Descusión:Espacio Europeu d'Amostranza Superior

Antes de fer-se un treslau asinas, s'habría de explicar la documentación de las parolas amostranza y educación en aragonés, pa veyer qual d'ixas ye millor pa un títol. Lo digo porque l'aragonés se charra en Aragón dende fa un milenio, s'encomenzó a escribir fa ueito sieglos y siempre han i existiu los cultismos en -ción. S'ha de mirar si la parola amostranza ye bien documentada en aragonés tradicional, tamién s'ha de mirar si la suya aplicación ye adequada en este contexto (lo escritor Chusé Raúl Usón lo dubda, y dice que ye ensinyamiento), porque podría estar un caso d'ixas parolas descontextualizadas y/o inventadas en los decenios de 1970-80. Digo que "podría estar", y por ixo s'ha de debatir, conoixco documentacions de lo verbo amostrar como "exhibir", pero tamién d'ixe verbo en sentiu mes escolar en catalán d'Aragón. Si quiero que se faiga esta reflexión concreta ye porque unas parolas que apareixen en la documentación fa pocos decenios en textos de chent que ni conoixe completament ni domina l'aragonés no pueden tener mes peso que 800 anyadas d'historia con la scripta medieval y con los textos dialectals.--EBRO (descusión) 18:43 21 nov 2016 (UTC)