Veyer o codigo fuent de «Consello Superior d'as Luengas d'Aragón»

{{Grafía EFA}}
O '''Consello Superior d'as Luengas d'Aragón''' (en castellano, ''Consejo Superior de las Lenguas de Aragón'') estió un organo consultivo gubernamental [[Aragón|aragonés]] creyau y regulau en o capítol III d'a [[Lei de Luengas d'Aragón]].<ref>[https://web.archive.org/web/20100328163816/http://www.boa.aragon.es/cgi-bin/BOAE/BRSCGI?CMD=VEROBJ&MLKOB=478436853737 Lei de Luengas d'Aragón]</ref> Se tractaba d'un organo colechiau consultivo, adscrito a lo Departamento d'o Gubierno d'Aragón competent en política lingüistica y adotau d'autonomía organica y funcional, con a fin de guaranciar a suya obchectividat y independencia. S'heba d'encargar d'os temas relacionaus con as [[Luengas d'Aragón|luengas propias]] d'[[Aragón]]: [[idioma aragonés|aragonés]] y [[idioma catalán|catalán]] (entre que o [[idioma castellano|castellano]] ye a luenga oficial, emplegada en tot o territorio'').

A suya existencia estió efimera: Fue creyau en [[2009]] y aboliu en [[2013]] por a nueva Lei de Luengas de Aragón que derogó a lei de [[2009]] y que encomendó as suyas funcions a l'[[Academia Aragonesa d'a Luenga]] y a o [[Gubierno d'Aragón]].

== Constitución ==
Encara que a suya constitución, como indica a [[Lei de Luengas d'Aragón|Lei]], s'habría d'haber produciu antes d'o tiempo de tres meses dende a dentrada en vigor d'a lei, no estió dica o [[18 d'octubre]] de [[2010]] cuan o [[President d'Aragón|President d'o Gubierno d'Aragón]] nombró a os suyos primers miembros.<ref>[http://www.boa.aragon.es/cgi-bin/EBOA/BRSCGI?CMD=VERDOC&BASE=BOLE&PIECE=BOLE&DOCS=1-42&DOCR=5&SEC=FIRMA&RNG=200&SEPARADOR=&&PUBL=20101025 BOA de 25 d'octubre de 2010. Decreto de 18 de octubre de 2010, de la Presidencia del Gobierno de Aragón, por el que se nombra a los miembros del Consejo Superior de las Lenguas de Aragón. ]</ref>  O Consello Superior se constituyó a la fin o [[10 d'aviento]] de [[2010]], esleyindo provisionalment a [[José Bada Panillo]] como president, en estar o miembro d'edat mas gran, y a [[Marta Marín]] como secretaria.<ref>[http://www.elperiodicodearagon.com/noticias/noticia.asp?pkid=631412 El Periódico de Aragón. 11 d'aviento de 2010. Bada preside el Consejo Superior de Lenguas. ]</ref><ref>[http://www.lacomarca.net/index.php?option=com_content&view=article&id=3467:cuatro-bajoaragoneses-forman-parte-del-primer-consejo-superior-de-las-lenguas&catid=81:bajo-aragon&Itemid=458 La Comarca. 15 d'aviento de 2010. Cuatro bajoaragoneses forman parte del primer Consejo Superior de las Lenguas.]</ref> En a sesión posterior, d'o [[27 de chinero]] de [[2011]], se torna a esleyir a [[José Bada]] y [[Marta Marín]] como president y secretaria respectivament, y a [[María Antonia Martín Zorraquino]] como vicepresidenta. As suyas normas d'organización interna y funcionamiento fueron aprebadas por o [[Gubierno d'Aragón]] o [[5 d'abril]] de [[2011]].<ref>[http://www.boa.aragon.es/cgi-bin/EBOA/BRSCGI?CMD=VERDOC&BASE=BOLE&PIECE=BOLE&DOCS=1-53&DOCR=3&SEC=FIRMA&RNG=200&SEPARADOR=&&PUBL=20110418 Decreto 88/2011, de 5 de abril, del Gobierno de Aragón, por el que se aprueban las Normas de organización interna y de funcionamiento del Consejo Superior de las Lenguas de Aragón]</ref>

== Composición ==
O Consello Superior d'as Luengas d'Aragón yera formau por 15 miembros, que s'heban de designar entre filologos, churistas, sociologos, destacadas personalidaz d'as letras, l'amostranza u a investigación lingüistica u d'os ambitos social u cultural d'Aragón.

Yeran nombraus por o [[President d'Aragón]] a propuesta d'as [[Corz d'Aragón]], d'o [[Gubierno d'Aragón]] y d'a [[Universidat de Zaragoza]], correspondendo a cadaguna d'istas institucions d'efectuar a propuesta de 5 miembros. Os miembros d'o Consello se designaban por periodos de 6 anyos, esviellando-se cada dos anyos por terceras partes.

=== Cese d'os miembros ===
O cese d'os miembros se podeba deber a una d'as siguients causas: 
#Transcurso d'o termino de nombramiento.
#Inhabilitación declarada por resolución chudicial firme.
#Renuncia acceptada por o President d'o Consello.
#Declaración de feneiximiento u incapacidat.

As vacants producidas s'habrían de cubrir a propuesta d'a institución que efectuó o nombramiento d'aquella persona en qui concorra a causa de cese y, en o suyo caso, por o tiempo de mandato que li restase.

== Miembros ==
=== Universidat de Zaragoza ===
A demanda d'o Gubierno d'Aragón, a Universidat de Zaragoza ye estada a primera institución en fer a suya propuesta de miembros. Os miembros trigaus yeran:<ref>{{es}} [http://www.elperiodicodearagon.com/noticias/noticia.asp?pkid=583483 ''El rectorado elige a sus miembros para el Consejo de las Lenguas'']. ''[[El Periódico de Aragón]]''. [[20 de mayo]] de [[2010]].</ref>
* [[Javier Giralt Latorre]]
* [[Francho Nagore Laín]]
* [[María Antonia Martín Zorraquino]]
* [[Francisco Beltrán Lloris]]
* [[Luisa María Frutos Mejías]]

=== Corz d'Aragón ===
Os miembros trigaus por as Cortes d'Aragón yeran:<ref>{{es}} [http://www.heraldo.es/noticias/las_cortes_nombran_cinco_miembros_del_consejo_las_lenguas_aragon.html ''Las Cortes nombran a cinco miembros del Consejo de las Lenguas de Aragón'']. ''[[Heraldo de Aragón]]''. [[17 de chunio]] de [[2010]].</ref>
*[[Alberto Moragrega Julián]] ([[Partiu d'os Socialistas d'Aragón|PSOE]])
*[[Marta Marín Bráviz]] ([[Partiu d'os Socialistas d'Aragón|PSOE]])
*[[Enrique Badía Gracia]] ([[Partiu Aragonés|PAR]])
*[[José Ignacio López Susín]] ([[Chunta Aragonesista|CHA]])
*[[Chusé Raúl Usón Serrano]] ([[Cucha Unida|IU]])

L'ausencia de representación d'o [[Partido Popular|PP]] se debeba a que él mesmo renuncia a ella ''por coherencia a la suya posición politica en ista materia''.<ref>{{es}} [http://www.aragondigital.es/asp/noticia.asp?notid=73709&secid=3 ''El PP renuncia a tener representante en el Consejo Superior de las Lenguas''], en ''aragondigital.es''.</ref>

=== Gubierno d'Aragón ===
Os cinco miembros esleyius por o Gubierno d'Aragón yeran:<ref>{{es}} [http://www.elperiodicodearagon.com/noticias/noticia.asp?pkid=617361 ''La DGA elige a sus 5 miembros en el Consejo de las Lenguas'']. ''[[El Periódico de Aragón]]''. [[16 d'octubre]] de [[2010]].</ref>
* [[Carmen Alcover Pinós]]
* [[José Bada Panillo]]
* [[Manuel Castán Espot]]
* [[José Ignacio Micolau Adell]]
* [[Fernando Sánchez Pitarch]]

== Funcions ==
#Proposar a los organos competents de l'Administración linias d'actuación en o marco d'a politica lingüistica.
#Proposar l'adopción d'as midas adecuadas ta guaranciar a protección d'o patrimonio lingüistico aragonés y l'uso d'as luengas y modalidaz lingüisticas propias d'Aragón.
#Efectuar o seguimiento d'os plans y programas en materia lingüistica, asinas como d'as linias d'actuación que se determinen.
#Emitir informes por iniciativa propia u a solicitut d'os organos de l'Administración Publica en asuntos relacionaus con a politica lingüistica.
#Efectuar propuestas a las Administracions Publicas sobre actuacions de fomento y guarancia de l'uso, amostranza y conoiximiento d'as luengas y modalidaz lingüisticas propias d'Aragón.
#Emitir informe previo a la declaración d'as zonas y municipios d'utilización d'as luengas propias.
#Estar escuitau previament a'l establimiento d'os toponimos en Aragón.
#Informar as actuacions que corresponda adoptar en os municipios perteneixients a la zona mixta d'utilización historica d'as luengas y modalidaz lingüisticas propias.
#Cualsiquier atra que se li atribuiga en a Lei.

=== Zonas d'utilización d'as luengas propias ===
Como estableix o punto 6 d'a Lei, o Consello Superior d'as Luengas d'Aragón teneba como función determinar as zonas an que se charra cadaguna d'as luengas propias (en tot caso ''o [[idioma castellano|castellano]] ye a luenga oficial y emplegada en tot o territorio d'Aragón''): 
*Una zona d'utilización historica predominant de l'aragonés, chunto d'o castellano, en a zona norte.
*Una zona d'utilización historica predominant d'o catalán, chunto d'o castellano, en a zona este.
*Una zona mixta d'utilización historica d'as dos luengas propias d'Aragón, chunto d'o castellano, en a zona nororiental.
*Una zona d'uso exclusivo d'o castellano con modalidaz y variedaz locals.

Asinas mesmo, s'estableixioron zonas u localidaz de transición-recepción que incluyen localidaz amanadas que por a suya capitalidat sigan receptoras de ciudadans aragoneses con una luenga propia distinta d'o castellano. As administracions d'a zona u localidat de transición-recepción habrán de cumplir con o establiu t'as zonas d'utilización historica predominant d'as luengas propias.

=== Designación d'os primers integrants d'as academias ===
A [[Lei de Luengas d'Aragón]] indica que os primers integrants de l'[[Academia de la Lengua Aragonesa]] y d'a [[Academia Aragonesa del Catalán]] heban d'estar nombraus por o Gubierno d'Aragón a propuesta d'o Consello Superior d'as Luengas d'Aragón.

Seguntes publica [[Heraldo d'Aragón]] o 8 de mayo de 2011, a lista d'os primers academicos de l'[[Academia d'a Luenga Aragonesa]] ninviada a o Gubierno por o Consello Superior ye formada por:<ref>[http://www.heraldo.es/noticias/cultura/la_academia_lengua_aragonesa_empieza_tomar_cuerpo_con_eleccion_sus_miembros.html La Academia de la Lengua Aragonesa empieza a tomar cuerpo con la elección de sus miembros. Noticia en [[Heraldo de Aragón]], 8 de mayo de 2011.</ref>
*[[María Pilar Benítez Marco]]
*[[Marta Marín Bráviz]]
*[[María Luisa Arnal Purroy]]
*[[Manuel Castán Espot]]
*[[Quino Villa|Joaquín Villa Bruned]]
*[[Francho Nagore Laín]]
*[[Chabier Lozano Sierra]]
*[[Juan José Segura Malagón]]
*[[Chesús Vázquez Obrador|Jesús Vázquez Obrador]].

== Referencias ==
{{listaref}}

== Se veiga tamién ==
*[[Lei de Luengas d'Aragón]]
*[[Francha Oriental d'Aragón]]
*[[Academia d'a Luenga Aragonesa]]
*[[Academia Aragonesa d'o Catalán]]

== Vinclos externos ==
* [http://consejolenguasaragon.org/csla/ Pachina web d'o Consello Superior d'as Luengas d'Aragón].
* [http://www.academiadelaragones.org/biblio/LEI%20DE%20LUENGAS%20D%27ARAGON.pdf Lei de Luengas d'Aragón, en versión bilingüe, Aragonés y Castellano].

{{Control d'autoridaz}}

[[Categoría:Institucions d'Aragón]]
[[Categoría:Idioma aragonés]]
[[Categoría:Catalán en Aragón]]