Descusión:Sufixo -miento

He posau quasi totz los casos de sufixo -miento de lo tercer tomo de "Grant Cronica d'Espanya". No he escrito los eixemplos con fonetica castellana como merecimiento u crecimiento. La ideya ye tener localizaus los abstractos verbals, parolas derivadas de verbos, pa no haber d'inventar-las como s'ha feito muito en neoaragonés, y tener una lista de lo que ye documentable en parlas actuals u textos meyevals. S'ha de dicir que n'esta lista bi ha parolas que no significan lo mesmo que lo que cabría esperar con mentalidat castellanoparlant de los sieglos XX y XXI: "achuntamiento" no ye lo que pareixe como tampoco "adelantamiento", que no se refiere a vehiclos. Tamién he de sinyalar que n'esta lista n'eliminaré belunas de las parolas asinas como tienga claro que no son representativas de l'aragonés meyeval, porque en lo tercer tomo de "Grant Cronica d'Espanya" aproveitan gran part d'un libro castellán meyeval, creigo que la "Cronica d'Alifonso Onceno", y part de los escribans u copistas yeran catalans, y en catalán bi ha muitas parolas que rematan en -ment. Por l'inte he visto que bi ha parolas intresants con fonetica aragonesa tipica: "aparellamiento", "crebantamiento", "recullimiento", u con elementos lexicos de parolas actuals como fornimiento y vedamiento, que ye intresant de tener-las localizadas.--EBRO (discusión) 10:21 21 ago 2012 (UTC)