Veyer o codigo fuent de «Cheminis (astrolochía)»

{{Grafía EFA}}
[[Imachen:RR5110-0051R.gif|thumb|Representación y simbolo de Cheminis]]
'''Cheminis'''<ref>{{an}} ''Los nombres d'os signos zodiacals: Aries, Tauro, Cheminis, Cancro, León, Virgo, Libra, Escurpión, Sachitario, Capricorno, Acuario y Pisces.'' "Gramática basica de l'aragonés", Estudio de Filología Aragonesa. Prensas de la Universidad de Zaragoza. Pach. 40. ISBN 978-84-1340-204</ref>, també dito o signo d'os '''cheminucos''', ye o tercer [[signo d'o zodiaco]]. O Sol lo travesa entre o [[21 de mayo]] y o [[21 de chunio]], alto u baixo y seguntes l'anyo. A iste signo, lo riche [[mercurio (planeta)|Mercurio]], planeta que riche os viaches curtos, a comunicación, a educación primaria, os chermans, etc. As suyas colors son l'amariello y cuantas gamas de grisos y as piedras con as que s'identifica son mas que mas o [[berilio]] y o [[topacio]].

Se clasifica entre os elemento d'aire y de cualidat mutable. L'[[arquetipo]] de personalidat de Cheminis s'asocia a conceptos como a inconstancia, a falera chovenil, a curiosidat y a chafardería, a o enchenio, a rapidez mental y oral y a la oratoria, entre d'atros. Metaforicament, a os Cheminis les ne diz l<nowiki>'</nowiki>''adolescent d'o zodiaco''. Por norma cheneral, os signos mutables buscan ufrir un servicio a os atros y, en tractar-se tamién Cheminis d'un signo d'aire (l'aire se relaciona con tot lo que ye ''mental'', ''cognitivo'' y ''comunicación''), se considera que os oficios ideyals pa iste signo son aquels relacionaus con a educación (mas que mas infantil y primaria), os meyos de comunicación (periodismo) u tamién con a literatura.

Se considera que os cheminis fan pacha con os atros signos d'aire ([[Libra (astrolochía)|Libra]] y [[Acuario (astrolochía)|Acuario]]) y con os de fuego, difueras de, con matices, os [[Sachitario (astrolochía)|sachitarios]] por estar-ne o suyo oposau, igual que mantiene una fuerte incompatibilidat con [[Virgo (astrolochía)|Virgo]] y [[Pisces (astrolochía)|Pisces]]. Manimenos, iste cuadro de compatibilitaz y incompatibilitaz no reflecta un perfil individual u lectura individual tal como s'interpreta adrintro de l'astrolochía, sino que reflecta una orientación cheneral y a referencia a la compatibilidat seguntes lo que ye dictau por variables como cualidaz y elementos en o zodiaco.<ref>{{en}} The Diagram Group, ''The Little Giant Encyclopedia of The Zodiac'', p 171, Sterling Publishing Company, New York, 1997</ref>

==Se veiga tamién==
* [[Cheminis (constelación)]]

== Referencias ==
{{listaref}}

{{Signos d'o zodiaco}}

{{Control d'autoridaz}}

[[Categoría:Signos d'o zodiaco]]