Descusión categoría:Interpresas

Debant de la necesidat d'achuntar las categorías, hemos de planteyar-nos si ye bien dito interpresa. Yo lo he visto en lo neoaragonés que amuestran u escriben en Zaragoza, pero no lo he visto en los diccionarios locals que tiengo en casa. Lo que si que veigo ye que lo verbo emprender existe en aragonés chistabín y en atras variants d'aragonés. Empresa tamién sale en lo Libro d'el Trasoro y en atros textos medievals, encara que lochicament no tiene un significau empresarial. No trobo intepresa en los textos medievals de hispanicseminary. Si interpresa quiere reconstruir una forma a partir d'un orichen no castellán, diré que la palabra empresa no proviene de l'anglés enterprise como en bell sitio dicen, sino de lo italián imprendere, cognato de l'aragonés emprender. Si se contrimuestra que interpresa no ye representativo de l'aragonés por inventau u por estar una forma muito local, proposo que lo termin d'esta categoría siga empresa y no interpresa.--EBRO (descusión) 18:36 10 chi 2019 (UTC)