Descusión:A Meca

Soi veyendo que por l'inte en los textos meyevals que leigo estos días pa temas visigodos dicen simplament Meca sin articlo. Ixo no quiere dicir que no podamos trobar La Meca, pero por l'inte no lo veigo. Leyé lo mes pasau en lo manual de filochía romanica de Lausberg que l'uso de l'articlo determinau ha aumentau dende la Edat Meya dica los nuestros días en las diferents luengas romances, que en occitán y francés se feba servir menos l'articlo en la Edat Meya. Creigo que ye aplicable a l'aragonés y castellán d'Aragón a la interpretación de ciertos toponimos, por eixemplo Defesa de Moncayo en la Edat Meya en aragonés y Dehesa del Moncayo actualment en castellán, y tamién pa expresions como De Sobrarbe y Del Sobrarbe que mos fan dubdar a vegadas.--EBRO (discusión) 13:52 6 chul 2012 (UTC)