Descusión:Guerra en Osetia d'o Sud de 2008

Motibos d'a rebersión

He rebertito ixa edizión, como deziba, por motibos de forma (vinclos á un articlo en a wp en anglés y á un articlo no esistent en ixa mesma wp; testo en anglés) pero, sobre tot, de fondo. Sin denguna esplicazión, os enlazes yeran, o primero, enta l'articlo d'una organizazión nazionalista ucrainesa binculata desde os suyos orichens en os años 1920 con o terrorismo antisobietico, antipolonés y antichodigo, que mientras a SGM fazió colaborazión autiba con os nazis y lis furnió presonal ta las suyas mortaleras y ta os campos d'esterminio, contiando luego d'a guerra con azions melitars en territorio ucrainés. O segundo, enta l'articlo d'una empresa pribata de seguredat que furne de merzenarios. Asinas, ixa edizión indreitament deziba que os cheorchians rezibioron aduya d'una organizazión nazi terrorista y d'una empresa pribata de seguredat que contratata con o Departamento d'Estato d'Estatos Unitos, adibiendo á mas como fuent un vinclo á una web que diz que contratoron merzenarios ucrainesos y serbo-croatas. Antiparte, ixa web parix no pas un estudeyo serio, sino una mera web de propaganda nazionalista rusa. Asinas, ta resolber tot ixo calerba muito treballo, que en ista Biquipedia no podemos pas fer, y encara menos sobre un tema que ye tan luén d'as nuestras nezesidaz y posibilidaz tematicas, güé per güé. --Manuel Trujillo Berges 09:49 6 ago 2009 (UTC)

Insultos

En a nuestra Biquipedia, iste tipo d'insultos no se toleran pas, y menos d'un usuario que nomás biene á mober polemica y á fer propaganda por astí. --Manuel Trujillo Berges 06:57 7 ago 2009 (UTC)