Beat 'em up

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Beat 'em up (tamién conoixiu como brawler, beat 'em all u belt scroller) ye un subchenero de videochuegos d'acción que presenta un combate cuerpo a cuerpo entre lo protagonista y una cantidat increyiblement gran d'oponents. Os beat 'em up tradicionals tienen puesto en livels bidimensionals (2D) de desplazamiento, mientres que una serie de chuegos modernos presentan entornos tridimensionals (3D) mas ubiertos con un numero encara mayor d'enemigos. Lo modo de chuego tiende a seguir as convencions d'o chenero arcade, como estar simple d'aprender pero dificil de dominar, y lo sistema de combate tiende a estar mas desembolicau que atros chuegos d'acción de desplazamiento lateral. Lo chuego cooperativo pa dos chugadors y os personaches pa multiples chugadors tamién son partis distintivas d'o chenero. A mayoría d'istos chuegos tienen puesto en entornos urbans y presentan tramas basadas en a luita contra lo crimen y la venganza, encara que cualques chuegos pueden emplegar temas historicos, de ciencia ficción u de fantesía.

Lo primer beat 'em up estió Kung-Fu Master de 1984, que se basó en cintas d'artes marcials de Hong Kong. Nekketsu Koha Kunio-kun de 1986 introdució lo formato de desplazamiento emplegau amplament en chuegos posteriors, a lo mesmo tiempo que popularizó os entornos urbans contemporanios, mientres que la suya versión occidental , Renegade, introdució encara mas temas de venganza de l'inframundo. Dimpués, o chenero experimentó un periodo de gran popularidat entre lo lanzamiento de Double Dragon en 1987, que definió lo modo cooperativo pa dos chugadors y lo formato de desplazamiento contino pa los clasicos beat 'em ups, y Street Fighter II de 1991, que atrayió a los chugadors enta los chuegos de luita d'un contra un. Chuegos como Streets of Rage, Final Fight, Golden Axe y Teenage Mutant Ninja Turtles son atros clasicos surtius d'iste periodo. En zaguerías d'o decenio de 1990, o chenero perdió popularidat con l'aparición d'a tecnolochía de poligonos 3D.

En a decenio de 2000, surtió un subchenero de chuegos que adaptó a formula beat 'em up pa fer servir entornos 3D a gran escala, con franquicias populars que incluyen Devil May Cry., Dynasty Warriors, God of War y Bayonetta. Dende lo decenio de 2010, os beat 'em up tradicionals en 2D han resurtiu, con titols populars como Dungeon Fighter Online, Dragon's Crown y Streets of Rage 4.