Centro Nacional d'Intelichencia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Centro Nacional d'Intelichencia Centro Nacional de Inteligencia

Información d'o Servicio d'intelichencia
Establito	1935 (como Servicio d'Información d'Espanya) 6 de mayo de 2002 (como Centro Nacional d'Intelichencia)
Reemplaza a	CESID
Churisdicción	Espanya
Seu	Av. Padre Huidobro, s/n Madrit, Espanya 40°27′46″N 03°45′48″U
Presupuesto	299,87 millons de € (2021)^[1]
Directora	Esperanza Casteleiro
Localización
Centro Nacional d'Intelichencia Centro Nacional d'Intelichencia en Espanya
Sitio web
cni.es

O Centro Nacional d'Intelichencia (CNI) ye o servicio d'intelichencia d'Espanya, creyau en l'anyo 2002 como sucesor de l'antigo Centro Superior d'Información d'a Esfensa (CESID). Iste servicio ye integrau en a estructura cheneral d'o Ministerio d'Esfensa, como un organismo publico con autonomía funcional y personalidat churidica propia y plena capacidat d'obrar. Tiene, entre atras, a función de «maximo asesor» d'o Poder Executivo en cuestions de seguranza y intelichencia. L'actual directora ye Esperanza Casteleiro Llamazares.

Seguntes a suya lechislación^[2], o Centro Nacional d'Intelichencia ye l'organismo publica responsable de facilitar a o President d'o Gubierno y a o Gubierno d'Espanya as informacions, analisis, estudios o propuestas que permitan aprevenir y evitar cualsiquier periglo, menaza u agresión contra a independencia u integridat territorial d'Espanya, os suyos intréses nacionals y a estabilidat de l'Estau de dreito y as suyas institucions.