Teodora estió emperadora de l'Imperio Bizantín como muller de Teofilo y estió rechent de l'Imperio dende 842 dica 855. Ye naixida arredol 815 y morió dimpués de 867.
En o "Libro de los Emperadors" li dedican un capitol (De Teodora, muller de Teófilo, e de Micali, fillo de ellos amos, et cetera:
Muerto el emperador Teófilo, romanió la senyoría imperial a Teodora, su muller, e a
Micali, su fillo. El cual, porque era chico, su padre lo lexá yus comanda de Manuel e de Teotisto; e el imperio se governava por la emperadriç, su madre, la cual con grant diligencia e cura, con obra e favor del dito
Teotisto, fazía abonir la grant fortuna e tempestat de la cual fueron caçados fieles cristianos por las santas imágines, favoreant todo que el dito Manuel no se acordasse de fer anular la dita eresía. por voluntat de Dios a mal de la enfermedat que fue lexada de los monges, por que algunos monges defensadores de la fe cathólica fueron al dito Manuel a intención de corregir e tirarlo de la opinión erética que tenía, si pudiessen. Por los cuales le fue demandado cómo estava. E respuso assí feblement que apenas oían su voç; e dixo: << Ya só spaciado >>. E los monges le dixieron: << si tú ensemble con la emperadriç faças tornar las santas imágines a la Eglesia e te tirasas de aquexa eresía, tú havrás salut corporal e del ánima >>. E aquesto prometido por el dito Manuel de ferlo, de continent fue aleviado de la graveza de la enfermedat e, finalment, fue guarido de todo. E fue al palacio e favló con la emperadriç sobre el feito de las imágines, en el cual feito davan grant diligencia la madre de...
Gobernó con man dura, disuadió a los bulgaros d'invadir l'Imperio Bizantín:
E de allí avant todos començaron conexer la fe catholica e tomar el
babtismo. Aprés aquesto, envió sus
embaixadores a la emperadriç e demandavale que.l das part de la terra del imperio, que su gent estavan muito estreitos por la gran multitut que eran. E prometía que, si su demanda le exaudiés, de haver paç e liga perpetual con los griegos. La emperadriç, exaudida su demanda, le dio tierra de los primeros vizinos que son entre Grecia e Burgaria, de la terra clamada
Sidrán entro a otra que se clama
Veltón. La senyoría de los burgaros fue clamada por ellos
Zagorá. E assí fue firmada la paç devés ponent.
Reprimió a los paulicians:
mas en la part de levant era una generación de gent, innumerable multitut, los cuales se clamaban
manicheos, e por la gent idiota
pavlichiani nombre compuesto de Pavlo e de Johanni , los cuales fueron hombres famosos. No començaron aquestos la
eresía, mas fueron más gelosos de la dita eresía e aquellos de mi más es estada predicada. E la emperadriç
Teodora púsose en coraçón de sacarlos de aquella eresía e de meterlos en la fe cathólica. Por la cual cosa, envió algunos hombres de grant fama en ciencia, por los cuales no fue tenida buena manera. En el començamiento non solament su
embaixada fe vana, mas por aquesta occasión se retrayeron de la obedencia imperial. Los cuales, de la ora avant, mesclándose con los
turcos ivan en huest sobre las tierras e castiellos de Grecia; la cual cosa fue occasión de muito mal
En l'anyo 843 fació aplegar un sinodo en o que esvielloron o culto a las santas imáchens.
Mientres a rechencia de Teodora o suyo fillo Miguel cayó baixo a influencia de Bardas, y Teodora habió de deixar d'estar rechent, retirando-se a lo Monesterio de Gastria y dimpués a lo Convento de Santra Eufrosinia, morindo arredol de l'anyo 867. Fue beatificada por a Ilesia ortodoxa y as suyas reliquias tresladadas en 1460 ta Kérkyra, (Corfú). Os ortodoxos celebran Santa Teodora l'11 de febrero.
.jpg){kind=icon}
