Biatlón
O biatlón[1] ye un esporte olimpico d'hibierno que combina o esquí de fundo y o tiro a o blanco. Tien o suyo orichen en as pruebas d'esquí militar de l'exercito noruego d'o sieglo XVIII,[2] pero o biatlón moderno en ye a variant civil.[3]
O suyo funcionamiento ye una cursa d'esquí de fundo en a que en determinaus puntos d'o recorriu os participants han de parar-se a disparar con un rifle sobre un blanco estatico, de tal manera que cada error en o tiro penaliza, ya siga recorrendo una distancia adicional u bien adhibindo tiempo a o total d'a prueba. Gana qui remata en menos tiempo.
O biatlón tien o suyo orichen en o feito de que os hombres d'as tierras nordicas heban d'ir de caza desplazando-se sobre esquís (u os suyo equivalents) y cargando una arma dencima. Con o tiempo ista necesidat se tornó en a versión ludica y esportiva que huei conoixemos. I hai cuantas pruebas y modalidaz adintro d'o biatlón. Istas son: individual, sprint, persecución, releus y salida en masa, tanto en categoría masculina como femenina.
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ (no) Bergsland, Einar (1946): På ski. Oslo: Aschehoug.
- ↑ (en) Bø, Olav: Skiing throughout history, translated by W. Edson Richmond. Oslo: Samlaget, 1993.
Se veiga tamién
[editar | modificar o codigo]
| Control d'autoridaz |
|
|---|
