Descusión:Tuca d'Aneto

La parola tuca s'emplega en benasqués y chistabín. Si toponimicament s'emplega pa fer referencia a lo Mont Aneto en benasqués pues soi d'acuerdo, si no, pos no. Lo digo porque la parola tuca podría estar un gasconismo. Una cosa ye que s'emplegue descriptivament como se diría en castellán llegar a la punta de la montaña XXX u toponimicament como Este es el pico XXX. Lo filologo Javier Terrado Pablo en un libro de toponimia lo comenta pa interpretar un toponimo baixo-ribagorzano. Miré la distribución d'esta parola y veyé que sobre tot en aragonés ye de la zona benasquesa y chistabina, no se si se documenta en atros puestos, d'astí que haigamos de mirar si s'emplega toponimicament de forma tradicional con los cabaltos de los monts en esta zona en questión y no ixamplar lo suyo uso a articlos d'atras zonas a on que se charra aragonés u se charró en lo pasau y an que se diz u se deciba pico y picacho. Creigo que lo cognato d'esta parola en la zona catalanoparlant tuc ye de distribución ribagorzano-pallaresa y no l'aplican en la wikipedia catalana pa nombrar oronimos de Mallorca, Valencia u lo Priorato. Lo digo porque creigo que he visto tuca en bela plantilla sobre sierras u montanyas.--EBRO (descusión) 14:18 8 chun 2017 (UTC)