Amorriador
Un amorriador u amurriador[1] sole estar un claro u, más propiament, un «fitero» en a montanya a on que as cabezas de ganau remugants s'agrupan y se chitan con freqüencia ta fer a murria u «amorriar».
Utilidat[editar | modificar o codigo]
Una caracteristica de muitos remugants, y que s'explota en ganadería, ye que son gregarios y tienden a desplazar-se y fer as actividatz en grupichons lo menos que qualque numero d'animals. A murria no en ye una excepción, y a la hora de chitar-se a amorriar, prefieren puestos tranquilos, con fácil fuyida, y a on que sienten que podrían veyer-se a venir os depredadors a qualque cosa de distancia.
Muitos amorriadors son zonas claras de vechetación que fan más fácil cosirar os animals dende a distancia. Manimenos, os mesmos animals pueden tener diferents amorriadors en a partida de mont por a on se mueven, y fer-ne servir unos u es atros en función de variables como o tempero, a temperatura u a estación de l'anyada a on que sían, y pueden preferir puestos de solano quan fa fresca, u de mosquera t'acalorar quan a temperatura ye alta u fa bell orache.
Bellas vegadas se puede trobar amorriadors d'orichen natural, a on que simplament os animals s'han íu acostumbrando a amorriar u porque i tienen condicions favorables, y belatros pueden ser d'oríchen antropica, por eixemplo si s'ha desbrozau bella parzana en o monte que ye envistable dende lugar, a on resida l'amo, con a intención de que os animals a prefieran. Manimenos, como as preferencias d'os animals pueden pender de as condicions meteorolochicas, se troba tamién exemplos d'uso d'o termín amorriador aplicaus a puestos chusto a la contra, de uembra[1], anque son menos freqüents.
Referencias[editar | modificar o codigo]
- ↑ 1,0 1,1 (an) CASAUS PARRILLA, Chesús y MIGUEL BALLESTÍN, Pascual, Dizionario Aragonés de Terminos Cheograficos; Gara d'Edizions. Zaragoza, 2008. ISBN 978-84-8094-059-7