Chirmans Marx

Chirmans Marx
Groucho, Gummo, Minnie (madre), Zeppo, Frenchy (padre), Chico y Harpo en 1915
Información personal
Puesto naiximiento:	Nueva York (Nueva York, Estaus Unius)
Premios Oscar

Premio Oscar Honorífico: -1974: Groucho Marx, por a suya trachectoria profesional.

Os Chirmans Marx (Marx Brothers en anglés) estió un grupo comico, formato inicialment por cinco chirmans actors d'Estaus Unius d'o vodevil, d'o teatro y d'o cine: Chico Marx (22 de marzo de 1887 - 11 d'octubre de 1961), Harpo Marx (23 de noviembre de 1888 - 28 de setiembre 1964), Groucho Marx (2 d'octubre de 1890 - 19 d'agosto de 1977), Gummo Marx (23 d'octubre de 1893 - 21 d'abril de 1977) y Zeppo Marx (25 de febrero 1901 - 29 de noviembre de 1979).

En os suyos inicios en o vodevil realizaban numeros musicals y se fuoron incorporando progresivament a las actuacions con a resta d'a familia, siguioron explorando diferents aspectos de l'actuación y desenvolvioron numeros comicos que fueron incorporando a lo espectaclo. Principiaron a tener gran exito y cada vegada se centroron mas en ixa faceta comica desenvolvendo cadagún personaches con personalidat propia. Antes d'a Primera Guerra Mundial actuaban cinco chirmans, pero Gummo, a lo cual pareixe que no le feba goyo actuar, s'habió d'incorporar a l'exercito pa combatir en a guerra. A la fin d'a mesma, Gummo, se dedicó a labors d'empresario teatral y representant artistico de sus chirmans entre d'atros artistas. A resta de chirmans continoron una éxitosa vida profesional en o cine, dica que dimpués d'as cinco primeras cintas Zeppo, tamién deixa d'actuar, dotau d'una habilidat especial pa la mecanica compra a empresa Marman Products Co amás de fundar una companyia teatral chunto a o suyo chirmán Gummo. Os atros tres chirmans continoron una exitosa vida profesional.

Cualques d'as suyas cintas estan incluyidas entre as millors cintas comicas d'a historia y d'entre a suya filmografía, cal destacar bellas cintas como Monkey Business (1931, Norman Z. McLeod), Horse Feathers (1932, Norman Z. McLeod), Duck Soup (1933, Leo McCarey), A Night at the Opera (1935, Sam Wood), A Day at the Races (1937, Sam Wood), At the Circus (1939, Edward Buzzell), u A Night in Casablanca (1946, Archie Mayo).