Ir al contenido

Antonio González Triviño

De Biquipedia
Antonio González Triviño
27 de chinero de 1986 – 17 de chunio de 1995
Precediu por Ramón Sainz de Varanda
Succediu por Luisa Fernanda Rudi
12 de chunio de 1994 – 13 de chunio de 1999
20 de chunio de 1991 – 16 de chunio de 1994
19 d'abril de 1979 – 17 de chunio de 1995
Naiximiento 5 de marzo de 1951
Tetuán (Protectorau espanyol de Marruecos)
Partiu Partido de los Socialistas de Aragón
Profesión Empresario, mayestro y politico

Antonio González Triviño (5 de marzo de 1951 de Tetuán, Protectorau espanyol de Marruecos) ye un mayestro industrial y politico espanyol. Estió alcalde de Zaragoza dende o 27 de chinero de 1986 dica o 17 de chunio de 1995.

Trachectoria politica

[editar | modificar o codigo]

Estió concellero en o Concello de Zaragoza por UCD y posteriorment por o PSOE. Dimpués d'a muerte de Ramón Sainz de Varanda fue designau alcalde d'a ciudad, con 34 anyos, ya casau y con dos fillos,[1] cargo en o que estió dica 1995. También estió eurodiputau y deputau en a III Lechislatura d'as Corz d'Aragón.[2] A suya carrera politica remató en 1999, dende alavez exerce como empresario en Barcelona.[3]

En a suya etapa como maximo rechidor d'a ciudad s'actuó en as «asignaturas pendients» que teneba Zaragoza. Encara en bels prochectos s'esbatafulloron y atros cambioron u se facioron en meyo de fuertes polemicas. Como resenya os convenios urbanisticos que por primera vegada apuntoron enta l'ueste pa o creiximiento d'a capital de l'Ebro.[4]

Dos d'as suyas obras continan estando en l'actualidat imprescindibles pa Zaragoza: en o distrito de Sant Chusé se construyió o pabillón Prencipe Felipe y, chunto a la Romareda, l'Auditorio. Se remodeló o Teatro Prencipal. Se fació o Plan de recuperación d'o Casco Viello. S'esvielloron os puents d'o Pilar y de Piedra. Ta rematar se fació a depuradora d'auguas de la Cartuixa y se conoixió que a prencipal linia d'AVE (Madrit-Barcelona) tendría aturada en Zaragoza.

Referencias

[editar | modificar o codigo]
  1. ↑ (es) Articulo de "El País", 28 de enero de 1986
  2. ↑ (es) Articulo de El país sobre la elaboración de listas
  3. ↑ (es) [1] Entrada de la Gran Enciclopedia Aragonesa
  4. ↑ (es) "25 años de ciudad". VV.AA. 2004, Asociación de exconcejales democráticos de Zaragoza/Ayuntamiento de Zaragoza. ISBN Z-974/2004

Predecesor:
Ramón Sainz de Varanda 		Alcalde de Zaragoza
1986-1995 		Succesor:
Luisa Fernanda Rudi


Obteniu de "https://an.wikipedia.org/w/index.php?title=Antonio_González_Triviño&oldid=2212263"