Descusión:Alcoleya de Cinca

Creigo que Alcoleya de la Cinca u Alcoleya d'a Cinca nunca no ha existiu. Encara que con La Uerva si que l'aragonés ha feito toponimos, yo no me trobo ni Pui d'a Cinca actualment (ye Pui de Cinca) ni atras formas con la locución d'a Cinca, ni en toponimia actual ni medieval, pero como ye una zona toponimica que no conoixco tanto como Teruel u Zaragoza, aguardaré a tener informacions mes variadas. Creigo que en lo fogache de 1495 no salen toponimos con de la Cinca, pero tiengo pendient de confirmar-lo.--EBRO (discusión) 13:09 5 chul 2013 (UTC)

D'istos toponimos que van con nombre de río, n'i habrá que serán antigos y atros modernos. D'os modernos, no'n trobaremos documentacion, pero cal mirar si d'os antigos se'n deduz garra traza sistematica de formación (igual que en francés se gosan fer -sûr-). En tot caso, sí que he trobau de Cinca en o Fogache de 1495: Puey de Çinqua, Albalat de Cinqua y Alcolea de Cinqua. Atros como Oso u Liguerri salen sin apelliu.--Juan Pablo (discusión) 08:29 6 chul 2013 (UTC)

Yo tiengo lo tomo de lo fogache correspondient a lo sud d'Aragón pero no lo de lo norte d'Aragón. Este lunes iba a consultar-lo en la biblioteca de F&L y m'has feito escusar lo esfuerzo. Ya suposaba que en toponimia medieval los toponimos de "Cinca" iban sin articlo en lo fogache pero no lo heba confirmau. Esta semana me miraré las actas de las cortz d'Aragón d'Alcanyiz con los peaches a veyer si me se confirma l'ausencia de l'articlo con "Cinca".--EBRO (discusión) 08:59 7 chul 2013 (UTC)