Descusión:Baguena

De Biquipedia
Ir a la navegación Ir a la búsqueda

Baguena con B u con V[editar código]

(Copio lo mensache ninviau a un usuario anonimo). Comprendo lo que proposas sobre como s'habría d'escribir Baguena. Manimenos te diré que en aragonés quan no se conoix la etimolochía u ye prerromana s'escribe con b. La etimolochía de la parola aragonesa vago (espacio vuido) ye VACUU, manimenos en Baguena tiengo dubdas si ye un toponimo aragonés de reconquiesta y repoblación u no. Bi ha una evidencia que ye un toponimo anterior a la reconquiesta y repoblación aragonesas. La evidencia ye lo sufixo -ena, que representa la evolución de lo sufixo latín -ANUS indicador de terratenients hispano-romans (como en Carinyena y Sarinyena) u visigodos (como en Requena), y que corresponde a territorios que s'arabizoron en la Edat Meya musulmana, (a diferencia de los navarros en -ain y los alto-aragoneses en sufixo -ana que han pasau dreitament dende lo latín a lo basco y aragonés respectivament, sin pasar por una etapa arabe). Como no veigo que VACUU siga un antroponimo román ni visigodo, ni veigo claro l'orichen etimolochico de Baguena, (por la zona podió estar arabe, morazabe, visigodo u latín), seguindo una norma establita por la ortografía de l'Academia de l'Aragonés, interpreto que s'ha d'escribir con B, y si se troba una interpretación clara a partir d'un etimo latín con V se puet cambiar a V.--EBRO (discusión) 21:21 14 avi 2014 (UTC)