Bronce
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
O bronze ye cualsiquiera d'as diferents aleyacions composatas mas que mas por arambre y estanyo. Ni os bronzes modernos ni os antigos contienen nomas istos dos metals. O bronze ye mas resistent y cerenyo que cualsiquier atra aleyación común, excepto l'acero, a o que supera en resistencia a la corrosión y facilidat de lubricación. Por iste motivo suposó un important abance tecnolochico que dió nombre a la Edat d'o Bronze.
O bronze se conoixe dende l'antigüidat. Os griegos y os romanos adhibioron sen, plomo y plata a las aleyacions de bronze ta emplegar-los en ainas, armas, monedas y obchectos d'arte.
O sen, o plomo y atros metals se troban ocasionalment en o bronze que actualment se fabrica. As propiedaz d'o bronze varian seguntes os suyos components. Asinas, cuan contiene a o menos un 10% d'estanyo, l'aleyación ye cerenya y tien un punto de fusión baixo. Os nombres d'as variedaz d'o bronze provienen d'os components adicionals, como por eixemplo, o bronze d'aluminio, o bronze de manganeso, u o bronze de fosforo. O bronze moderno se fa servir en a fabricación d'instrumentos musicals.
Por eixemplo, as composicions quimicas de dos tipos de bronze de fosforo son as siguients:
- Bronze C521:
- Cu (Arambre): 91,8%
- Sn (Estanyo): 8%
- P (Fosforo): 0,2%
- Bronze C510:
- Sn (Estanyo): 5%
- P (Fosforo): 0,2%
- Cu (Arambre): 94,8%
Simbolismo[editar | modificar o codigo]
- A medalla de bronze simboliza o tercer clasificato en una competición esportiva.
- Tamién fa referencia a os 22 anyos de casatos.
- Os trozuelos de bronze yeran un obchecto machico que respondeba a cualsiquier pregunta, y un d'os ornamentos de qui practican endevinación. Apareixen referencias a istos tozuelos en obras como O Quixot u tractatos d'alquimia.
