Descusión:Aragoneses
Per aplegar ta bel consenso, comentaré o mio punto de bista. Bien poquez estatos d'o mundo son formatos so que per una sola etnia, entendendo iste conzeuto como un grupo prou omochenio cuanto a factors lingüisticos, relichiosos e culturals. Per ixo, o chentilizio gosa á estar una mena de caixón de sastre, que per defeuto s'acostumbra á asoziar á la pertenenzia politica á un territorio. En ixe caso, ye cuasi o mesmo que charrar de ziudadanía. Isto ye, toz es naixitos u zensatos a Aragón pueden considerar-sen aragoneses, independienment d'o suyo orichen etnico. O bocable "pueblo" ye ambigo, podendo equibaler á lo d'etnia en muitos puestos, pero amanando-se més ta o de "poblazión" u "ziudadanía" en Ozident, més que més á la Europa ozidental. En Aragón, per ixemplo, o Pueblo ye clarament asoziable á lo dreito churidico. De trazas que "pueblo aragonés" abracariba igualment a bariedat plurietnica d'Aragón. O conzeuto d'etnia, en o caso d'Europa, cuasi se reduziriba á un colectibo de caráuter lingüistico-cultural, estando lo relichioso muito cheneralizato e, en zaguerías, secularizato. Estando alabez esichents, no seriba o mesmo parlar de "aragoneses", "pueblo aragonés" e "etnia aragonesa". Ixa mesma distinzión he mirato de fer en bel articlo que he feito de bel altro colectibo umán. Pero prou sé que tot isto ye bien discutible e con muitas opinions e suszeptibilidaz. Cal mirar de fer-lo desapasionatament, sin partidismos, e prebando d'estar coerents con a politica á seguir que s'estableixca. Saludos. --Estrolicador 16:47 15 chl 2008 (UTC)
Comienza una discusión acerca de Aragoneses
Las páginas de discusión sirven para debatir sobre cómo hacer que el contenido de Wikipedia sea el mejor posible. Puedes utilizar esta página de discusión para empezar una discusión acerca de cómo mejorar Aragoneses.
