A Morisma

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Morisma ye una representación teatral popular que se fa en l'Aínsa, con caracter festivo, sobre la batalla lechendaria que presuntament i enfrentó as mesnadas de García Ximéniz contra os musulmans en as cercanías de l'Aínsa en l'anyo 724. A representación se fa cada dos anyos (en os anyos impars) ta lo primer domingo de setiembre en a Plaza Mayor d'a villa, dende 1970 cuan se recuperó (pos no se i heba celebrado dende 1921).

Feita per os habitants d'a localidat y d'altras localidaz d'a redolada (bels 250 en i actúan), se i gosa representar papels tan diversos como os reis moros, os reis cristianos, o diaple, un ánchel, o pecato, o pastor y lo repatán, y toz os soldatos d'os dos bandos. Enantes, la feban en a campa d'a Cruz Cubierta, a 1,5 km en ueste de l'Aínsa. Cal destacar que os papels que se i representan se son transmesos per vía oral dende fa sieglos, una cheneración dimpués d'altra, dica que ya mesos en o sieglo XX os rematoron d'escrebir.

Historia

Se conoix una mención d'esta representación en o sieglo XV, en reinando los Reis Catolicos, anque l'antiguedat autentica d'esta representación no s'ha puesto confirmar. A primer vegada confirmada que se fa decir d'ella ye en 1676, cuan las Corz d'Aragón les concedioron a cifra de 10 libras chaquesas ta subvencionar a festividat. Se representó dica 1921 y o suyo texto se recopiló en os anyos 1930 por Luis Mur y Francisco Peñuelas pero a representación no se tornó a recuperar dica 1970 con ixos apuntes, y memorias d'a chent mayor que heba participau de choven. Tamién en ixe mesmo anyo s'empecipia a fer en castellano en cuenta d'en aragonés y se treslada la suya representación a la Plaza mayor pués dica 1921 se fació en un campo clamau lo campo de batalla, que yera an se creyeba que heba teniu lugar la batalla que se representa.

Vinclos externos