en quasi totz los puestos sentirá "ocho". Antiparte si se fa un articlo en un dialecto concreto se fa mes dificil la participación completando y actualizando ixe articlo pa qui no domine ixe parlache u pa qui no siga d'ixa val u comarca. Si deseyas benasquizar articlos puetz fer-lo con articlos sobre localidatz de la Val de Benás como Grist u Saunc, u sobre articlos de puestos, ilesias, u personas de la Val de Benas.--EBRO (discusión) 07:57 20 mar 2014 (UTC)